Ахатәы абызшәаҵаратә школ «АИХЬӠАРА» аҿы аԥсуа бызшәеи англыз бызшәеи алагарҭатә етап аҟынтәи аҵара алыршахоит. Иара убас арҵаҩцәа ахәыҷы ашколтә ԥышәарақәа разыҟаҵарагьы рхахьы иргоит. Ашкол аартра нанҳәамзазы иазԥхьагәаҭоуп.
11.Ԥхынгәы.2024
Аҟәа ақалақь аҿы иаатраны иҟоуп абызшәаҵаратә школ «Аихьӡара».
Аҟәа. Ԥхынгәымза 11, 2024 шықәса. Аԥсныпресс. Ашкол «АИХЬӠАРА» абар шьҭа иаарласны абызшәақәа рҵара зҭаху зегьы рзы ашәқәа аанартуеит.
Аҵыхәтәантәи жәашықәса рыҩныҵҟа адунеи зегьы аҿы аҳәаанырцәтәи абызшәақәа рҵара азнеишьақәа акыр аҽеиҭанакит. Раԥхьаӡа иргыланы, иарбоу амаҵзура ахкы адҵаалара акыр еиҳахеит, иҩбахаз – аҵара алшарақәа аҳәаақәа рыҽдырҭбааит – иахьа адгылара мҩаԥысуеит абызшәа аҵара иазку еиуеиԥшым аметодикақәа, изҭаху зегьы доусы ирнарло аформа алырхыр алшоит.
Аԥсны абызшәа аҵараҿы хазхаҭала азнеишьа азԥхьагәазҭо аҵара аметод ауааԥсыра акыр иазхьаԥшуеит.
