Аҟәа. Нанҳәамза 19, 2025 шықәса. Аԥсныресс. Аҳәынҭқарра Ахада Бадра Гәынба Афон Ҿыц иҟоу аобиектқәак дырҭааны рҭагылазаашьа зеиԥшроу гәеиҭеит. 

Аҟәа. Нанҳәамза 18, 2025 шықәса. Аԥсныпресс. Аԥсны агәабзиарахьчара аминистр Едуард Быҭәба, Урыстәылатәи Афедерациа агәабзиарахьчара Аминистрра иҷыдоу аинфраструктуратә проект анагӡаразы адепартамент адиректор ихаҭыԥуаҩ Ельмира Вергазова,  аштатнҭыҵтәи ареаниматолог хада,  Амилаҭтә медицинатә ҭҵаарадырратә Центр «Ахәышәтәра-реабилитациатә центр» (НМИЦ "Лечебно-реабилитационный центр") адиректор Сергеи Царенко, Гагратәи араионтә хәышәтәырҭа Хада анапхгараҭареи Урыстәылатәи Афедерациа амилаҭтә медицинатә ҭҵаарадырратә центрқәа рхаҭарнакцәеи алархәны, авидеоконференцеимадара арежим ала Гагратәи араионтә хәышәтәырҭа Хада аҿиареи уи ҳаамҭа иақәшәо амедицинатә еиқәыршәагақәа рыла аиқәыршәареи ирыдҳәалоу азҵаарақәа ирылацәажәеит.  

Аҟәа. Нанҳәамза 18, 2025 шықәса. Аԥсныпресс. Аԥсны Аҳәынҭқарра Ахада Бадра Гәынба «Иаку асоциалтә шәахтә азы» Аԥсны Аҳәынҭқарра Азакәан апроект аиӷьтәра иазку Аусуратә гәыԥ аԥҵаразы» Адҵа инапы аҵаиҩит.

Аҟәа. Нанҳәамза 19, 2025 шықәса. Аԥсныпресс. Аҟәа ақалақь, аплиаж «Марнеро» аҿы имҩаԥысит атуризм Аминистрра ала еиҿкаахаз авидео-конкурс «Аԥсны акадр аҿы» («Абхазия в кадре») аӡыргара. Ари аконкурс атәыла атуристтә потенциал аарԥшра, ахархәаратә контент аԥҵара ацхраареи ацифратә ҵакыраҿы Аԥсны хра злоу ахыԥша аԥҵареи иазкуп.

Аҟәа. Нанҳәамза 19, 2025 шықәса. Аԥсныпресс.  29-ҩык Аԥсны аколхәыҷқәа ауниверситеттә смена апрограмма аҳәаақәа ирҭагӡаны Москваҟа амҩа иқәлеит. Урыстәылеи Аԥсни рҵара Аминистррақәа рыла еиҿкаау Апрограмма анагӡара  мҩаԥысуеит Урыстәылатәи  аҳәынҭқарратә атуризми асервиси руниверситет аҿы.

Аҟәа. Нанҳәамза 19, 2025 шықәса. Аԥсныпресс. 2025 шықәса актәи азыбжазы Аԥсны Амилаҭтә ашәаратә система АԤРА аҿы имҩаԥгаз аоперациақәа  рымҽхак  17,5 млрд. мааҭ рҟынӡа инаӡеит, уи 2024 шықәса аиԥш-зеиԥшу аамҭахәҭа иаҿырԥшны уахәаԥшуазар 9,8 % рыла еиҳауп. Абри азы адырра ҟаҵоуп Аԥсны Абанк аофициалтә саит аҿы.

Аҟәа. Нанҳәамза 19 2025 шықәса. Аԥсныпресс. Аԥсны Ахада Анхәа ақыҭа  аинфраструктура аҭагылазаашьеи иҟоу ауадаҩрақәеи реилкаара хықәкыс иҟаҵаны агәаҭаратә ҭаара мҩаԥигеит. Раԥхьа  Аҳәынҭқарра Ахада Аԥсны Аџьынџьтәылатә еибашьраҟны иҭахаз ақыҭа ауааԥсыра ҳаҭырла игәалаиршәеит.  

Аиааира 30 шықәса ахыҵра инамаданы иргылаз ақыҭаҟнытә иҭахаз рбаҟа ахәҭақәак хыркәшаӡам. Аҳәынҭқарра Ахада адҵа ҟаиҵеит Аиааира амш аҟынӡа аусурақәа рхыркәшаразы.

Аҟәа. Нанҳәамза 18, 2025 шықәса. Аԥсныпресс. 39-ҩык аԥснытәи ашколхәыҷқәа Урыстәылеи Аԥсни рҵара Аминистррақәа еицынарыгӡо апрограмма аҳәаақәа ирҭагӡаны Санкт-Петербургҟа амҩа иқәлеит.

Ахәыҷқәа иаҭаауеит Санкт-Петербургтәи Аҳәынҭқарратә абнатехникатә Университет.

Аҟәа. Нанҳәамза 18, 2025 шықәса. Аԥсныпресс. Цәыббрамза 18, 20 рзы Цхьынвал ақалақь аҿы имҩаԥыслоит I Жәларбжьаратәи аекономикатә Форум «Аахыҵ Уаԥстәыла. Аинвестициақәа рылаԥшҳәаақәа».

Афорум аусура рхы аладырхәраны иҟоуп  Аахыҵ Уаԥстәыла Ахада Алан Гаглоев, Ареспублика Аԥсны Ахада Бадра Гәынба, Урыстәылатәи Афедерациа Анапхгара, Урыстәылатәи Афедерациа Ахада Иусбарҭа, Урыстәылатәи аекспорттә Центр, Урыстәылатәи Афедерациа Ацентрбанк, Урыстәылатәи Афедерациа арегионқәа, Сербтәи Ареспублика ахаҭарнакцәа. Иара убас асасцәа рхыԥхьаӡараҿы иҟалоит аилазаара дуқәа – ВТБ, ПСБ, ВЭБ, Ростех ахаҭарнакцәеи Урыстәылеи Аахыҵ Уаԥстәылеи абизнесс-ассоциациақәа ралахәылацәеи.

Аҟәа. Нанҳәамза 18, 2025 шықәса. Аԥсныпресс. Гагра араион аҿы аӡхагаларатә станциақәа ԥшьба реиҭашьақәыргылара иалагоит.

Иарбоу аобиектқәа реиҭашьақәыргылара иабзоураны араион ауааԥсыра аӡрыжәтә ала реиқәыршәара аганахьала ицәырҵуа апроблемақәа реиҳарак ӡбахоит.