Аҟәа. Рашәарамза 29, 2023 шықәса. Аԥсныпресс. 2023 шықәса рашәара 28 рзы Аԥсны адәныҟатәи аусқәа рминистр ихаҭыԥуаҩ Иракли Ҭыжәбеи Женеватәи аиҿцәажәарақәа рыцхантәаҩцәеи еиԥылеит.

– ЕЕ ахаҭарнак ҷыда Тоиво Клаар, ЕАР ахаҭарнак ҷыда Џьихан Султаноглу, ОБСЕ ахаҭарнак ҷыда Виорело Мошан дырԥылеит ҳәа аанацҳауеит Аԥсны ААР апресс-маҵзура.

Аԥснытәи аган ахь ала аиԥылара иалахәын: Аԥсны АШәМ ахантәаҩ ихаҭыԥуаҩ Заал Хәарцкьиа, Женеватәи аиҿцәажәарақәа рлахәылацәа, Аԥсны ААР ахаҭарнакцәа Лаша Аҩӡба, Артур Гагәылиа.

Аҟәа. Рашәарамза 29, 2023 шықәса. Аԥсныпресс.  Аԥшьаша имҩаԥысыз Аҳәынҭқарратә Дума аилатәараҿы ҩбаны иҟоу атәылауаҩра иадҳәалоу азҵаара аӡбара азы Урыстәылатәи Афедерациеи Аԥсны Аҳәынҭқарреи ирыбжьарҵахьаз аиқәшаҳаҭра аратификациа мҩаԥгахеит. Абри азы адырра ҟанаҵоит Интерфакс.

Зыӡбахә ҳәоу цәыббрамза 27, 2022 шықәсазы Москва ақалақь аҿы знапаҵыҩра мҩаԥгаз аиқәшаҳаҭра ауп.

Иарбоу аусшәҟәы, ганк атәылауаа ирымоу атәылауаҩра мап ацәкрада  егьи аган атәылауаҩра адкылара азԥхьагәанаҭоит. Атәылауаҩра адкылареи ацәыӡреи рзы аиқәшаҳаҭра иарбам ахәҭа аганахьала, аӡбамҭа адкылара мҩаԥысуеит атәылақәа доусы рзакәанԥҵара инақәыршәаны.

Иара убас, аиқәшаҳаҭра иазԥхьагәанаҭоит аҩбатәи атәылауаҩра зауз рхәыҷқәа аҩбатәи атәылауаҩра рыҭара аԥҟарақәа. Ахәҭакахьала,  14 шықәса зхымҵыц ахәыҷқәа ртәылауаҩра  рҭаацәа ртәылауаҩра иақәшәозароуп, убри аан урҭ атәылауаҩра змам ахаҿны иҟамлозар. Ахәыҷы итәылауаҩра иҭаацәа ртәылауаҩра аҽаԥсахраан, иара убас урҭ аби ани рзин рцәыӡраан еиҭакрада иаанхоит. Аҩ-ҳәынҭқаррак ртәылауаҩра змоу ахәыҷы 18-шықәса анихыҵлак ашьҭахь, уи иҭаацәа  еилацәажәаны шәҟәыла еиқәдыршәаз арзаҳал ала ахәыҷы тәылак атәылауаҩра иалҵрала тәылауаҩрак изалырхыр алшоит, - ҳәа иаҳәоит аиқәшаҳаҭра аҿы.

Аҟәа. Рашәарамза 29, 2023 шықәса. Аԥсныпресс. Аԥшьаша, рашәарамза 29 рзы аминистрцәа  Реилазаара  аилатәара мҩаԥысит.  

Амшхәаԥштә хада зынӡа иалагалан 11 зҵаара, иназыцҵоу  – ԥшь-зҵаарак.

Аминистрцәа Реилазаара 14 зҵаара рыла аӡбамҭақәа аднакылеит. Аҵарадырра Аминистрра Аппарат аусзуҩцәа рынаӡаратә хыԥхьаӡаратә еилазаареи 2023 шықәсазы ахылаԥшырҭа аныҟәгаразы аԥаразоужьра ашәага-загеи  рышьақәыргылара азы азҵаара ахәаԥшра анаҩстәи аилатәарахьы иахыргеит.  

***   *** Аминистрцәа Реилазаара «2023-2024 шш. Аԥсны Аҳәынҭқарра адәныҟатәи аусқәа Рминистрреи Урыстәылатәи Афедерациа адәныҟатәи аусқәа Рминистрреи рыбжьара аконсультациақәа рымҩаԥгара Аплан апроект азы» ақәҵара аднакылеит. Атәыла Анапхгара Аԥсни Урыстәылеи рыдәныҟаполитикатә хылаԥшырҭақәа рыбжьара 2023-2024 шш. аконсультациақәа рымҩаԥгара Аплан апроект еиқәыршаҳаҭуп ҳәа аԥхьаӡаразы аӡбамҭа аднакылеит.  

