Аҟәа. Жьҭаарамза 29, 2025 шықәса. Аԥсныпресс. Аԥснытәи аҳәынҭқарратә Университети Урыстәылазегьтәи аҿартә уаажәларратә еиҿкаара «Урыстәыла астудентцәа рыспорттә клубқәа реидгылеи» астуденттә спорт арҿиареи апопулиаризациеи рганахьала аусеицуразы Аиқәшаҳаҭра рыбжьарҵеит, ҳәа адырра ҟанаҵоит ААУ апресс-маҵзура.

Аҟәа. Жьҭаарамза 29, 2025 шықәса. Аԥсныпресс. Аԥсны Актәи Ахада Владислав Арӡынба диижьҭеи 80-шықәса аҵра иазку ашколхәыҷқәа рыбжьара XIX Ареспубликатә арра-спорттә хәмарра «Аиааира» хацыркхеит атәылахьчара Аминистрра Артиллериатә гәыԥ аҿы, ҳәа  иаанацҳауеит  Аҵарадырра аминистрра.

Аусмҩаԥгатә аартра иалахәын аҵара аминистр Хана Гәынԥҳаи атәылахьчара аминистр ихаҭыԥуаҩ Давид Бжьаниеи. Урҭ апатриот ҿарацәа ирыдныҳәалеит, ақәҿиарақәагьы рзеиӷьаршьеит.

Аҟәа. Жьҭаарамза 29, 2025 шықәса. Аԥсныпресс. Ареспубликатә Унитартә Наплакы «Амшынеиқәафымцамч» жәаҩык аспециалистцәа Волжсктәи аӡфымцатә станциа аҿы рыквалификациа ашьҭыхра азы акурсқәа ирхысуеит.

Аҟәа. Жьҭаарамза 27, 2025 шықәса. Аԥсныпресс. Аԥсны аҵара аминистр Хана Гәынԥҳа аҵарадырратә программа «Аԥсныҟа аеко-ныҟәара» аҳәаақәа ирҭагӡаны жьҭаарамза 24 аахыс ареспубликаҿы иҟоу Псковтәи аобласт ашколхәыҷқәа дырԥылеит. Апроект еиҿкаахеит Аԥсны аҵара Аминистррала, уи   14 - 17 шықәса зхыҵуа ашколхәыҷқәа ирзырхоуп.

Аминистр Хана Гәынԥҳа Урыстәыла арегионқәа алархәны акциақәа реицынагӡара хра злоу усуп ҳәа иазгәалҭеит.

Аҟәа. Жьҭаарамза 27, 2025 шықәса. Аԥсныпресс. Аҟәа ақалақь ахада Ҭемыр Агрба инапынҵала аҳҭнықалақь апрофильтә маҵзурақәа Фазиль Искандер ихьӡ зху амҩаҿы аиҭашьақәыргыларатә усурақәа мҩаԥыргоит.

Аҟәа. Жьҭаарамза 27, 2025 шықәса. Аԥсныпресс. Аԥсуа милаҭтә хәмарра «Аимҵакьачара» азы актәи ачемпионат иахьа Аҟәа ақалақь, Ареспубликатә стадион аҿы иалагеит.

Аиааира агаразы еицлаблоит ԥшь-командак: аҟәатәи абжьаратәи ашкол №1, «Ҷлоу», «Кәтол», афонҿыцтәи «Аԥсар» еизгоу акомандақәа, ҳәа адырра ҟанаҵоит Аԥсны аҿари аспорти русқәа рзы Аҳәынҭқарратә Еилакы.

Ачемпионат аартра иазкыз аусмҩаԥгатә рхы аладырхәит аспорт азы Аҳәынҭқарра Ахада иабжьгаҩ Ахра Ашәба, аԥыза-министр ихаҭыԥуаҩ, аҿари аспорти русқәа рзы Аҳәынҭқарратә Еилакы ахантәаҩы аамҭала инапынҵақәа назыгӡо Ҭарашь Ҳагба, иара убас Адунеизегьтәи Аԥсуа-база жәлар Рконгресс аҟәатәи аофис анапхгаҩы Ҭемыр Рекәаа.

Аҟәа. Жьҭаарамза 27, 2025 шықәса. Аԥсныпресс. Аусеилыргара иацҵоуп Ареспубликатә Унитартә Наплакы «Аԥснытәи аихамҩеи» 2019 шықәсазы Зҭакԥхықәра Ҳәаақәҵоу Аилазаареи «СП Путь-А»  ҩ-фымцадәыӷбак раагаразы ирыбжьарҵаз аиқәшаҳаҭра инамаданы. Аус зыдҳәалоу 2020 шықәсазы «Аԥсны аихамҩа» ЗҲәА «СП Путь-А» ирзаанагаз афымцадәыӷбақәа рзы 34 миллион мааҭ ауал алгара ауп.

Аҟәа. Жьҭаарамза 27, 2025 шықәса. Аԥсныпресс.  Абҵарамза 1 инаркны аҳаиреилазаара «РусЛайн» амаршрут Аҟәа – Москва (аҳаирбаӷәаза Внуково) ала ишиашоу ареисқәа хацнаркуеит.

Аҟәа. Жьҭаарамза 27, 2025 шықәса. Аԥсныпресс. Аҳәынҭқарра Ахада Урыстәыла Аҳәынҭқарратә Дума аделегациа идикылеит. Аиԥылара иалахәын Аԥсны Ахада Иусбарҭа анапхгаҩы Беслан Ешба, Ахада Иусбарҭа анапхгаҩы ихаҭыԥуаҩ Дмитри Шамба, Ахада Иусбарҭа аҩныҵҟатәи аполитика аусбарҭа аиҳабы Хьышба Инал.

Аҳәынҭқарра Ахада асасцәа аԥсшәа раҳәо, иҭабуп ҳәа реиҳәеит ареспублика инеиԥынкыланы адгылара иарҭо азы, иагьазгәеиҭеит Аҳәынҭқарратә Дума есқьынгьы Аԥсны адгылара шанаҭоз.

Аҟәа. Жьҭаарамза 27, 2025 шықәса. Аԥсныпресс. Аԥсны Аҳәынҭқарра Ахада Бадра Гәынба Аԥсны Аҳәынҭқарра Ахада иҟны иҟоу Астратегиатә ҭҵаарақәа рцентр аиҭеиҿкааразы Аусԥҟа инапы аҵаиҩит.