Аҟәа. Ԥхынгәымза 11, 2025 шықәса. Аԥсныпресс. Аԥсны аԥыза-министр Владимир Делба Урыстәыла аекономикатә ҿиара аминистр Максим Решетников иира Амш идиныҳәалеит.

«Даара ахә ҳаракны иаҳшьоит Аԥсны асоциал-економикатә ҿиареи ҳтәылақәа реидгыларатә еизыҟазаашьақәа рыла ишьаҭарку аҩганктәи аусеицура аҳәаақәа рырҭбаареи рзы хаҭала Шәара шәлагала.

Аҟәа. Ԥхынгәымза 11, 2025 шықәса. Аԥсныпресс. Амилаҭтә сахьатә галереиа шьаҭанкыла аиҭашьақәыргылара амҩаԥгара ашьҭахь иаатит.

Агалереиа аартра иадҳәалоу ацеремониа рхы аладырхәит Аҳәынҭқарра Ахада Бадра Гәынба, Урыстәылатәи Афедерациа Ахада Иусбарҭа аиҳабы актәи ихаҭыԥуаҩ Сергеи Кириенко, Урыстәыла акультура аминистр ицхырааҩ  Павел Карташиов.

Бадра Гунбеи Сергеи Кириенкои ацаха ҟаԥшь ԥырҟеит.

Аҟәа. Ԥхынгәымза 11, 2025 шықәса. Аԥсныпресс. Аԥсны Аҳәынҭқарра Ахада Бадра Гәынбеи Урыстәылатәи Афедерациа Ахада Иусбарҭа анапхгаҩы актәи ихаҭыԥуаҩ Сергеи Кириенкои Аҟәа ақалақь аҿы иҟоу Аԥснытәи аусхкырацәатә коллеџь иаҭааит.

Бадра Гунбеи Сергеи Кириенкои аклассқәеи аҟазарҭақәеи гәарҭеит, арҵаҩцәеи аҵаҩцәеи ирацәажәеит.

Аԥсны аҵара аминистр Хана Гәынбеи аколлеџь адиректор Џьумбер Мышәбеи аҵараиурҭа ҳаамҭазы инанагӡо аусура атәы иалацәажәеит, астудентцәа разыҟаҵара ихадоу ахырхарҭақәеи аҿиара аперспективақәеи ирзааҭгылеит.  

Аҟәа. Ԥхынгәымза 11, 2025 шықәса. Аԥсныпресс. Аԥсны Аҳәынҭқарра Ахада Бадра Гәынбеи Урыстәыла Афедерациа Ахада Иусбарҭа анапхгаҩы актәи ихаҭыԥуаҩ Сергеи Кириенкои Иҷыдоу арратә операциааан иҭахаз Феликс Ӷәазаа анышә дахьамадоу Џьырхәа ақыҭан иԥсыжырҭаҟны ашәҭқәа шьҭарҵеит.

Феликс Ӷәазаа дҭахеит 2024 шықәса, лаҵарамзазы, Донецктәи Жәлартә республикаҟны аибашьратә дҵа анагӡараан.

Аҟәа. Ԥхынгәымза 11, 2025 шықәса. Аԥсныпресс. Аҳәынҭқарра Ахада Бадра Гәынбеи УА Ахада Иусбарҭа анапхгаҩы актәи ихаҭыԥуаҩ Сергеи Кириенкои Самара ақалақь ахада Иван Носкови Гәдоуҭа араион ахада Валери Аҩӡба дрыцны Гәдоуҭа ақалақь амшын аԥшаҳәаҿы инеины игәарҭеит.

Аҟәа. Ԥхынгәымза 11, 2025 шықәса. Аԥсныпресс. Аԥсны Аҳәынҭқарра Ахада Бадра Гәынбеи УА Ахада Иусбарҭа анапхгаҩы актәи ихаҭыԥуаҩ Сергеи Кириенкои ЗҲӘА «Гәдоуҭатәи арыжәтәқәа рзауад «Кристалл» аргылара ахьымҩаԥысуа аҭыԥ иахәаԥшны ирбеит.

Аҟәа. Ԥхынгәымза 11, 2025 шықәса. Аԥсныпресс. Гагратәи араионтә хәышәтәырҭа Хада аҟны Аԥсны Аҳәынҭқарра Ахада Бадра Гәынбеи, Урыстәыла Ахада Иусбарҭа анапхгаҩы актәи ихаҭыԥуаҩ Сергеи Кириенкои аԥхынразы Аԥсны аусуразы иааны иҟоу урыстәылатәи аҳақьымцәеи еиԥылеит.

Аиԥылара иара убас далахәын АА Агәабзиарахьчара аминистр Быҭәба Едуард.

Аҟәа. Ԥхынгәымза 11, 2025 шықәса. Аԥсныпресс. Аҳәынҭқарра Ахада Бадра Гәынбеи Урыстәылатәи Афедерациа Ахада Иусбарҭа анапхгаҩы актәи ихаҭыԥуаҩ Сергеи Кириенкои Пицунда иҟоу апансионат «Литфонд» иаҭааит.  

Аҟәа. Ԥхынгәымза 11, 2025 шықәса. Аԥсныпресс. Иҭыҵит аизга «Владислав Арӡынба. Ԥхьаҟатәи аԥеиԥш ахь агәашәқәа аазыртыз» («Владислав Ардзинба. Распахнувший врата в будущее»).

Аизга иалалеит Алексеи Гогәуа истатиа «Иԥсҭазаареи  иуси иԥсреи зегьы ажәлар рҭоурых иадҳәалоуп» («И жизнь, и дело, и смерть его принадлежат истории народа»), Борис Гәыргәылиа истатиа «Иҿымцәаауа амца» («Неугасающее пламя»), Аԥсны абыргцәа Рхеилак ахантәаҩы Апполон Думаа Владислав Арӡынба изы игәалашәарақәа.

Агазеҭ «Аԥсны» аредактор, афилологиатә наукақәа ркандидат Ахра Анқәаб истатиа жәлар рԥыза Владислав Арӡынба изку апоезиатә рҿиамҭақәа ранализ иазкуп.

Аҟәа. Ԥхынҷкәынмза 11, 2025 шықәса. Аԥсныпресс. Аԥсны атәанчаҩратә Фонд рашәарамза 10, 2024 шықәсазы ирыдыркылаз  «Ихымԥадатәиу атәанчаҩратә ԥгаԥса асистема аҿы ахатәы (аперсоналтә) шәҟәҭагалара азы» Ареспублика Аԥсны Азакәан Nº5966-с-VII ахь апрограмматә еиқәыршәара анагӡара иадҳәалоу аусурақәа рынагӡаразы 2025 шықәсазы аиқәшаҳаҭра абжьаҵаразы азин аиуразы иаарту аконкурс амҩаԥгара рыланаҳәоит.