Аҟәа. Нанҳәамза 29, 2025 шықәса. Аԥсныпресс.  Аԥсны иҟаз Аахыҵ Уаԥстәыла ацҳаражәҳәаҩ Олег Боциев иԥсҭазаара алҵра инамаданы адышшыларақәа аауеит.

***

Аахыҵ Уаԥстәыла Ахада Алан Гаглоев Аԥсны иҟаз Аахыҵ Уаԥстәыла ацҳаражәҳәаҩ Олег Боциев иԥсҭазаара алҵра инамаданы адышшыларатә шәҟәы ааишьҭит.

«Гәалсра дула исыдыскылеит Олег Илиа-иԥа иаамҭанымкәа иԥсҭазаара дшалҵыз азы ажәабжь хьанҭа. Иара иԥсҭазаара зегьы Аԥсадгьыл амаҵзура иазикит, аиашьаратә республика Аԥсны иахәҭоу аҩаӡараҿы Аахыҵ Уаԥстәыла ахаҭарнакра наигӡон, Аахыҵ-уаԥстәылеи Аԥсни рыбжьара аимабзиаратәи аиашьаратәи аизыҟазаашьақәа рырҿиара аус аҿы илагала дууп», - ҳәа иаҳәоит адышшыларатә цҳамҭа атекст аҿы.

Алан Гаглоев «Олег Боциев гәыкала зыԥсадгьыл бзиа избоз, зыжәлар реизҳазыӷьара азы зыхшыҩи зылшареи иамеигӡоз ауаҩы иаҳасабала игәалашәара наунагӡа ҳгәаҵаҿы иаанхоит» ҳәа инаҵшьны иазгәеиҭеит. Алан Гаглоев зыԥсҭазаара иалҵыз ацҳаражәҳәаҩ иуацәеи иҭынхацәеи, иара убас иҩызцәеи аус ицызуази зегьы дрыдышшылеит.  

Сухум. 28 августа 2025. Апсныпресс. 72 шықәса дшырҭагылаз иԥсҭазаара далҵит 1992-1993шш. Аԥсны жәлар Рџьынџьтәылатәи еибашьра аветеран, Аԥсны иҟаз Аахыҵ Уаԥстәыла ацҳаражәҳәаҩ Олег Боциев. Абри азы ҟанаҵоит Аԥсны адәныҟатәи аусқәа рминистрра.

Олег Боциев иԥсҭазаара дшалҵыз азы адырра зауз Аҳәынҭқарра Ахада Бадра Гәынба Аԥсны иҟоу Аахыҵ Уаԥстәыла ацҳаражәҳәаҩ иҭаацәа дрыдышшылеит.

Аҳәынҭқарра Ахада иара убас Аахыҵ Уаԥстәыла ахада Алан Гаглоев диацәажәеит ҳәа аанацҳауеит апресс-маҵзура.

«Олег Илиа-иԥа Аԥсны жәлар Рџьынџьтәылатә еибашьра даветерануп, Аԥсни Аахыҵ Уаԥстәылеи дырпатриот дуун. Ҳҳәынҭқаррақәа реиҩызара арӷәӷәаразы иҟаиҵаз рацәоуп. Иҭаацәеи иҩызцәеи ҳрыцгәырҩоит», — ҳәа иеиҳәеит иколлега Бадра Гәынба.

Аҟәа. Нанҳәамза 28, 2025 шықәса. Аԥсныпресс. Нанҳәамза 28 рзы Аԥсны иқәынхо аиашахаҵаратә дин ныҟәызго ақьырсианцәа Анцәадзыхшаз Ицқьаӡоу Мариа Лылацәеиқәыԥсара Амш азгәарҭоит. Ари аиашахаҵаратә ныҳәа дуқәа иреиуоу ныҳәоуп, уи Ицқьаӡоу Анцәа Иан Мариа цәеижьла жәҩан ахь лхалара  иадҳәалоуп. Ари ахҭыс «аԥсҭазаара алҵра» ҳәа акәӡам ишашьҭоу, уи Анцәа дзыхшаз «лылацәеиқәыԥсара» ауп, ауахәамаславиантә бызшәа аҟынтәи еиҭаганы «ацәара», мамзаргьы «ҭынч аԥсра» ҳәа иаанагоит. Ари аныҳәа символс иамоуи, ақьырсианцәа уи шазгәарҭоуи ртәы Аԥсныпресс акорреспондент диҿцәажәо еиҭеиҳәеит Ацқьа Иоанн Ахьҿы ихьӡ зхоу Камантәи аберҭыԥ ахылаԥшҩы, Аԥснытәи Аиашахаҵаратә Уахәама адәныҟатәи ауахәаматә еимадарақәа рыҟәша ахантәаҩы, аигумен Игнати (Киут).

