Уи агәабзиарахьчара асистема аҿы лааԥсареи рзанааҭтә дырра аҩаӡареи уи азы илырҭахьоу аџьшьареи ртәы Аԥсны еиԥш уи анҭыҵгьы ҳауаажәлар ибзиаӡаны ирдыруеит. 2018 шықәсазы Кьышьмариа Мадонна Қарбе-иԥҳа «Аԥсны Зҽаԥсазтәыз аҳақьым» ҳәа иҳараку аҳаҭыртә хьӡы ланашьахеит. 2022 шықәсазы Аԥсны агәабзиарахьчара Аминистрра аттестациатә комиссиа аӡбамҭа ала лара аҳақьым-атерапевт ҳәа иреиҳау аквалификациатә категориа ланашьахеит.  Иара убри ашықәсан Аҳәынҭқарра Ахада Иусԥҟала Кьышьмариа Мадонна Қарбеи-иԥҳа «Ахьӡ-Аԥша» аорден III аҩаӡара ланашьахеит», - ҳәа иаҳәоит Москва ақалақь аҿы аус зуа аԥснытәи аҳақьымцәа ирыҩыз ашәҟәы аҿы.

Ашәҟәы авторцәа апандемиа Covid-19 аныҟаз аамҭазы Мадонна Кьышьмариа аԥышәа дууи адырра бзиеи змоу аҳақьым иаҳасабала хацәнымырха иналыгӡоз аусура атәы азгәарҭоит.  

«Араион ауааԥсыреи ахәышәтәырҭа аколлективи бзиа дырбоит, ҳаҭыр ду лықәырҵоит Мадонна Қарбе-иԥҳа. Иуадаҩу аекономикатә ҭагылазаашьа шыҟоугьы, М.К. Кьышьмариа араионтә хәышәтәырҭа аҿы аҭагылазаашьа аҭышәынтәалара лыллыршеит.  Лусура аамҭа иалагӡамны азашшрақәеи алахьаҭареи лмоуӡацызт», – ҳәа иазгәаҭоуп 31-ҩык аҳақьымцәа рнапы зҵарҩыз ашәҟәы аҿы.

Москва ақалақь аҿы аус зуа Аԥснытәи аҳақьымцәа Рассоциациа Аԥсны анапхгара ахь ишьақәгылаз аҭагылазаашьа аобиективла аилыргара алдыршарц азы аҳәара ҟанаҵоит.

Ашәҟәы рнапы аҵарҩит: Арӡынба Мераб,  Ҭарба Викториа, Коӷониа Лали,  Чамагәуа Жанна, Сақаниа Луиза, Малишаа Лаура, Џьопуа Максим, Аршба Селма, Дбар Сариа,  Гәылиа Херсина,  Ӡиӡариа Вера,  Ԥлиа Зафида,  Кәакәасқьыр Милана,  Гадлиа  Диана, Џьопуа Дамеи, Чан-оглы Марика, Гогиа Кама,  Алан Лиан, Шушаниа Баҭал, Гәарамиа Наала, Шьоуа Есма, Ашәхаҵаа Турна, Мышәба Асҭанда,  ⁠Ашәба Ҭенгиз,  Гериа Алиас,  Ҷоҷуа Арина,  ⁠Џьопуа Илона, Амҷба Гәында, Мархолиа Алиса, Ашәба Саида, Гәылиа Аманда.