Иаанкылаз игәаҭараан, анаҩс уаанӡа иҟаиҵахьаз имаӡоу аҭаҵәахқәа рҿы иԥшааз, иара убас имашьына аҿы иԥшааз анаркотикатә маҭәашьар азеиԥш капан  368 грамм рҟынӡа инаӡоит. 

Иара анаркотик Шәача ақалақь аҿы иаахәаны аҭиразы Аԥсныҟа иааигон.

Аҳәынҭқарратә ҳәаа ахысра дшаҿыз, Аужьҭра-гәаҭаратә Ҭыԥ «Ԥсоу» аҿы хаҭала игәаҭараан ахаҵа идырбалеит жә-еилаҳәаракны еихшаз, зыкапан 27,5 грамм иреиҳаз  анаркотикатә маҭәашьар «мефедрон».

Анаҩстәи аоператив-ԥшааратә усмҩаԥгатәқәа рымҩаԥгараан иаанкылаз ахаҵа Аҟәа ақалақь, Кәыдрытәи амҩаду ала уаанӡа иҟаиҵахьаз имаӡоу аҭаҵәахқәа ахьыҟаз дирбеит. Амилициа аусзуҩцәа араҟа ирыԥшааит даҽа 13 грамм инарзынаԥшуа аиԥш-зеиԥшу анаркотикатә маҭәашьар.

Атәылауаҩ Денис Салимианов итранспорттә хархәага агәаҭараан атәыла аҩныҵҟатәи аусқәа Рминистрра Анаркотикатә маҭәашьарқәа реикәыршара ахылаԥшра азы Аусбарҭа аусзуҩцәа ирыԥшааит еиқәаҵәоу аполиетилентә хҟьа змаз,  еихшаз жә-еилаҳәарак, урҭ рыкапан  27,5 грамм аҟынӡа инаӡон. 

Гәдоуҭа араион Мысратәи аҳәарԥсарра абнатә қәацәра  аҵакыраҿы Денис  Салимианов имаӡоу аҵәахырҭақәа рҭыԥ аирбеит, уаҟа иҭаҵәахын зыкапан 300 грамм рҟынӡа инаӡо, «мефедрон» ҳәа изышьҭоу анаркотикатә маҭәашьар.

Денис Салимианов ахара идҵоуп Аԥсны Ашьаустә Закәанеидкыла ахәҭаҷ 224, ахәҭа 3,  ап. «в», иара убас ахәҭаҷ  224, азгәаҭа.1, ахәҭа 3, ап. «б» иазԥхьагәанаҭо ацәгьоуратә епизодқәа ҩба рыла ахара идҵоуп.

Уажәы игәҩароу ахаҿы аусеилыргаанӡатәи аԥхьакырҭа ахь дырбаандаҩуп.