Аҟәа. Абҵарамза 20, 2025 шықәса. Аԥсныпресс. Аҟәа ақалақь Ахадара автопарк иҿыцу атехника ҷыда – агәамсам ақәгага амашьына «КамАЗ» ацлеит.

Аҳҭнықалақь Ахадара акоммуналтә маҵзурақәа иарбоу атехника азымхара рныԥшуеит. Есыҽны  агәамсам ақәгага амашьынақәа ақалақь иахьаҵанакуа агәам еизыргоит, анҩс уи Гал араион аҿы иҟоу агәамсамеизакырҭа ахь иргоит.

Аҟәа. Абҵарамза 20, 2025 шықәса. Аԥсныпресс. 62 шықәса дшырҭагылаз иԥсҭазаара далҵит Аԥсны жәлар Рџьынџьтәылатәи еибашьра аветеран, Аԥсны зҽаԥсазтәыз артист, Аҳәынҭқарратә ансамбль «Шьараҭын» адиректор Беслан Едуард-иԥа Бебиа.

Аҟәа. Абҵарамза 20, 2025 шықәса. Аԥсныпресс. Апрокуратура Хада аҿы аусзуҩцәа иааныркыло аҭыԥқәа иахьынӡақәнаго аилкааразы аттестациа мҩаԥыргеит, ҳәа адырра ҟанаҵоит Апрокуратура Хада апресс-маҵзура.

Аҟәа. Абҵарамза 20, 2025 шықәса. Аԥсныпресс. И.Папасқьыр ихьӡ зху Амилаҭтә библиотека аҿы аԥсуа поет, Асовет Еидгыла ашәҟәыҩҩцәа Реидгыла алахәыла, Аԥсны ашәҟәыҩҩцәа Реидгыла алахәыла, Урыстәыла ашәҟәыҩҩцәа Реидгыла алахәыла, ажурналист Виачеслав Ҷыҭанаа (19.11.1955  - 25.02.2005 шш.) 70-шықәсатәи ииубилеи иазкны агәалашәаратә хәылԥазы мҩаԥысит.

Аҟәа. Абҵарамза 19, 2025 шықәса. Аԥсныпресс. Ганрацәалатәи амашьынатә аушьҭра-гәаҭаратә Ҭыԥ «Адлер» ала Аԥснынтәи Урыстәылаҟа ииаган 7 нызықь тонн ашәыруҭраҭыхтә аалыҵ, 5 нызықь тонна инареиҳаны амандаринагьы уахь иналаҵаны, ҳәа адырра ҟанаҵоит Урыстәыла Афедералтә ҳазалхратә Маҵзура Аладатәи аҳазалхратә усбарҭа апресс-маҵзура.

Аиагара аинтенсивра ашьҭыхрала шәачатәи аҳазалхыҩцәа ақәиҭымзаарақәеи аԥкрақәеи рықәымныҟәара, иара убас азинҭаратә усшәҟәқәа раармырԥшра   иадҳәалоу азинеилагарақәа аадырԥшуеит. Аиҳарак азинеилагара ҟазҵо зхатәы автотранспорт ала ақыҭанхамҩатә аалыҵ ииазго хазхаҭалатәи ахаҿқәа роуп.

Аҟәа. Абҵарамза 19, 2025 шықәса. Аԥсныпресс. Апроект ҿыц «Жәлар рысцена» («Народная сцена») актәи акастинг мҩаԥысуеит абҵарамза 20 рзы. Sputnik-Аԥсны апресс-центр аҿы имҩаԥысыз апресс-конференциа аҿы абри азы адырра ҟаиҵеит Ҭемыр Ҭаниа.

Аҟәа. Абҵарамза 19, 2025 шықәса. Аԥсныпресс. Аԥсны аҩныҵҟатәи аусқәа Рминистрра Аҳәынҭқарратә автоинспекциа Аусбарҭа аҿы Автоҳәынҭинспекциа аҟәшеиҵақәа, аҩныҵҟатәи аусқәа ақалақьтә усбарҭақәеи араионтә ҟәшақәеи рнапхгаҩцәа алархәны аусуратә еилатәара мҩаԥысит, ҳәа адырра ҟанаҵоит Аҩныҵҟатәи аусқәа Рминистрра апресс-маҵзура.