Аҟәа. Нанҳәамза 28, 2025 шықәса. Аԥсныпресс.  62-тәи Жәларбжьаратәи ахәаахәҭра-ааглыхратә цәыргақәҵа аҳәаақәа ирҭагӡаны, Дамаск ақалақь аҿы қәҿиарала адгалара мҩаԥган аԥснытәи апавилион. Уи аусмҩаԥгатә асасцәеи алахәылацәеи рыбжьара акыр аинтересс рызцәырнагеит, ҳәа адырра ҟанаҵоит Аԥсны адәныҟатәи аусқәа Рминистрра апресс-маҵзура.

Аҟәа. Нанҳәамза 28, 2025 шықәса. Аԥсныпресс. Шьамтәыла иҟоу Урыстәыла Ацҳаражәҳәарҭа аҿы Аԥсны адәныҟатәи аусқәа рминистр Олег Барцыц зхадараҿы дыҟоу аделегациеи Урыстәыла ацҳаражәҳәаҩ Алеқсандр Ефимови реиԥылара мҩаԥысит.

Аҟәа. Нанҳәамза 28, 2025 шықәса. Апсныпресс.  Нанҳәамза 30 рзы амаршрут «Шәача-Аҟәа-Шәача ала адәыӷба «Комета» ала  еиԥырҟьам амшынтә еимадара алагоит.

Нанҳәамза 30,  асааҭ 10:30 рзы адәыӷба Шәачатәи амшынбаӷәаза аҟынтәи идәықәлоит. 146 километр рҟынӡа инаӡо амаршрут уи 2,5 рыла инанагӡоит. Аҟәатәи амшынбаӷәаза аҟынӡа инаӡоит  асааҭ 12:50 рзы. Шьҭахьҟа идәықәлоит асааҭ 16:30 рзы. 

Аҟәа. Нанҳәамза 28, 2025 шықәса. Аԥсныпресс. Аԥсны Аҳәынҭқарра Ахада Бадра Гәынба Иусԥҟала Аԥсадгьыл аҿаԥхьа ҷыдалатәи хаҭалатәи илшамҭақәа рзы, Аԥсны Аишахаҵаратә Ныха гәцаракрала амаҵ ауреи аиҭеираҟны илагамҭеи рзы, иара убас адоуҳа-леишәатә қьырсиантә традициақәа реиқәырхареи рырҿиареи, Аныхеи аҳәынҭқарреи реимадара арӷәӷәареи рзы Бассарион Аԥлиаа ианашьоуп «Ахьӡ-Аԥша» аорден I аҩаӡара.

Аҟәа. Нанҳәамза 28, 2025 шықәса. Аԥсныпресс. Аԥсны Аҳәынҭқарра Ахада Бадра Гәынба Аԥсны жәлар Нанҳәа рыдиныҳәалеит.

Адныҳәалараҿы иазгәаҭоуп:

«Ҳаҭыр зқәу ҳауаажәлар!

Гәык-ԥсык ала ишәыдысныҳәалоит ақьырсиан иашахаҵаратә ныҳәа Нанҳәа — Ицқьаӡоу Анцәадзыхшаз Лылацәеиқәыԥсара амш.

. Аԥсны Аинформациатә Маҵзура «Аԥсныпресс» ажурналист Аманда Касланӡиаԥҳаи аинформациатә портал «ЧП Абхазия» аԥҵаҩы Руслан Шакови злахәыз жәларбжьаратәи аԥышәахысра  «ИнтерНовости» Москва ақалақь, нанҳәамза 24 – 27 рзы  имҩаԥысуан.

Аԥышәахысра рхы аладырхәит иара убас Аахыҵ-Уаԥстәыла, Ҟазахсҭан, Киргизиа, Қырҭтәыла, Узбекьысҭан, Белоруссиа, уҳәа егьырҭ атәылақәа рҟынтәи ажурналистцәеи апресс-маӡаныҟәгаҩцәеи.

«ИнтерНовости» апроект алахәылацәа асезон хдыркәшеит иреиҳау урыстәылатәи ажәабжьтә редакциақәа  ТАСС, КОММЕРСАНТЪ аҭаарала. 

Аҟәа. Нанҳәамза 26, 2025 шықәса. Аԥсныпресс.  Аҟәа ақалақь аҿы иаатит Фазиль Искандер ихьӡ зху Аҳәынҭқарратә аурыс драматә театр амузеи.  Апроект нагӡоуп амузеи адиректор хада Кристина Трубина лаԥшьгарала афедералтә программа «Новый музей театра» аҳәаақәа ирҭагӡаны, Аԥсни Урыстәылеи ркультура аминиаррақәа иҟарҵаз адгылара иабзоураны.