Аҟәа. Ԥхынгәымза 15, 2024 шықәса. Аԥсныпресс. Аԥснытәи ақалақьқәа Аҟәа, Гәдоуҭа, Гагра, Пицунда, иара убас Гиачрыԥшь ақыҭантәи жәҩык аӡӷабцәеи аҷкәынцәеи алагерь «Артек» ахь амҩа иқәлеит.
Нестор Ажьиба, Ерик Каракеиан, Лаура Михаиленко, Владимир Соколов, Сергеи Стефаниди, Санта Смыри Ева Ҳагбеи Жәларбжьаратәи аконкурс «Люди Артека» аҿы аиааира ргеит, Алеқсеи Ураеви Асҭамыр Ҳагбеи – Жәларбжьаратәи атрек «Большая Перемена» аҿы аиааира ргеит, - ҳәа адырра ҟанаҵоит Аԥсны иҟоу Аурыс Ҩны.
Акоманда дацны дцеит Пицундатәи абжьаратәи ашкол №2 аурыс бызшәеи алитературеи рырҵаҩы Анастасиа Риурик.
Аконкурс «Люди Артека» аиҿкаара ахахьы иагеит «Ауаажәларратә проектқәа адгылара рыҭара иазку Ацентр «Еицыҟаҳҵап». («Центр поддержки общественных проектов «Сделаем вместе»).
Апроект апартниорцәаны иқәгылоит Аԥсны иҟоу Урыстәыла аус ацуразы Ахаҭарнакра Урыстәылатәи Афедерациа адәныҟатәи аусқәа Рминистрра, иара убас аполитикатә партиа «Урыстәыла акзаара».
