Альфред Леонид-иԥа  Какуев 90-шықәса дшырҭагылаз, ԥхынгәымза 13, 2024 шықәса рзы иԥсҭазаара далҵит. Атәылаҿы еицырдыруаз аполитикатә усзуҩ иԥсҭазаара алҵра – аус ицызуази хаҭала дыздыруази зегьы рзы  цәыӡ дуӡӡоуп. Альфред Какуев иԥсҭазаара зегьы ҳреспублика аԥсҭазаара иузаҟәымҭхо иадҳәалан. Альфред Леонид-иԥа  ареспублика аинтересқәа аполитикатә шьақәырӷәӷәара ашықәсқәа раан еиԥш,  1992-1994 шықәсақәа рзы иуадаҩыз аибашьра аамҭеи аибашьра ашьҭахьтәи ашықәсқәеи рзы атәыла аинтересқәа зыхьчоз, Владислав Арӡынба напхгара зиҭоз Апарламент иаԥсоу депутатын. Альфред Леонид-иԥа Какуев игәалашәара лаша наунагӡа ҳгәалашәараҿы иаанхоит», – ҳәа иаҳәоит Жәлар Реизара –Апарламент адепутатцәа иҟарҵаз адышшыларатә шәҟәы аҟны.

Альфред Леонид-иԥа Какуев Ареспублика Аԥсны иреиҳаӡоу аҳәынҭқарратә ҳамҭа  – «Ахьӡ –Аԥша» аорден III аҩаӡара ианашьан.