АЖӘАБЖЬҚӘА
сегодня 15:10
Аԥсни Урыстәылеи рсоциал-економикатә усеицура иазку инарҭбаау аилацәажәара мҩаԥысит Аԥсны аминистрцәа Реилазаараҿы
Аилацәажәара иалахәын усутә визитла ареспубликахь иааз Урыстәылатәи Афедерациа аекономикатә ҿиара аминистр ихаҭыԥуаҩ Сергеи Назаров, апрофильтә министррақәеи аусбарҭақәеи рнапхгаҩцәа.
Урыстәылатәи иколлегацәа бзиала шәаабеит ҳәа раҳәо аԥыза-министр Владимир Делба иазгәеиҭеит уажәтәи амшхәаԥштә аҵакы акомплекстә ҟазшьеи шамоу.
«Сеигәырӷьоит ҳтәылақәа рыбжьара асоциал-економикатә усеицура иазку ҳаилацәажәараҿы шәбара. Ҳара иахьа азҵаарақәа жәпакы ҳрылацәажәоит. Урҭ агәабзиарахьчара, аҵара, ауааԥсыра рсоциалтә хьчара, аинфраструктура роуп. Даара сақәгәыӷуеит иахьа азҵаарақәа зегьы инҭырҳәцааны ҳарзааҭгылап, ахырхарҭа хадақәа шьақәҳарӷәӷәап ҳәа», — иҳәеит Владимир Делба.
Аԥыза-министр иара убасгьы иааркьаҿны ахәшьара аиҭеит аинырра абжьаратәи аихшьаалақәа.
«Ииасыз аамҭахәҭа иалагӡаны акыр ҳнаӡахьеит. Жәаҳәарада, аекономикатә рбагақәа рынагӡара анырра азҭо аҷыдақәа ыҟоуп, аха убас шакәугьы, агәра ганы аизҳара иаҿуп . Асоциал-економикатә ҿиара апрограмма иазԥхьагәанаҭо амакроекономикатә рбага хадақәа нагӡахоит. Убри азы уажәы анаҩстәи ашьаҿақәа инҭырҳәцааны рылацәажәара акраҵанакуеит», — ҳәа иажәа хиркәшеит Владимир Делба.
