Ауаажәларратә шәарҭадара амилициа аусура ахылаԥшра азҭо, аҩныҵҟатәи аусқәа рминистр ихаҭыԥуаҩ Беслан Чкадуа, Дамеи Аҩӡба азинхьчаратә система аҿы аус иуеижьҭеи крааҵуеит, Автоҳәынҭинспекциа аҿы иҟоу ауадаҩрақәа ртәы шьахәлаҵәҟьа идыруеит  ҳәа иазгәеиҭеит. Беслан Ҷкадуа амҩаду иану амашьынақәа рхыԥхьаӡара акыр ианазҳауа аԥхынтәи аамҭахәҭазы Аусбарҭа аусзуҩцәа  русура ҷыдала ахшыҩзышьҭра аҭара аҭахуп ҳәа иазгәеиҭеит.  

Автоҳәынҭинспекциа Аусбарҭа анапхгаҩы аамҭала инапынҵақәа назыгӡо Дамеи Аҩӡба анапхгара аҟынтәи иоуз агәрагара азы иҭабуп ҳәа иҳәеит. Убри аан уи асистема аҿы иҟоу ауадаҩрақәа рыӡбаразы иаҭаху ауснагӡатәқәа рганахьала игәаанагара иҳәеит.  

Аилатәара ахыркәшамҭаз атәыла аҩныҵҟатәи аусқәа Рминистрра анапхгара даҽазныкгьы Автоҳәынҭинспекциа Аусбарҭа ахатәы еилазаара ареспублика амҩадуқәа рҿы амҩа-транспорттә машәыртә хҭысқәа рхыԥхьаӡара аиҵатәра азы доусы ирыдҵоу аҭыԥқәа рҿы аусура арӷәӷәара азы адҵа роуит.