Аҳәынҭқарратә автоинспекциа Аусбарҭа аиҳабы Дамеи Аҩӡба аилатәара иалахәыз дыдирдырит амҩатә ԥҟарақәа реилагара аус адулареи ахылаԥшреи рзы аҟәша анапхгаҩыс иҟаҵоу Ҳаџьараҭ Бганба.  

Аҟәа. Абҵарамза 19, 2025 шықәса. Аԥсныпресс. Аҳәынҭқарра Ахада ацитрустә шәырқәа рекспорт азы Аҳәынҭқарратә ҳазалхратә Еилакы ахантәаҩы иаҳасабырба идикылеит. Аҳәынҭқарратә ҳазалхратә Еилакы  ахантәаҩы аҳәынҭқарра Ахада АҲЕ 2025 шықәса 10 мыз рыла аусура алҵшәақәа рзы адырра ииҭеит. 

Аҳәынҭқарратә ҳазалхратә Еилакы адыррақәа рыла, 2025 шықәсазы Аԥснынтәи Урыстәылаҟа експорт ҳасабла идәықәҵан ф-нызықь тонна инарзынаԥшуа амандарина. Сынтәа ацитрустә шәырқәа рекспорт азы арбагақәа ҵыԥхтәи ашықәсазтәи арбагақәа иреиҳауп.

«Иахьазы атәыла иалганы идәықәҵоуп 5986 тонна амандарина, уи 297 тонна рыла еиҳауп ҵыԥхтәи арбагақәа раасҭа; афеихоа – 1112 тонна, уи иҳаҩсыз ашықәс азы аасҭа 147 тонна рыла еиҳауп, ахәырма – 214 тонна, уи иҳаҩсыз ашықәс азы аасҭа 8,5 тонна рыла еиҳауп. Сынтәа експорт ҳасабла атәыла иалганы идәықәҵан 250 тонна алимон, уи  иҳаҩсыз ашықәс аиԥш-зеиԥшу аамҭахәҭа иаҿырԥшны уахәаԥшуазар, 123 тонна рыла еиҳауп», –  ҳәа адырра ҟаиҵеит Оҭар Хьециа.

Аҳәынҭқарра Ахада иазгәеиҭеит ақыҭанхамҩа аалыҵ експортла изышьҭуа ацхыраара рыҭара шахәҭоу.

«Урыстәылатәи агани ҳареи ҳусеицура хра злоу аҩаӡараҿы иҟоуп. Уаанӡатәи ашықәсақәа рзы еиԥш акәымкәа, уажәы ацитрусттә шәырқәа аҳәаа иахганы адәықәҵара аганахьала изеиԥшразаалак уадаҩра ҳәа ҟамлароуп», –  иазгәеиҭеит Аҳәынҭқарра Ахада.

Аҟәа. Абҵарамза 19, 2025 шықәса. Аԥсныпресс. Аԥсны ахәыҷы изинқәа рыхьчаразы Азинмчы змоу Мактина Џьынџьалԥҳаи Азинмчы змоу Иаппарат азиндырҩы Екатерина Лиаховецкаеи аҟәатәи абжьаратәи ашкол №1 6-8-тәи аклассқәа ҵаҩцәа рзы аинтернет аҿы ашәарҭадлара аԥҟарақәа иазку аурок мҩаԥыргеит.

Аҟәа. Абҵарамза 19, 2025 шықәса. Аԥсныпресс. «Асоциалтә такси» арныҟәцаҩцәа раԥхьатәи амедицинатә цхыраара аҭара азы аҽазыҟаҵарақәа ирхысуеит. Уи азы акурсқәа еиҿкаауп Аԥсны агәабзиарахьчара Аминистрра аҿы. Аҽазыҟаҵарақәа мҩаԥигоит агәабзиарахьчара аминистр Едуард Быҭәба.