Атәыла ахада дырԥылеит аԥыза-министр Владимир Делба, уи ихаҭыԥуаҩ Џьансыхә Нанба, аекономика аминистр Ҭеимураз Амқәаб, Аҟәа ахада Ҭемыр Агрба злахәыз аделегациа.

Аҳәынҭқарра Ахада иазгәеиҭеит ас еиԥш аҩаӡара змоу жәларбжьаратәи афорумқәа рылахәхара аҵак ду шамоу. Бадра Гәынба иажәақәа рыла, уи атәыла аекономикатә лшарақәа аанарԥшуеит аинвестициа ҿыцқәа аднаԥхьалоит.
Иахьа Аԥсны аҳәынҭқарра астенд даҭааит Урыстәылатәи Афедерациа аекономикатә ҿиара аминистр Максим Решетников. Аекспозициа аҿаԥхьа уи диԥылеит Аҳәынҭқарра Ахада Бадра Гәынба.