Аҟәа. Абҵарамза 3, 2025 шықәса. Аԥсныпресс. Ауаажәларратә Палата амаӡаныҟәгаҩ Гульнара Кичба, амаӡаныҟәгаҩ ихаҭыԥуаҩ Изольда Ҳагба, апрофильтә комиссиақәа рхантәаҩцәа Даур Агрба, Дауҭ Агрбеи  Асҭамыр Ахбеи Урыстәылатәи Афедерациа Ауаажәларратә Палата афорум «Сообщество», иара убас Урыстәылатәи Афедерациа Ауаажәларратә Палата 20-шықәса ахыҵра азгәаҭара иазкыз аныҳәатә усмҩаԥгатәқәа ирылахәын, ҳәа адырра ҟанаҵоит Аԥсны Ауаажәларратә Палата апресс-маҵзура.

Аҟәа. Абҵарамза 3, 2025 шықәса. Аԥсныпресс. Аԥсны аенергетика Аминистрра аофциалтә сат аҿы ианнаҵеит атәыла аенергетикатә усхкы аҿы иҟоу аҭагылазаашьа азы адырраҭара.

Аԥсны ҳаамҭазтәи аенергетикатә усхкы аҭагылазаашьа акыр иқәсхьоу аҳатә еиқәыршәагақәа рыла иҳәаақәҵахоит.  Убри иахҟьаны афымцамч анашьҭраан афымцамч ацәыӡра, хазы игоу ахҭысқәа раан – аихшаратә ҳақәа рҿы илаҟәу амчхара ахь инанагоит.

Аҟәа. Абҵарамза 3, 2025 шықәса. Аԥсныпресс. Санкт-Петербург агубернатор Алеқсандр Беглов абҵарамза 2 рзы аҟыбаҩ злоу Ракадемиа аҿы  дырԥылеит аԥснытәи ашколхәыҷқәеи аусхкырацәатә колеџь астудентцәеи. Абри азы Смольныи апресс-маҵзура ахь азхьарԥш ҟаҵо иаанацҳауеит ателеканал «Санкт-Петербург».  

Аҟәа. Жьҭаарамза 29, 2025 шықәса. Аԥсныпресс. Аԥснытәи аспортсменцәа 2025 шықәса жьҭаарамза 25 – 28 рзы Барнаул ақалақь аҿы имҩаԥысуаз арԥарцәа рыбжьара аӡиудо азы Жәларбжьаратәи атурнир аҿы қәҿиарала иқәгылеит. Жәларьжьаратәи аӡиудо Амши автомашьынарныҟәцаҩ Имши ирызкыз арҭ аицлабрақәа Европеи Азиеи рҟынтәи рхы аладырхәит 23 команда реилазаараҿы иҟаз 500-ҩык инареиҳаны  аспортсменцәа.

Аҟәа. Жьҭаарамза 29, 2025 шықәса. Аԥсныпресс. С. Ҷанба ихьӡ зху Аԥснытәи аҳәынҭқарратә драматә театр аҿы жьҭаарамза  30 – 31 рзы А. Чехов еицырдыруа ипиеса ала иқәыргылоу аспектакль «Аҷныш» аԥхьарбара мҩаԥысраны иҟоуп.  

Арежиссиор Мадина Аргәын апиеса аԥсуа бызшәахьы ишеиҭагаз, уи ақәыргыларазы 2021 шықәса раахыс ишазырхиаз, аха аобиективтә мзысқәа рыла аԥхьарбара аҽҳәара шахырԥаз атәы еиҭалҳәеит. 2025 шықәса,  нанҳәамзазы ирҿыцыз актиортә еилазаарала  аспектакль аус адулара ҩаԥхьа ихацдыркит.

Аҟәа. Жьҭаарамза 29, 2025 шықәса. Аԥсныпресс. Аԥсны Ахада, Арбџьармчқәа Рыдҵаҟаҵаҩ Хада Бадра Гәынба Аԥсны жәлар Рџьынџьтәылатәи еибашьра аветеранцәа, алегендартә баталион «Горец» аибашьцәа рԥылара ихы алаирхәит.

Традициала есышықәса, Аиааира Амш аламҭалазы имҩаԥысуа еицеибашьуаз реиԥылара сынтәа хәыҷык игәҩанны имҩаԥысит.  

Аҳәынҭқарра Ахада аԥсадгьыл ахьчаҩцәа Аиааира Амшныҳәа рыдиныҳәалеит, иҭабуп ҳәа реиҳәеит урҭ иаадырԥшыз ахацәнымырхареи афырхаҵареи агәымшәареи рзы, ҳәа адырра ҟанаҵоит Аҳәынҭқарра Ахада ипресс-маҵзура.

