Аспорт аветеранцәа бзиала шәаабеит ҳәа реиҳәеит аԥыза-министр ихаҭыԥуаҩ, Аԥсны аҿари аспорти рзы Аҳәынҭқарратә еилакы ахантәаҩы инапынҵақәа назыгӡо Ҭарашь Ҳагба. Уи аспортсменцәа рџьабаа ахә ҳаракны ишьеит:
«Ҳтәылаҿы аспорт арҿиараҿы шәлагала ахә ашьара уадаҩуп, ишәааӡахьеит аспортсменцәа дуқәа. Иҭабуп ҳәа шәасҳәоит шәус гәык-ԥсыкала шәахьазыҟоу азы, аҿар рзы шәҿырԥшыгоуп. Шәиубилеи шәыдныҳәало ишәзеиӷьасшьоит агәабзиара, агәамч», - иҳәеит иара.
Аветеранцәа, анапхгареи рколлегацәеи иаадырԥшыз азҿлымҳаразы иҭабуп ҳәа рарҳәеит.
