Аҟәа. Абҵарамза 14. 2023 шықәса. Аԥсныпресс. Аҵара Аминистрра аԥснытәи ашколхәыҷқәа ркоманда ателехәаԥшратә олимпиада «Умницы и умники» алахәхара азы Москваҟа идәықәнаҵеит. 

Аҵара Аминистрра апресс-маҵзура иҟанаҵо адыррақәа рыла, аԥснытәи акоманда аилазаараҿы иҟоуп:

Аҟәа. Абҵарамза 14, 2023 шықәса. Аԥсныпресс. Аԥсны Аҳәынҭқарра аҳәынҭқарратә хьчара Амаҵзура аиҳабы, аинрал-маиор Дмитри Дбар идҵа инақәыршәаны, Аҳәынҭқарратә хьчара Амаҵзура иҷыдоу азкызаара змоу аотриад аҽазыҟаҵаратә база аҿы атактика-ҷыдалкаатә зыҟаҵарақәа мҩаԥысит.

Аҳәынҭқарратә Хьчара Амаҵзура апресс-маҵзура иҟанаҵо адыррақәа рыла, мышқәак ирылагӡаны иҷыдоу азкызаара змоу аотриад аруаа аотриад аҽазыҟаҵаратә база аҿы еиԥш Аладатәи Ешыра ақыҭан иҟоу ахысратә дәы аҿгьы амцатә, абҩарҵәыратә, атактика-ҷыдалкаатә зыҟаҵарақәа ирхысуеит.

Аҽазыҟаҵарақәа раан аотриад аруаа еиуеиԥшым арратә хыдҵақәа рынагӡара рҽазыршәеит.

Аҟәа. Абҵарамза 14, 2023 шықәса. Аԥсныпресс. Атәыла агәабзиарахьчара аминистр Едуард Быҭәба Ахылаԥшырҭа ахәшәқәа ррезервтә шьҭаҵарҭа аусура гәеиҭеит, ҳәа адырра ҟанаҵоит агабзиарахьчара Аминистрра апресс-маҵзура.

Аусура ацашьа атәы аминистр изеиҭеиҳәеит атәыла Агәабзиарахьчара Аминистрра амедицинатә хархәагақәеи ахәтә маҭәашьарқәеи рыла аиқәыршәара аусбарҭа анапхгаҩы Ахра Аџьба.

Аҟәа. Абҵарамза 13, 2023 шықәса. Аԥсныпресс. Жәлар Реизара-Апарламент адепутатцәа аҩбатәи аҵыхәтәантәи аԥхьара аҿы 2023 шықәсазы Аԥсны ареспубликатә биуџьет рыдыркылеит.   

Еидкылоу (аконсолидациа зызу) 2023 шықәсазы Аԥсны Аҳәынҭқарратә биуџьет азеиԥш-шәага-зага ахашәалахәқәа рыла 13 млрд. 615 млн. 933,9 нызықь мааҭ рҟынӡа инаӡоит, аныхтәқәа рыла – 15 млрд. 932 млн. 206,8 нызықь мааҭ  рҟынӡа инаӡоит. Аҳәынҭқарратә биуџьет адефицит цқьа еилкааны  2 млрд. 316 млн. 272,9 нызықь мааҭ рыла ишьақәырӷәӷәоуп.  

2023 шықәсазы Ареспубликатә биуџьет ахашәалахәытә хәҭа апараметрқәа цқьа еилкааны рышьақәырӷәӷәара мҩаԥгоуп. Уи аицҵалыҵ 10 млрд. 425 млн. 326,9 нызықь мааҭ рҟынӡа инаӡоит.

2023 шықәсазы Ареспубликатә биуџьет аныхтә хәҭа убасҵәҟьа 720 млн. 018,3 нызықь мааҭ рыла аизҳара аганахьала арҽеирақәа алагалоуп, уи аицҵалыҵ 12 млрд. 301  млн. 360,1 нызықь мааҭ рҟынӡа инаӡоит. Ареспубликатә биуџьет адефицит  1 млрд. 876 млн. 33,2нызықь мааҭи рҟынӡа инаӡоит.

«2023 шықәсазы ҳара ҳтәылауаа, иуадаҩу аԥсҭазааратә ҭагылазаашьа зауз ауаа хықәкылатәи афинанстә цхыраара рыҭаразы  аҭакԥхықәрақәа наҳагӡар акәхеит. Иара убас, асоциал-культуратә усхкы иадҳәалоу хазы игоу аобиектқәеи Аҟәа ақалақьи араионқәа реиҳараки рҿы иҟоу анапхгараҭаратә обиектқәеи рфинансыркра азы иназыцҵоу азыҳәамҭақәа ҳауит. Убри аҟнытә, шәара азакәан апроект адгылара ашәҭар,… раԥхьатәи ашәатәы зыдҳәалахо иарбоу асоциалтә харџьқәа роуп», – ҳәа иҳәеит атәыла аԥыза-министр ихаҭыԥуаҩ, афинансқәа рминистр Владимир Делба.

Аҟәа. Абҵарамза 14, 2023 шықәса. Аԥсныпресс.  Ацитрустә сезон алагара - цәыббрамза инаркны иахьанӡа Аԥснынтәи експорт ҳасабла иалганы иган:  

амандарина – 2 844 409 кь,

афеихоа – 571 657 кь,

ахәырма – 123 399 кь,

алимон – 139 438 кь.

