Иаанкылоуп Гагра ақалақь аҿы аӷьычра ҟазҵаз ҩыџьа ауаа.

15.Ԥхынгәы.2024

Акьыԥхьра

Иаанкылоуп Гагра ақалақь аҿы аӷьычра ҟазҵаз ҩыџьа ауаа.

Аҟәа. Ԥхынгәымза 15, 2024 шықәса. Аԥсныпресс. Гагра аҩныҵҟатәи аусқәа Русбарҭа ашьаусԥшааратә ҟәша аусзуҩцәа Гагра ақалақь аҿы апарк-отель «Амра» аҵакыраҿы иҟоу аресторан «Пирс» аҟынтәи аӷьычра ҟазҵаз аадырԥшит.

Зхаҭара шьақәыргыламыз џьоукы иаҿаз апластик иалху ашә ҿыхны аресторан «Пирс» азал аҿы инеины, уаҟа игылаз акассатә аппарат аиашьықь иҭаз 300 000 мааҭ ҭыганы иргеит.

«Имҩаԥгаз аоператив-ԥшааратә уснагӡатәқәа рыла иаанкыланы аамҭалатәи аусеилыргаанӡатәи аԥхьакырҭа ахь инагоуп 1995 шықәсазы ииз, Бзыԥта ақыҭан инхо Гамгиа Дмитри Виачеслав-иԥеи 1987 шықәсазы ииз,Пицунда ақалақь аҿы инхо Ҷедиа Вахтанг Иури-иԥеи», - ҳәа адырра ҟанаҵоит атәыла аҩныҵҟатәи аусқәа Рминистрра апресс-маҵзура.

Иаанкылоу атәылауаа рганахьала ашьаусеилыргара хацыркуп. Дмитри Гамгиеи Вахтанг Ҷедиеи ырбаандаҩуп.

Read 145 times - Аҩаша, 16 Ԥхынгәы 2024 11:56

Иҵегь ари акатегориаҟны « Жәҩык Аԥснытәи ашколхәыҷқәа «Артек» ахь амҩа иқәлеит. Аминистрцәа Реилазаара гәалсра дула ирыдышшылоит зыԥсҭазаара иалҵыз Витали Валериан-иԥа Шариа иҭаацәа. »

Хыхь

«	Абҵара 2024					»
Ашә	Аҩа	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

АЖӘАБЖЬҚӘА

Иаанкылоуп Гагра ақалақь аҿы аӷьычра ҟазҵаз ҩыџьа ауаа.