Аҟәа. Лаҵарамза 27, 2025 шықәса. Аԥсныпресс. Аԥсны Аҳәынҭқарра Ахада Бадра Гәынба Боливариантәи Арреспублика Венесуела Ахада Николас Мадуро апарламенттә алхрақәа рыҟны ипартиа иагаз аиаара идиныҳәалеит.
Ҳаҭыр зқәу, ухаҵкы, Ахада!
Аԥсны жәлар рыхьӡалеи хаҭала сара сыхьӡалеи гәык-ԥсык ала ишәыдысныҳәалоит напхгара ззыжәуа Венесуела Иаку асоциалисттә партиа апарламенттә алхрақәа рыҟны аиааира агара.
Ари аҩыза ақәҿиара шаҳаҭра ауеит венесуелатәи ажәлар Шәара асуверенитет арӷәӷәареи, аекономика арҿиареи, ажәлар рыбзазаратә ҭагылазаашьа аиӷьтәреи хықәкыс измоу шәкурс гәрагарала ишазыҟоу. Агәра згоит Амилаҭтә ассамблеиа аилазаара ҿыц қәҿиарала атәыла аихьӡарақәа рзы аус шауа, аҧхьаҟатәи аинҭәылара апрогресс иацхраауа.
Аԥсни Венесуелеи аҳаҭыреиқәҵареи аицхыраареи шьаҭас измоу аиҩызаратә еизыҟазаашьақәа рыбжьоуп. Ҳара ахә ҳаракны иаҳшьоит Аԥсны Аҳәынҭқарра азхаҵаразы хьаҳәа-ԥаҳәарада иаашәырԥшыз апозициа, иҭабуп ҳәагьы шәаҳҳәоит жәларбжьаратәи аренаҟны иҳашәҭо адгыларазы.
Сгәы иаанагоит, аполитикатә гәреибагара арҭбаара иазку ҳтәылақәа рыбжьара лыҵшәа змоу аусеицура, иара убас ахәаахәҭра-економикатә, акультуратә еимадарақәа рырҭбаара шалыршахо.
Ҳаҭыр зқәу, Ахада, ишәзеиӷьасшьоит, агәабзиара, иеицамкуа агәамч, аҭакԥхықәра зцу шәҳәынҭқарратә маҵзураҟны аихьӡарақәа, Венесуела ауаажәларра ирзеиӷьасшьоит аҭынчра, аҭышәынтәалара, аизҳазыӷьара!