***   *** Жьҭаарамза 28, 2022 шықәсазы ирыдыркылаз «Зҭакԥхықәра Ҳәаақәҵоу Аилазаара  «Неруд-Инвест» Гәылрыԥшь араион Бабышьра ақыҭан зтемпература ҳараку адгьылаҵантәи аӡырԥхақәа рыԥшаареи рыҵхреи рзы адгьылхәҭа анаҩстәи ахархәаразы азин аҭара хықәкыс иҟаҵаны  зтемпература ҳараку адгьыаҵатә аӡырԥхақәа рыҵхырҭа аԥшаареи аконсервациа алхреи рзы азин аҭара азы» Ақәҵара №161 аиҭакрақәа алагалоуп.

Иарбоу аиҭакрақәа Зҭакԥхықәра Ҳәаақәҵоу Аилазаара «Неруд-Инвест» иҟанаҵаз аҳәареи Гәылрыԥшь араион Бабышьра ақыҭан зтемпература ҳараку адгьылаҵантәи аӡырԥхақәа рыҵхырҭа аԥшаареи аконсервациа алхреи иазку апроцесс ахыркәшаразы аҭагылазаашьақәа раԥҵареи рзы иалагалоуп.  Аобиективтә мзызсқәа ирыхҟьаны агеологиатә ҭҵаареи аԥшыхәреи рыпроцесс ахыркәшара аҽҳәарақәа еиҭагахеит. Убри инамаданы аҵыҵырҭа ааглыхратә хархәаразы иазԥхьагәаҭаз аҽҳәара ииагахар акәхеит.

Аҟәа. Рашәарамза 27, 2023 шықәса. Аԥсныпресс. Рашәарамза 27 рзы Аԥснытәи аҳәынҭқарратә Университет аҿы амагистртә программа «Аҳәынҭқарратә напхгараҭара» ала  аужьҭымҭацәа рмагистртә диссертациақәа рыхьчара  мҩаԥысит, ҳәа адырра ҟанаҵоит ААУ аинформациеи амедиакоммуникациақәеи рыҟәша.

Аҳәынҭқарратә аттестациатә комиссиа напхгара аиҭоит Урыстәылатәи Афедерациа Анапхгара аҟны иҟоу Афинанстә Университет аекономикатә теориа  асекциа «Аекономикатә хәыцра аҭоурых» анапхгаҩы, Асовет Еидгыла ахыбгалара ашьҭахьтәи аамҭахәҭазы Урыстәыла аекономикатә ҵара азы раԥхьатәи арҵагашәҟәы  автор, аекономикатә наукақәа рдоктор, апрофессор Иаков Семион-иԥа Иадгаров.

Аҳәынҭқарратә аттестациатә комиссиа алахәылацәа: атәыла аԥыза-министр ихаҭыԥуаҩ, афинансқәа рминистр Владимир Делба; аԥыза-министр ихаҭыԥуаҩ, аекономика аминистр Кристина Озган; аекономикатә факультет адекан, аекономикатә наукақәа ркандидат, адоцент Ева Озган; аҳәынҭнапхгареи аменеџьменти ркафедра анапхгаҩы, аекономикатә наукақәа рдоктор, апрофессор Хәыта Гәымба; аекономикатә наукақәа ркандидат, аҳәынҭнапхгареи аменеџьменти ркафедра адоцент Анжела Барцыц.

Аҟәа. Рашәарамза 28, 2023 шықәса. Аԥсныпресс. Аҟәатәи аолимпиатә ӡҭарчы аҟны Жәларбжьаратәи анаркотикқәа рыдкылареи анаркотикатә маҭәашьарқәа изакәанымкәа реиҭарсреи  рҿагылара Амш иазкны аӡсра мҩаԥысуеит.

Аӡсра алагара аламҭалаз, уи алахәылацәа- еиуеиԥшым ақәратә категориақәа ирыҵанакуа ашколхәыҷқәа, азыҟаҵаҩцәа, аҭаацәа ирыдныҳәалеит атәыла аҿари аспорти русқәа рзы аҳәынҭқарратә Еилакы ахантәаҩы Тарас Ҳагбеи аҳәынҭқарратә Еилакы аҿар рыҟәша аиҳабы Идрис Кара-Осман-оглыи.

Аҟәа. Рашәарамза 28, 2023 шықәса. Аԥсныпресс. Рашәарамза  28 рзы Аԥсны аԥсылманцәа, адунеи зегьы аҿы аԥсылмантә динхаҵара ныҟәызго зегьы реиԥш иреиҳау аԥсылмантә ныҳәақәа ҩба иреиуоу – Кәырбан -баирам (Кәырбанныҳәа - ахатәы милаҭтә хьӡы) (Ид аль-Адха – араб бызшәала)  азгәарҭоит.  Уи иазгәарҭоит аныҳәа Ураза-баирам –аԥсылманцәа рзы иԥшьоу амыз Аурачра иадҳәалоу ачхара анхыркәшахалак ашьҭахь 70 мшы анҵлак.

Аԥсны Кәырбан-баирам (Кәырбанныҳәа-аԥсышәала иуҳәозар) аныҳәатә иусуратәым мшуп.

