Аҟәа. Абҵарамза  10, 2025 шықәса. Аԥсныпресс. Гагра араионтә Еизара ахь 25 ҭыԥ рахь иқәгылан  49-ҩык адепутатрахь акандидатцәа.

Гагра араионтә Еизара адепутатцәа иалырхит:  

Аҟәа. Абҵарамза 10, 2025 шықәса. Аԥсныпресс. Аԥсны аҩныҵҟатәи аусқәа рминистр Роберт Кьиут атәыла аҩныҵҟатәи аусқәа Рминистрра аветеранцәеи ахатәы еилазаареи амилициа Амш рыдиныҳәалеит.

Атәыла аҩныҵҟатәи аусқәа русбарҭақәа 104 -шықәса ахыҵра иазкны Р. Гәымба ихьӡ зху Аҳәынҭқарратә филармониа аҿы имҩаԥысыз аныҳәатә усмҩаԥгатә аҿы дықәгыло иара ари амш амзар аҿы баша рыцхәны ишыҟам, ари амш гәыкала, ламысла азанааҭтә уалԥшьа анагӡареи, афырхаҵареи ахацәнымырхареи, есыҽны атәыла ашәарҭадареи азакәанеиҿкаареи рыхьчараҿы игылоу рџьабааи иасимволны иҟоуп ҳәа инаҵшьны иазгәеиҭеит.

Аҟәа. Абҵарамза 10, 2025 шықәса. Аԥсныпресс.   Аҟәа ақалақьтә Еизара ахь 19 ҭыԥ рахь иқәгылан – ҩык адепутатрахь акандидатцәа.

Аҳҭнықалақьтә Еизара аилазаара ҿыц аҿы  хацәеи ԥҳәыски рыла ишьақәгылеит. Жәҩык адепутатцәа ҩаԥхьа еиҭалырхит.

Аҟәа ақалақьтә Еизара алепутатцәас иалхуп:

Аҟәа. Абҵарамза 10, 2025 шықәса. Аԥсныпресс. Аҳәынҭқарра Ахада Бадра Гәынба амилициа Амш иазкыз аныҳәатә усмҩаԥгатә ихы алаирхәит. Абри азы адырра ҟанаҵоит Аҳәынҭқарра Ахада ипресс-маҵзура.  

Аҟәа. Абҵарамза 8, 2025 шықәса. Аԥсныпресс.  Абҵарамза 8 рзы Аԥсны зегьы иахьаҵанакуа аҭыԥантәи ахаланапхгаратә усбарҭақәа рахь алхрақәа мҩаԥысуеит.

Аҟәа. Абҵарамза 8, 2025 шықәса. Аԥсныпресс.  Аԥсны анапхгаҩцәа аҭыԥантәи ахаланапхгаратә усбарҭақәа рахь алхрақәа рҿы абжьыҭара рхы аладырхәит.

Аҳәынҭқарра Ахада аҭыԥантәи ахаланапхгаратә усбарҭақәа рахь абжьыҭарақәа рыҟны ибжьы иҭиит.

 Аҳәынҭқарра Ахада ашәҟәы дахьҭаҩыз аҭыӡҭыԥ – Аҟәатәи аҳәынҭқарратә коллеџь аҟны иҟоу алхырҭатә ҭыԥ алхырҭатә ҭыԥхада №6 ала ибжьы иҭиит.

Аҟәа. Абҵарамза 7, 2025 шықәса. Аԥсныпресс. Бадра Гәынба Урыстәылеи Аԥсни Жәлар рартист, Борис Шьукин ихьӡ зху Атеатртә институт аректор Евгени Книазеви Вахтангов ихьӡ зху Аҳәынҭқарратә академиатә театр адиректор Кирилл Кроки дырԥылеит.

Аҟәа. Абҵарамза 7, 2025 шықәса. Аԥсныпресс. Иаԥҵахоит Станислав Лакоба ихьӡ анаӡаӡатәреи иҭҵаарадырратә ҭынха аиқәырхареи ирызку аҳәынҭқарратә комиссиа.

Аҟәа. Абҵарамза 6, 2025 шықәса. Аԥсныпресс. Аԥсны ахәыҷы изинқәа рыхьчаразы Азинмчы змоу Мактина Џьынџьалԥҳаи Аԥсны иҟоу Урыстәыла аус ацуразы Ахаҭарнакра анапхгаҩы инапынҵақәа назыгӡо Татиана Степановеи русуратә еиԥылара мҩаԥысит.

Аҟәа. Абҵарамза 6, 2025 шықәса. Аԥсныпресс. XIII Жәларбжьаратәи аспорттә форум «Урыстәыла  – аспорттә ҳәынҭқарра» иалаху, аԥыза-министр ихаҭыԥуаҩ, аҿари аспорти русқәа рзы Аҳәынҭқарратә Еилакы ахантәаҩы инапынҵақәа назыгӡо Ҭарашь Ҳагба атематикатә сессиақәа ҩба – «Амилаҭтә спорт хкқәа рԥеиԥш: ҳаамҭазтәи атрадициақәа», «Иҳәаадоу аспорт: аусеицуразы иҿыцу алаԥшҳәаақәа» рҿы дықәгылеит.  Абри азы адырра ҟанаҵоит Аԥсны аҿари аспорти русқәа рзы Аҳәынҭқарратә Еилакы апресс-маҵзура.