Аҟәа. Жьҭаарамза 29, 2025 шықәса. Аԥсныпресс. Аԥсны аҩныҵҟатәи аусқәа Рминистрра Автоҳәынҭинспекциа Аусбарҭа аҿы Аҳәынҭинспекциа ахатәы еилазаара амаҵзура анагӡареи адисциплина аҩаӡареи рышьҭыхра иазкны аилатәара мҩаԥысит. Атәыла аԥыза-министр ихаҭыԥуаҩ, аҩныҵҟатәи аусқәа рминистр Робет Кьиут акадртә еилазаара  аиӷьтәреи амҩатә шәарҭадара арӷәӷәареи иазкны азԥхьанҵақәа ҟаиҵеит. Аилатәара рхы аладырхәит Автоҳәынҭинспекциа аусура ахылаԥшра азҭо аминистр ихаҭыԥуаҩ Беслан Ҷкадуа, иара убас Аусбарҭа аппарат Хада анапхгаҩцәа, Амҩа-ԥыԥшратә Маҵзура аԥыԥшырҭақәеи араионтә ҟәшақәеи рнапхгаҩцәа. Роберт Кьиут ихадоу ахыдҵақәеи аҭагылазаашьақәеи аликааит. Аминистр аҳәынҭқарратә номерқәа змам атранспорт алкаара аԥхьа иргыланы иҟаҵатәу усуп ҳәа иазгәеиеит. Уи аномерқәа рыҟамзаара, аиҳарак ареспублика мраҭашәаратәи ахәҭа аҿы, лассы-лассы амашьнырныҟәцаҩцәа аилагарақәа раарԥшра ацәцаразы ирымоу агәҭакқәа ирыдҳәалахоит ҳәа инаҵшьны иазгәеиҭеит. «Ашәҟәҭагаларатә дыргақәа рыда иныҟәо амашьынақәа зегьы иаанкыланы изтәу ирымхлатәуп», - ҳәа адҵа ҟаиҵеит Роберт Кьиут.

Аҟәа. Жьҭаарамза 29, 2025 шықәса. Аԥсныпресс.  Аԥсны жәлар Рџьынџьтәылатәи еибашьра аҿы Аиааира агара Амш азгәаҭара иазкны ихацыркыз аицлабра «Ашҭа цқьа» аихшьаалақәа ҟаҵоуп. Аицлабра «Аԥсны Акоманда» афиналистцәа, агәыԥ «Аекологиатә бзазара», «Акультуратә коди амалқәеи» раԥшьгарала, Аҟәа ақалақь Ахадара адгыларала аҩнеихагылақәа рышҭақәа рҟынтәи еиҳа ицқьоу ашҭа азы аицлабра мҩаԥысит, ҳәа адырра ҟанаҵоит аҳҭнықалақь Ахадара апресс-маҵзура.

Аҟәа. Жьҭаарамза 29, 2025 шықәса. Аԥсныпресс.  Аԥсныҟа иааит ззанааҭ хырхарҭала еиуеиԥшым Урыстәыла Иҷыдоу аҭагылазаашьақәа рзы Аминистрра аусзуҩцәа ргәыԥ.

Урыстәылатәи аиқәырхаҩцәа раара хықәкы хаданы иҟоуп – аԥснытәи рколлегацәа изаамҭанытәиу апроблемақәа рыӡбараҿы ацхыраара рыҭара, аусура аҩаӡара ашьҭыхразы аԥхьанатә иҟаҵатәу ауснагӡатәқәа ралкаареи атехникатә еиқәыршәареи иҷыдоу аҭагылазаашьақәа рцәырҵраан ареспублика ауааԥсыра рыхьчара иазку ауснагӡатәқәа рынагӡара аҿы иҿыцу азнеишьақәа ралкаареи рганахьала адгылара рыҭара, ҳәа адырра ҟанаҵоит Аԥсны Иҷыдоу аҭагылазаашьақәа рзы Аминистрра апресс-маҵзура.

Аҟәа. Жьҭаарамза 29, 2025 шықәса. Аԥсныпресс. Асҭамыр Кациа жьҭаарамза  20 – 26 рзы Шәача ақалақь аҿы имҩаԥысуаз Краснодартәи атәылаҿацә агубернатор ихраҿа агаразы аԥкьаҭмпыл азы атурнир аҿы  аиҳабацәа ркатегориа иаҵанакуа аспортсменцәа рыбжьара қәҿиарала дықәгылеит.