«Кәрбанныҳәа, мамзаргьы Ид аль-Адха — аԥсылманцәа рныҳәақәа ируакуп, аҳаџьныҟәара хнаркәшоит. Ари аҽны аҟәрҟан излаҳәо ала, ԥхыӡла, аԥаимбар Џьабраил, апророк Ибраҳим иҿы днеины, ԥсаҭатәыс Аллаҳ иҿаԥхьа иԥа дҟаиҵарц иеиҳәеит. Ибраҳим дазыразны, Мекка адәҳәыԥш аҟны дцаны, аҽазыҟаҵаратә усмҩаԥгатәқәа дрылагеит. Аллаҳ, абас ала дԥишәеит Ибраҳим, агәрагьы игеит иҿаҳәатәы шынаигӡоз ала. Аҵыхәтәантәи аминуҭқәа рзы, Аллаҳ, Ибраҳим иԥа Исмаил деиқәирхоит. Иԥа ихаҭыԥан ауаса ԥсаҭатәыс иҟаиҵоит.

Аҟәа. Рашәарамза 28, 2023 шықәса. Аԥсныпресс. Ареспубликатә Унитартә Наплакы «Амшынеиқәафымцамч» авариатә бригадақәа афымцаеиҵақәа «ИЭПиТи» «Баслати»  еимаздараны иҟоуп афымцацәаҳәа 10 кВ аргылара мҩаԥнагоит.   Уи Иашҭхәа ақыҭа ахь афымцамч анашьҭра алнаршоит, ҳәа адырра ҟанаҵоит АУН "Амшынеиқәафымцамч" апресс-маҵзура.

Аҟәа. Рашәарамза 28, 2023 шықәса. Аԥсныпресс. Гал араион Ахадара араион абиуџьет ахарџь ала атрактор-маҷқәа ҩба аанахәеит.

Гал араион агроном хада Лери Шьониа ажурналистцәа дрыҿцәажәо тракторк амчра  35 ҽамч амоуп, уи абҵарамза  2022 шықәсазы иаахәан, ахәԥса 900 нызықь мааҭ рҟынӡа инаӡоит ҳәа еиҭеиҳәеит.  Аҩбатәи атрактор 2023 шықәсазоуп ианаахәаз. Иара иамоу амчра 50 ҽымч ала еиҳауп, ахәԥсагьы – 1 млн 690 нызықь мааҭ рҟынӡа инаӡоит. Аиқәыршәагақәа зегьы  15-мыш рыла иааргараны иҟоуп.  

Аҟәа. Рашәарамза 28, 2023. Аԥсныпресс. Ареспубликатә акциа «Аԥсны аҿар анаркотикқәа ирҿагылоуп» аҳәаақәа ирҭагӡаны, ахаша, рашәарамза 28 рзы Жәларбжьаратәи анаркотикқәа рыдкылареи анаркотикатә маҭәашьарқәа изакәанымкәа реиҭарсреи  рҿагылара Амш иазкны атлетикалас азы аиԥхныҩлара мҩаԥысит. Аиԥхныҩлара иалахәыз амшын аԥшаҳәа иаваршәны Алашарбага аҳабла аҟынтәи атеатралтә плошьад аҟынӡа иҩуан.   Аиԥхныҩлара адистанциа -  2,5 км. рҟынӡа инаӡоит.

Аҿари аспорти русқәа рзы аҳәынҭқарратә Еилакы аиҳабы Идрис Кара-Осман-оглы акциа атәы еиҭеиҳәеит.

«Иахьа ҳара Жәларбжьаратәи анаркотикқәа рыдкылареи анаркотикатә маҭәашьарқәа изакәанымкәа реиҭарсреи  рҿагылара Амш иазкны акциа мҩаԥаҳгоит. Сынтәа ҳара уи рашәарамза 25 рзы имҩаԥаагарц акәын, аха, Урыстәылатәи Афедерациа аҟны иҟаз ахҭысқәа инарымаданы, уи рашәарамза  28  ахь ииаҳгар акәхеит. Иахьатәи акциа рхы аладырхәуеит еиуеиԥшым аспорттә хкқәа рыла зҽазыҟазҵо аспортсменцәа, атәыла анапхгара, араионтә комитетқәа рхыҭарнакцәа, ақалақьқәа Аҟәа, Гагра, Гәдоуҭа, Гал, Очамчыра, Гәылрыԥшь ауааԥсыра», –  ҳәа еиҭеиҳәеит иара.

Аҟәа. Рашәарамза 28, 2023 шықәса. Аԥсныпресс. Аҳәынҭқарра Ахада Аслан Бжьаниа Аԥсны аԥсылманцәа Кәырбанныҳәа рыдиныҳәалеит.

Адныҳәалараҿы, иҳәоуп:

"Акыр иаԥсоу ҳџьынџьуаа!

Аԥсны иқәынхо аԥсылманцәа гәык-ԥсык ала ишәыдысныҳәалоит Кәырбанныҳәа! Ари адунеи иқәынхо аԥсылманцәа зегьы агәреибагареи анцәахаҵареи ирдыргоу, иԥшьоу агәырӷьара зцу  ныҳәаны иазгәарҭо ныҳәоуп.