Зхы иақәиҭу аиқәԥаразы Ареспубликатә турнир аҿы аиааира згаз алкаахеит.

26.Лаҵара.2025

Акьыԥхьра

Зхы иақәиҭу аиқәԥаразы Ареспубликатә турнир аҿы аиааира згаз алкаахеит.

Аҟәа. Лаҵарамза 26, 2025 шықәса. Аԥсныпресс. Лаҵарамза 24 – 25 рзы Аҟәа ақалақь, С.У.Багаԥшь ихьӡ зху аспорт Ахан аҿы имҩаԥысуан Аԥсны Раԥхьатәи Ахада Владислав Арӡынба (1945 – 2010шш.) диижьҭеи 80-шықәса аҵра иазку зхы иақәиҭу аиқәԥаразы Ареспубликатә турнир.

Атурнир аартра иазкыз агәырӷьаратә церемониа рхы аладырхәит Владислав Арӡынба иԥшәмаԥҳәыс Светлана Џьергьениа, Аԥсны Аҳәынҭқарра Ахада ихаҭыԥуаҩ Беслан Бигәаа, аҳҭнықалақь Ахадара ахада ихаҭыԥуаҩ Авҭандил Сурманиӡе, Амилаҭтә Олимпиатә Комитет ахантәаҩы Валери Аршба, Аԥсны аҿари аспорти русқәа рзы Аҳәынҭқарратә Еилакы ахантәаҩы ихаҭыԥуаҩ Беслан Карчаа, Аҟәа ақалақь Ахадара аҿари аспорти русқәа рзы Аусбарҭа аиҳабы Ельза Ҳагба, иналукааша аиқәԥаҩцәа Борис Багаҭелиа, Ӡука Бениа, Леонид Боџьгәуа, Инал Џьопуа, Егиа Мусоиан, Баграт Ԥандариа, Џьон Партанаӡе, Рашь Хәытаба, Баграт Хәытаба, Качубеи Чкок.

Аҳәынҭқарра Ахада ихаҭыԥуаҩ Беслан Бигәаа аицлабрақәа ирылаху зегьы ииашоу, аинтерес зҵоу, иԥшӡоу, ганкы иадзымцәыло аӡбара роеиӷьаишьеит.

«Сара шәара зегьы ишәзеиӷьасшьоит ари атурнир шәара шәзы ԥхьаҟатәи шәеихьӡарақәа рзы итрамплинны иҟаларц», -ҳәа инаҵшьны иазгәеиҭеит Беслан Бигәаа.

Зынӡа атурнир рхы аладырхәит 173 аспортсмен қәыԥшцәа: 101-ҩык 2010-2011шш. рзы ииз рықәратә категориа иаҵанакуеит, 72-ҩык аиқәԥаҩцәа 2012–2013 шш. рзы ииз рықәратә категориа иаҵанакуеит.

Аԥснытәи аиқәԥаҩцәа реиԥш арҭ аицлабрақәа рхы аладырхәит иара убас Ареспублика Адыгеиа, Севастополь, Шәача, Адлер ақалақьқәа рҟынтәи аспортсменцәа.

Аӡбаҩцәа рколлегиа напхгара аиҭон Пиатигорк ақалақь аҟынтәи иааз, иреиҳаӡоу акатегориа аӡбаҩ истатус змоу жәларбжьаратәи арбитр Алихан Карацев.

Лаҵарамза 24 рзы еиндаҭлон 12-13 шықәса (2012–2013шш. рзы ииз) аспортсменцәа.

Зыкапантә категориа 32 кьыла иҟоу рыбжьара аиааира игеит Осман Дбар (ақ.Гагра), аҩбатәи аҭыԥ игеит Аик Косиан (ақ.Гагра), ахԥатәи аҭыԥ ргеит Расул Зубоил (Ареспублика Адыгеиа), Инал Ладариа (ақ.Пицунда).

Зыкапантә категориа 35 кбыла иҟоу рыбжьара аиааира игеит Тимур Марков (ақ. Шәача), аҩбатәи аҭыԥ ааникылеит Артиом Тутоиан (ақ. Шәача), ахԥытәи аҭыԥқәа ааныркылеит Данаҭ Агрба (ақ.Пицунда), Георги Аведиан (Цандрыԥшь аҳабла).

Зыкапантә категориа 38 кьыла иҟоу рыбжьара актәи аҭыԥ ааникылеит Алим Ҳанагәуа (ақ.Пицунда), аҩбатәи аҭыԥ ааникылеит – Мате Речиа (ақ.Гал), ахԥатәи аҭыԥ ааныркылеит – Еснаҭ Бениа (ақ.Гәдоуҭа), Тигран Рабаиа (Цандрыԥшь аҳабла).

Зыкапантә категориа 41 кьыла рҟынӡа инаӡо аспортсменцәа рыбжьара актәи аҭыԥ ааникылеит Қьиамал Какәыбаа (ақ.Аҟәа), аҩбатәи аҭыԥ ааникылеит Давид Харебава (ақ.Гал), ахԥатәи аҭыԥқәа ааныркылеит Азамаҭ Ӡугкоев (ақ.Шәача), Андреи Абоимов (ақ. Шәача).

