Аҟәа. Жьҭаарамза 8, 2025 шықәса. Аԥсныпресс. Имҩаԥысит Аԥсны Аҳәынҭқарра             Ахада Ихаҭыԥуаҩ Беслан Бигәааи Урыстәылазегьтәи ауаажәларратә еиҿкаара «Знамя России» ахада Џьахангир Мамедови реиԥылара.

Аганқәа Аԥснытәи ахәҷқәа урыстәылатәи апроектқәа рылахәхара аҳәаақәа рырҭбаара иалацәажәеит, иара убас аҭоурыхтә гәалашәара аиқәырхара азы аусеицура иаҵоу аҵакы ахадара азгәарҭеит.

Аҟәа. Жьҭаарамза 9, 2025 шықәса. Аԥсныпресс. Аҳәынҭқарра Ахада Бадра Гәынба Урыстәылатәи Афедерациа асенатор,  хыттәи Аолимпиатә чемпион Алеқсандр Карелини Урыстәыла Аҳәынҭқарратә Дума адепутат, жәларбжьаратәи аусқәа рзы Аҳәынҭқарратә Дума Акомитет ахантәаҩы актәи ихаҭыԥуаҩ Светлана Журовеи идикылеит. Урҭ Аҟәаҟа иааит ареспубликатә политикатә партиа «Аԥсны акзаара» Аизараду ҳаҭыр зқәу асасцәа раҳасабала рхы аладырхәырц. 

Аҟәа. Жьҭаарамза 9, 2025 шықәса. Аԥсныпресс. Урыстәыла Аҳәынҭқарратә Дума адепутатцәа Светлана Журовеи Алеқсандр Карелини аполитикатә партиа «Аԥсны акзаара» Аизараду ҳаҭыр зқәу асасцәа раҳасабала Аҟәаҟа иааит. Светлана Журовеи Алеқсандр Карелини аҳҭнықалақь аԥшаҳәа иаҭааит.

Аҟәа. Жьҭаарамза 9, 2025 шықәса. Аԥсныпресс. Ф. Искандер ихьӡ зху Аурыс драматә театр актириса Ирина Делба Челиабинск имҩаԥысуаз Жәларбжьаратәи афестиваль «Камерата» аноминациа «Актәи аплан иреиӷьу аԥҳәыс лроль» аҿы аиааира лгеит, ҳәа адырра ҟанаҵоит Аурыс драматә театр.

Зхыԥша дуу аӡбаҩцәа реилазаара актириса аџьшьара лынаҭеит  Антон Корнилов иқәиргылаз  А. Палыга испектакль «В лучах» аҿы Марииа Киури лроль анагӡаразы.

Аҟәа. Жьҭаарамза 9, 2025 шықәса. Аԥсныпресс. IX Жәларбжьаратәи арт-пленер «Аԥсны ҭагалантәи аԥшшәхәқәа» аатуеит ААУ аҿы жьҭаарамза 13 рзы, ҳәа адырра ҟанаҵоит ауниверситет ателеграм-канал.

Арт-пленер рхы аладырхәуеит аҵараиурҭақәа рырҵаҩцәа, иара убас Аԥсны, Москва, Санкт-Петербург, Новосибирск, Пермь, Нхыҵ-Кавказтәи ареспубликақәа рҟынтәи еицырдыруа асахьаҭыхыҩцәа.  

Аҟәа. Жьҭаарамза 8, 2025 шықәса. Аԥсныпресс. Авидеопроект «Ажәа-еинраалақәеи алакәқәеи» аӡыргара мҩаԥысит Аԥснытәи аҳәынҭқарратә Университет аҿы.  

Аҟәа. Жьҭаарамза 8, 2025 шықәса. Аԥсныпресс. Аминистрцәа Реилазаара абнатә фонд адгьылқәа егьырҭ акатегориақәа рахь аиагараан абнанхамҩатә усура ацәыӡқәа рышьақәыргыларазы ақәҵара аиҭакрақәа аланагалеит. Ақәҵара 2012 шықәсазы ишьақәырӷәӷәаз аԥҟарақәа арҿыцуеит.  

Аҟәа. Жьҭаарамза 8, 2025 шықәса. Аԥсныпресс. Аминистрцәа Реилазаара Зҭакԥхықәра Ҳәаақәҵоу Аилазаара «Инфраструктурное развитие» Гәылрԥшь араион Бабышьра ақыҭан иҟоу В.Г. Арӡынба ихьӡ зху Жәларбжьаратәи аҳаирбаӷәаза «Аҟәа» аҳаирбаӷәазатә комплекс аҵакыраҿы иҟоу аӡаҵантәи аӡрыжәтә ыҵхырҭа 25 шықәса инареиҳаны ахархәаразы азин анаҭахеит.  

Аҟәа. Жьҭаарамза 8, 2025 шықәса. Аԥсныпресс.  Жьҭаарамза 8 – 9 рзы Санкт-Петербург ақалақь аҿы имҩаԥысуеит акреативтә економика азы Жәларбжьаратәи аконференциа. Уи еиднакылоит 30 ҳәынҭқарра рҟынтәи 1500-ҩык инареиҳаны алахәылацәа. Афорум алахәылацәеи асасцәеи рхыԥхьаӡараҿы иҟоуп — Аԥсны акультура аминистр Даур Ақаҩба зхадараҿы дыҟоу аделегациа.  

Аҟәа. Жьҭаарамза 8, 2025 шықәса. Аԥсныпресс. Аԥсны Арбџьармчқәа планла иазԥхьагәаҭаз артиллериатә хәҭақәеи аҟәшеиҵақәеи арратә хысрақәа зцу рдәытә зыҟаҵарақәа ирылагеит.  Аусмҩаԥгатәқәа мҩаԥысуеит аҵаратә план инақәыршәаны жьҭаарамза 7 – 18,  2025 шықәса рзы.