Аҟәа. Цәыббрамза 20, 2025 шықәса. Аԥсныпресс. Урыстәылатәи аекспертцәа Гагра араион аҿы иҟоу аихамҩатә туннель №9 агәаҭараан ихьанҭоу аԥхасҭахара ҳәа акгьы аадмырԥшӡеит.  Абри азы Sputnik-Аԥсны ахь адырра ҟаиҵеит АУН «Аԥснытәи Аихамҩа» анџьныр хада Леонид Ҟәыруа.

Аҟәа. Цәыббрамза 20, 2025 шықәса. Аԥсныпресс.  Аԥсны Ахада Бадра Гәынба Аахыҵ Уаԥҵстәыла Ахада Алан Гаглоев, Урыстәыла Ахада Иусбарҭа анапхгаҩы актәи ихаҭыԥуаҩ Сергеи Кириенкои егьырҭ ҳаҭыр зқәу асасцәеи дрыцны аетнографиатә ныҳәа «Ауаԥсаа ргәараҭа» даҭааит.

Аҟәа. Цәыббрамза 20, 2025 шықәса. Аԥсныпресс.  Ареспублика Аахыҵ Уаԥстәыла Ахада Алан Гаглоев Иусԥҟа инақәыршәаны, Аԥсны Аҳәынҭқарра Ахада Бадра Гәынба – Ареспублика Аԥсни Ареспублика  Аахыҵ Уаԥстәылеи рыбжьара аусеицуреи аимабзиаратә еизыҟазаашьақәеи рыҿиара аус аҿы хаҭала илагала ду азы  иреиҳау аҳамҭақәа иреиуоу – Аиҩызара Аорден ианашьахеит.  Абри азы адырра ҟанаҵоит Аҳәынҭқарра Ахада ипресс-маҵзура.

Аҟәа.  Цәыббрамза 20, 2025 шықәса. Аԥсныпресс.  73-шықәса дшырҭагылаз машәырла дҭахеит еицырдыруаз аԥсуа ҭоурыхдырҩы, алитератор, ауаажәларратәи аполитикатәи аусзуҩ, аҭоурыхтә наукақәа ркандидат, Аԥснытәи аҳәынҭқарратә Университет апрофессор, Аԥсуаҭҵааратә Институт аҭоурых аҟәша анаукатә усзуҩ еиҳабы, Адыгатәи жәларбжьаратәи аҭҵаарадыррақәа ракадемиа академик, Д.И.Гәлиа ихьӡ зху аҳәынҭқарратә премиа алауреат, Ареспублика Аԥсны зҽаԥсазтәыз анаука аусзуҩ Станислав Зосим-иԥа Лакоба.   

Аҟәа. Цәыббрамза 20, 2025 шықәса. Аԥсныпресс. Пицунда ақалақь аҿы, апансионат «Литфонд» иахьаҵанакуа, аӡы дагеит 27-шықәса зхыҵуаз Петербург ақалақь аҟынтәи ԥсшьара ҳәа иааз Улиана Коновалова, ҳәа адырра ҟанаҵоит Аԥсны Иҷыдоу аҭагылазаашьақәа рзы Аминистрра апресс-маҵзура.

Аҟәа. Цәыббрамза 20, 2025 шықәса. Аԥсныпресс. Иахьа Аахыҵ Уаԥстәыла иазгәарҭоит ареспублика 35-шықәса ахыҵра Амш.

Аԥсны Ахада Бадра Гәынба  мышкы шагыз Цхьынвалҟа дааит. Уи Цхьынвал ақалақь аҿы Аԥсадгьыл ахьчаҩцәа Рмемориал амҵан, иара убас Цхьынвалтәи абжьаратәи ашкол №5 адәаҿы иҟоу Амемориалтә ԥсыжырҭа аҿы игылоу ауахәама хәыҷы амҵан ашәҭшьыҵәрақәа шьҭеиҵеит.

Аҟәа. Цәыббрамза 20, 2025 шықәса. Аԥсныпресс. Аҳәынҭқарратәии аполитикатәи аусзуҩ, еицырдыруаз аҵарауаҩ Станислав Лакоба трагедиала иԥсҭазаара дахьалҵыз инамаданы, Аҳәынҭқарра Ахада Бадра Гәынба иазԥхьагәаҭаны имаз Москва имҩаԥысуа афестиваль «Аԥсны» аҭаара мап ацәикит. Абри азы адырра ҟаиҵеит Аҳәынҭқарра Ахада ипресс-маӡаныҟәгаҩ Алхас Ҷолокәуа.

Аҟәа. Цәыббрамза 21, 2025 шықәса. Аԥсныпресс. Аԥсны Аҳәынҭқарра Ахада Бадра Гәынба Идҵала иаԥҵоуп— иналукааша аҳәынҭқарратә, аполитикатә усзуҩы, аҵарауаҩ, апрофессор, амилаҭ-хақәиҭратә қәԥара аветеран, «Ахьӡ-Аԥша аорден II аҩаӡара занашьоу, Д.И.Гәлиа ихьӡ зху аҳәынҭқарратә премиа алауреат, Аԥснытәи аҳәынҭқарратә Университет апрофессор, Ареспублика Аԥсны зҽаԥсазтәыз анаукатә усзуҩ Лакоба Станислав Зосим-иԥа иԥсыжра аиҿкааразы Аҳәынҭқарратә комиссиа.

Аҟәа. Цәыббрамза 20, 2025 шықәса. Аԥсныпресс. Аԥсны Ахада Гәынба Бадра аекономкатә форум «Аахыҵ Уаԥстәыла. Аинвестициақәа рылаԥшҳәаа» аҳәаақәа ирҭагӡаны аиқәшаҳаҭрақәа рыҵаҩра иазкыз ацеремониа далахәын.

Аҟәа. Цәыббрамза 20, 2025 шықәса. Аԥсныпресс. Аԥсны Аҳәынҭқарра Ахада Аахыҵа Уаԥстәыла Ареспублика 35 шықәса ахыҵра инамаданы апарад аҟны дықәгылеит.

«Ҳаҭыр зқәу Алан Едуард-иԥа, Аахыҵ Уаԥстәылаа ҳашьцәа, ҳаҭыр зқәу аколлегацәа,, акыр иаԥсоу аҩызцәа! 

Сара сзы ҳаҭыр дууп иахьа ара аҟазаара, Ареспублика 35 шықәса ахыҵра иазку ари аныҳәа ду ахьшәыцеиҩысшо.