Аҟәа. Абҵарамза 21, 2025 шықәса. Аԥсныпресс. Ахьӡ-Аԥша апарк аҿы Аџьынџьтәылатәи еибашьраан хабарда ибжьаӡыз ргәалашәаа аллеиа аадртит.

Акциа мҩаԥнагеит «Аԥсны анацәа аҭынчреи асоциалтә иашареи рзы» анацәа рхеилак.

Аҟәа. Абҵарамза 21, 2025 шықәса. Аԥсныпресс. Абҵарамза 2 рзы аполеоботаник, абиологиатә наукақәа ркандидат, Жәларбжьаратәи аботаникатә еилазаареи Европазегьтәи аполеоботаникатә еилазаареи рлахәыла Алеқсандра Константин-иԥҳа  Шьаҟрыл (20.11.1925 – 22.12.2009) диижьҭеи шәы-шықәса ҵит.

Уи лира Амш аҽны Чачба имҩала игылоу,  лара дахьынхоз аҩны аҿы амемориалтә ӷәы шьақәдыргылеит.

Аҟәа. Абҵарамза 21, 2025 шықәса. Аԥсныпресс. Афон Ҿыц ақалақь аҿы иаатит Аԥсны адомино Афедерациа Раԥхьатәи апрезидент Артур Габуниа игәалашәара иазку Жәларбжьаратәи атурнир, ҳәа адырра ҟанаҵоит Аԥсны аҿари аспорти русқәа рзы Аҳәынҭқарратә Еилакы апресс-маҵзура. Аицлабрақәа мҩаԥыслоит абҵарамза 21 - 23 рзы.

Аҟәа. Абҵарамза 20, 2025 шықәса. Аԥсныпресс. Аенергетика аминистр Баҭал Мышәба иԥылара Жәлар Реизара-Апарламент аҿы имҩаԥгаз «аиҳабыратә сааҭ» аҳәаақәа ирҭагӡаны имҩаԥысит. Аиԥылараҿы аенергетика ахырхарҭа аҭагылазаашьеи аӡын аамҭа ҳахьынӡазыҟаҵоуи алацәажәара мҩаԥысит. Уи мҩаԥигеит аекономикатә политика, арефомақәеи аинформациатә технологиақәеи рзы апарламенттә Еилакы ахантәаҩы Резо Занҭариа.

Аиԥылара аартуа, аекономикатә политика, ареформақәеи аинформациатә технологиақәеи рзы апарламенттә Еилакы ахантәаҩы Резо Занҭариа аенергетика Аԥсны аекономика аҿиаразы ихадоу усхкны иҟоуп ҳәа иазгәеиҭеит. 

«Ҳара зегьы иаадыруеит уи аҭагылазаашьа атәы. 2023-2024 шш. рзы аенергетика даара иуадаҩыз аҭагылазаашьа ыҟан. Ҳара, адепутатцәа раҳасабала, иаҳдыруазар ҳҭахуп, иааизакны аенергетика аусхкы аҿиара аперспектива зеиԥшроу. Ҳара ҳалацәажәар ҳҭахуп иахьа аус зуа «Аенергетика азы» азакәан иҟоу аҭагылазаашьа иахьынӡақәшәо, уи атәыла иҭышәынтәаланы иааиԥмырҟьаӡакәа афымцамч ала аиқәыршәара иахьынӡаацхраауа», – ҳәа иҳәеит Резо Занҭариа.

Аенергетика аминистр Баҭал Мышәба адырра ҟаиҵеит  ҳазҭоу ашықәс 10 мыз рыла Аԥсны афымцамч ахархәара 1 млрд. 900 млн. кВт/с рҟынӡа инаӡоит, уи иҳаҩсыз ашықәс аиԥш-зеиԥшу аамҭахәҭа иаҿырԥшны 65 млн. кВт/с рыла еиҵоуп.

