«Аус зымуа аҭаацәа рзы ахәыҷы ииразы аԥаратә цхыраагӡатәқәа реиԥш иҟоу ашәатәы ҳара ҳҿы аԥгаԥсатә лагалақәа рыла ихарҭәаахаӡом, аха ҳара уи азы аԥаратә хархәагақәа ҳаԥшаауеит, ҳаԥхьаҟагьы иарбоу ҳтәылауаа рыхәҭа адгылара рыҭаразы уи алҳаршалоит», – ҳәа иҳәеит Бакәыр Бебиа.

Афонд ала инагӡахоит ахәыҷқәа ахәыҷтәы лагер аҿы рыԥсшьара апрограмма.

Алагер аҿы ахәыҷқәа рыԥсшьараамҭаҿы еилагӡахоит  аҵарадырратә компонентқәа.  Ахәыҷқәа алшара рзаԥҵахоит инарҵауланы рхатәы бызшәа аҵара азы, иара убас еиуеиԥшым акультуратә усмҩаԥгатәқәеи аекскурсиақәеи рылахәхара азы.

«Уаанӡа ари аԥсшьара ахәԥса ашәара мҩаԥысуан 50% - 50%, мамзаргьы 70% - 30% ҳәа, даҽакала иуҳәозар, аҭаацәа, мамзаргьы азанааҭеидгыла ахәԥса ахәҭак ршәон.  Аҵыхәтәантәи ашықәсқәа рзы ҳара ахәыҷқәа рыԥсшьара ахәԥса зегьы (100%) ҳшәоит. Ахарџьқәа зегьы Афонд ахахьы иагеит», – ҳәа иҳәеит Бакәыр  Бебиа.

Аԥыза-министр ари апроект ахәшьара бзиа аиҭеит.

«Ахәыҷқәа рзы азҩыдатәратә ԥсшьара – ари акыр зҵазкуа усуп. Акыр шықәса инеиԥынкыланы ари апроект анагӡара алыршахоит. Ҳақәгәыӷуеит уи ибзиоу аԥеиԥш  аиуп ҳәа», – иҳәеит Владимир Делба.

Аԥыза-министр Афонд ахашәалахәхқәа хазы игоу асоциалтә цхыраагӡатә шәатәқәа риндексациа азы инацҵаны аӡбамҭақәа рыдкылара алнаршоит ҳәа иазгәеиҭеит.

«Хазы игоу асоциалтә шәатәқәа риндексациа асоциалтә ԥгаԥсеи аџьа ахьчареи рзы Афонд аҿы мацара адагьы егьырахьгьы имҩаԥыслароуп. Шәара шәҟынтәи аиндексациа иадҳәалоу ажәалагалақәа ҳарзыԥшуп», – ҳәа иҳәеит атәыла аԥыза-министр.

Владимир Делба атәылауаа асоциалтә цхыраара рыҭара аҳәынҭқарра Анапхра аусура аҿы ихадоу азҵаарақәа иреиуоуп ҳәа инаҵшьны иазгәеиҭеит.