Уи иажәақәа рыла, аматч акыр аҵанакуеит ареспублика аҿы ашьапылампыл апопулиаризациа азы, иара убас аҭыԥантәи ашьапылампыласыҩцәа рыспорттә ҟазара ашьҭыхреи рзы.
«Ҳаспортсменцәа Ашьапылампылтә милаҭтә Лигеи (ФНЛ) Амедиалигеи (МФЛ) еизгоу ркомандақәа рылахәхара – ари еиҳау аҩаӡараҿы рпотенциал аарԥшразы зеиӷьаҟам лшароуп. Агәра ганы сыҟоуп, ари амтч ашьапылампыл абзиабаҩцәа зегьы рзы ныҳәаны ишыҟало, уи анырра бзиа шырнаҭо», – ҳәа аҳәамҭа ҟаиҵеит Ҭарашь Ҳагба.
Аматч мҩаԥысуеит ԥхынҷкәынмза 5 рзы астадион «Динамо» аҿы. Аԥсны аҿари аспорти русқәа рзы Аҳәынҭқарратә Еилакы аспорт абзиабаҩцәа зегьы рахь астадион иаҭаарц, иарбоу аицлабраҿы ҳаспортсменцәа адгылара рырҭарц азы ааԥхьара ҟанаҵоит.