Аҟәа. Абҵарамза 20, 2025 шықәса. Аԥсныпресс.  2027 шықәсазы имҩаԥысраны иҟоу адомино азы адунеи ачемпионат Аԥсны имҩаԥгазар алшоит. Абҵарамза 20 рзы Sputnik-Аԥсны апресс-центр аҿы имҩаԥысыз апресс-конференциа аҿы абри азы адырра ҟаиҵеит Жәларбжьаратәи адомино Афедерациа апрезидент  Мануель Окендо.

Мануель Окендои Аԥсны Аҳәынҭқарра Ахада Бадра Гәынбеи реиԥылара аҿы ачемпионат амҩаԥгаразы ашьаҭа аԥызҵо заанаҵтәи аиқәшаҳаҭрақәа рыбжьарҵеит ҳәа иазгәеиҭеит.  

«Аспорт есымша аполитика иаламзароуп. Адомино еиднакылозароуп. Аҳәынҭқарра Ахада Бадра Гәынба иԥылара ачемпионат амҩаԥгара аганахьала акыр зҵазкуа етапны иҟалеит. Зегьы зыдҳәалахо Афедерациа акомитет алахәылацәа ирыдыркыло аӡбамҭа ауп. Урҭ рақәшаҳаҭра ҳара ҳзы иҿыцу алшарақәа аанартуеит. Насгьы  иазгәаҭатәуп, 2011 шықәсазы Аԥсны адомино азы адунеи ачемпионат шымҩаԥысуаз», - ҳәа иҳәеит  Мануель Окендо.

Аҟәа. Абҵарамза 20, 2025 шықәса. Аԥсныпресс. «Петербургский альманах кавказоведения» раԥхьатәи аномер ҭыҵит, ҳәа Аԥсныпресс ахь адырра ҟалҵеит аҭыжьымҭа  «Юридический центр» адиректор Ирина Дамениа.

Аҟәа. Абҵарамза 20, 2025 шықәса. Аԥсныпресс. Ареспубликатә хәышәтәырҭаҟны аусура иалагаз Ареспубликатә шьа-датә центр аҿы аԥснытәи аҳақьымцәа урыстәылатәи рколлегацәа рыцны раԥхьатәи аԥҟара мҩаԥыргеит. Уи ҩ-сааҭк инареиҳаны ицон, қәҿиаралагьы ихыркәшахеит.

Аҟәа. Абҵарамза 21, 2025 шықәса. Аԥсныпресс. Аԥсны Аҳәынҭқарра Ахада Бадра Гәынба  адомино азы жәларбжьаратәи афедерациақәа рнапхгаҩцәа дырԥылеит. Абри азы адырра ҟанаҵоит Аҳәынҭқарра Ахада ипресс-маҵзура. 

Аҟәа. Абҵарамза 20, 2025 шықәса. Аԥсныпресс. Аҳәынҭқарра Ахада Аҳәаахьчаратә усбарҭа анапхгареи ахатәы еилазаареи Аҳәаахьчаҩ имш рыдиныҳәалеит.

Адныҳәалараҿы ахәҭакахьала иҳәоуп:

«Ҳаҭыр зқәу аҳәаахьчаҩцәа, аҩызцәа аофицерцәа!

Ишәыдысныҳәалоит шәзанааҭтә ныҳәа — Аԥсны Аҳәынҭқарра Аҳәаахьчаҩ имш!

Аҟәа. Абҵарамза 20, 2025 шықәса. Аԥсныпресс. Аҟәа ақалақь, Ваинахаа рымҩала аиҭашьақәыргыларатә усурақәа ирылагеит. Аԥхьанатә иазԥхьагәаҭан араҟа абетонтә мҩа аҟаҵара, аха нас ишеилкаахаз ала, иарбоу аҭыԥ аҿы ацрыӡмҩангагатә система шьақәыргылаӡам, ҳәа адырра ҟанаҵоит аҳҭнықалақь Ахадара апресс-маҵзура.