Иҳаҩсыз ашықәс аиԥш-зеиԥшу аамҭахәҭа азы Аԥснынтәи иалганы иган:

амандарина – 1 559 792 кь,

афеихоа – 588 843 кь,

ахәырма – 53 714 кь,

алимон – 190 917 кь. Абри азы Аԥсныпресс ахь адырра ҟарҵеит Аԥсны Аҳәынҭқарратә ҳазылхратә Еилакы аҿы. 

Аҟәа. Абҵарамза 14, 2023 шықәса. Аԥсныпресс.  Аԥснытәи ашахматистцәа аиҩызаратә онлаин-матч аҿы никарагуатәи аспортсменцәа ириааит.  Аматч мҩаԥысуан абҵарамза 13 рзы, уи асчиот  6:2 ҳәа ихыркәшахеит, ҳәа адырра ҟанаҵоит Аԥсны аҿари аспорти русқәа рзы аҳәынҭқарратә Еилакы.

Аԥсны акоманда  ахьӡала иқәгылеит Ҭемыр Зыхәба, Альберт Карапетиан, Руслан Ӡиаԥшьба, Сарида Лакәатаа. 

Аҟәа. Абҵарамза 14, 2023 шықәса. Аԥсныпресс. Анна Тхагушева аолимпиатә чемпион Алеқсеи Урманов иаԥхьахәқәа ргаразы аҵаақәшьқьраара азы атәылаҿацәтә еицлабрақәа рҿы араӡнытә аԥхьахә лгеит, ҳәа адырра ҟанаҵоит аҿари аспорти русқәа рзы аҳәынҭқарратә Еилакы.

Аицлабрақәа мҩаԥысуан абҵарамза  8 – 11 рзы афедералтә ҵакыра «Сириус» аспорт Ахан «Большой» аҿы. Урҭ рхы аладырхәит Урыстәыла еиуеиԥшым ақалақьқәа рҟынтәи 350-ҩык инарзынаԥшуа аспортсменцәа. Анна Тхагушева аразриад «аҵаақәшьқьрааҩы қәыԥш» аҿы дықәгылон.

Аспортсменка лҽазыҟалҵоит Шәача ақалақь, аолимпиатә аҵаақәшьқьраара Академиа «Олимпийский лед» аҿы азыҟаҵаҩ Алина Забора лнапхгарала. 

Аҟәа. Абҵарамза 14, 2023 шықәса. Аԥсныпресс.  Гәылрыԥшь араион аҩныҵҟатәи аусқәа Русбарҭа ашьауӷаԥшааратә ҟәша аусзуҩцәеи атәыла аҩныҵҟатәи аусқәа Рминистрра ахьырхәра анагӡара аусбарҭа аусзуҩцәеи Гәылрыԥшь аҳаблаҿы иааныркылеит автомашьына ВАЗ-2107. Уи аԥсҟы икын 1958 шықәсазы ииз, Дранда аҳаблаҿы инхо Баиактар-оглы Турсун Џьемал-иԥа. 

Аԥсны аҩныҵҟатәи аусқәа Рминистрра апресс-маҵзура иҟанаҵо адыррақәа рыла, амашьына агәаҭараан аԥхьатәи апассаџьыртә тәарҭа аҿы амилициа аусзуҩца ирбеит иагьцәырыргеит зыкапан 4,5 грамм рҟынӡа инаӡо, «каннабис» ҳәа изышьҭоу анаркотикатә маҭәашьар.

Аҟәа. Абҵарамза 13, 2023 шықәса. Аԥсныпресс. Жәлар Реизара-Апарламент адепутатцәа  еицҿакны «2023 шықәсазы Ареспублиатә биуџьет ахархәагақәа ахықәкытә зкызаара арҽеирақәа ралагалара азы» Ақәҵара рыдыркылеит.  

Убас, 2023 шықәсазы ареспубликатә биуџьет аҿы афымцамч ахархәаразы априборқәа раахәразы иазԥхьагәаҭаз 60 млн. мааҭ афымцамч Аԥсныҟа аашьҭра ахәԥса ашәара ахь идәықәҵахоит.

Аҟәа. Абҵарамза 13, 2023 шықәса. Аԥсныпресс. Адибет чымазара аҿагылара Адунеизегьтәи Амш азы ауаажәларратә еиҿкаара «Аԥсны адиабеттә еилазаареи» агәабзиарахьчара Аминистрреи еилахәны, Аԥсны асоциал-культуратә аԥшьгарақәа Рфонд афинанстә дгылараала Аԥсны «Ашьақар аҩаӡара ҭышәынтәалоуп» ҳәа агәыҳалалратә акциа мҩаԥгахоит.

Абҵарамза 14 - 15  рзы изҭаху зегьы хәыда-ԥсада ршьа аҿы ашьақар аҩаӡара гәарҭалоит. Абҵарамза 14 рзы акциа мҩаԥыслоит асааҭ 09:00 инаркны Ҭҟәарчал ақалақь аҿы (Араионтә Хәышәтәырҭа Хада), Гал ақалақь аҿы (Араионтә Хәышәтәырҭа Хада), Аҟәа ақалақь аҿы (Ареспубликатә хәышәтәырҭа аҟны иҟоу аполиклиника) Пицунда ақалақь аҿы  (акурорттә поликлиника), Гагра ақалақь аҿы (ахәаахәҭратә центр «Гагра», (Араионтә Хәышәтәырҭа Хада).