Зыкапантә категориа 44 кьыла иҟоу рыбжьара аиааира игеит Сергеи Ҷолокиан (ақ.Шәача), аҩбатәи аҭыԥ ааникылеит Владимир Мосикиан (ақ.Шәача), ахԥатәи аҭыԥ ааныркылеит Леон Быков (ақ.Шәача), Артиом Боиан (Цандрыԥшь аҳабла).

Зыкапантә категориа 48 кьыла иҟоу рыбжьара актәи аҭыԥ ааникылеит Давид Паремузиан (ақ.Шәача), аҩбатәи аҭыԥ - Андреи Кешиан (Цандрыԥшь аҳабла), ахԥатәи аҭыԥ ааныркылеит - Нестор Аҩӡба (ақ.Аҟәа), Нестор Барцыц (ақ.Аҟәа).

Зыкапантә категориа 52 кьыла иҟоу рыбжьара аиааира игеит Данаҭ Гәыблиа (ақ. Аҟәа), аҩбатәи аҭыԥ ааникылеит Андреи Чакриан (ақ.Шәача), ахԥатәи аҭыԥқәа ааныркылеит Роман Цуркан (ақ.Адлер), Алик Ворожбитов (Цандрыԥшь аҳабла).

Зыкапантә категориа 57 кьыла иҟоу рыбжьара актәи аҭыԥ ааникылеит Аркади Кешьиан (ақ. Адлер), аҩбатәи аҭыԥ ааникылеит Алан Қапба (ақ. Аҟәа), ахԥатәи аҭыԥқәа ааныркылеит Ешсоу Царгәыш (ақ.Гәдоуҭа), Данил Ревин (ақ. Шәача).

Лаҵарамза 25 рзы 10-11 шықәса зхыҵуа (2010–2011шш. рзы ииз) аиқәԥаҩцәа рыбжьара аиндаҭларақәа мҩаԥысит.

Зыкапантә категориа 38 кьыла иҟоу рыбжьара актәи аҭыԥ ааникылеит Абазг Фет-оглы (ақ. Аҟәа), аҩбатәи аҭыԥ – Нораир Мартиросиан (ақ. Шәача), ахԥати аҭыԥ - Амир Ԥсеуш (Ареспублика Адыгеа).

Зыкапантә категориа 41 кьыла рҟынӡа инаӡо рыбжьара аиааира игеит Данаҭ Партанӡе (ақ.Гәдоуҭа), аҩбатәи аҭыԥ ааникылеит Инал Гегенаа (ақ.Гәдоуҭа), ахԥатәи аҭыԥ ааныркылеит Арсен Кәытелиа (ақ. Аҟәа), Осман Ҳагба (ақ. Аҟәа).

Зыкапантә категориа 48 кьыла иҟоу рыбжьара актәи аҭыԥ ааникылеит Руслан Иаилиан (Цандрыԥшь аҳабла), аҩбатәи аҭыԥ ааникылеит Едуард Клименко (ақ. Шәача), ахԥатәи аҭыԥ ааныркылеит Давид Аракелиан (ақ. Шәача), Владислав Ладариа (ақ.Пицунда).

Зыкапантә категориа 52 кьыла иҟоу рыбжьара актәи аҭыԥ ааникылеит Осман Зыхәба (ақ.Гәдоуҭа), аҩбатәи аҭыԥ ааникылеит - Игорь Ԥаразиа (Цандрыԥшь аҳабла), ахԥатәи аҭыԥ ааныркылеит - Нестор Арлан (ақ. Аҟәа), Андреи Калустиан (ақ. Шәача).

Зыкапантә категориа 68 кьыла иҟоу рыбжьара аиааира игеит Денис Џьопуа (ақ. Аҟәа), аҩбатәи аҭыԥ ааникылеит Артур Басиев (ақ.Шәача), ахԥатәи аҭыԥ ааникылеит Арчил Гәылариа (ақ.Гал).

Иреиӷьу атехника азы аџьшьара иоуит Данаҭ Партанаӡе.

Атурнир аиҿкаара ахахьы иагеит – Аԥсны аҿари аспорти русқәа рзы Аҳәынҭқарратә Еилаки Аԥсны аспорттә еиқәԥара Афедерациеи.

Read 93 times

Иҵегь ари акатегориаҟны « Аԥснытәи ажурналистцәа апроект «SputnikPro на Зубовском» ахԥатәи асезон рхы аладырхәуеит. Аҳәынҭқарра Ахада Николас Мадуро апарламенттә алхрақәа рыҟны ипартиа аиаара агара идиныҳәалеит. »

Хыхь

«	Лаҵара 2025					»
Ашә	Аҩа	Wed	Thu	Fri	Sat	Sun
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

АЖӘАБЖЬҚӘА

Зхы иақәиҭу аиқәԥаразы Ареспубликатә турнир аҿы аиааира згаз алкаахеит.