Аҟәа. Рашәарамза 29, 2023 шықәса. Аԥсныпресс. Рашәарамза 29 рзы Аҳәынҭқарратә Дума аилатәараҿы ҩбаны иҟоу атәылауаҩра иадҳәалоу азҵаара аӡбара азы цәыббрамза 27, 2022 шықәсазы Москва ақалақь аҿы знапаҵыҩра мҩаԥгаз Урыстәылатәи Афедерациеи Аԥсны Аҳәынҭқарреи ирыбжьарҵахьаз аиқәшаҳаҭра аратификациа мҩаԥгахеит. Ари Аиқәшаҳаҭра усҟан рнапы аҵарҩит Аԥсны адәныҟатәи аусқәа рминистр Инал Арӡынбеи Урыстәылатәи Афедерациа адәныҟатәи аусқәа рминистр Сергеи Лаврови.   

Аԥсны адәныҟатәи аусқәа Рминистрра аконсултә департамент анапхгаҩы Лаша Аҩӡба ари ахҭыс дахцәажәеит.

Аҟәа. Рашәарамза 29, 2023 шықәса. Аԥсныпресс.  Аԥшьаша, рашәарамза 29 рзы  авидеоконференциа арежим ала аԥснытәии урыстәылатәи аган алархәны имҩаԥысит агәабзиарахьчара аусхкы аҿы Аԥсни Урыстәылеи рзакәанԥҵарақәа реишьашәалара азҵаарақәа ирызку аилатәара, ҳәа адырра ҟанаҵоит Аԥсны агәабзиарахьчара Аминистрра апресс-маҵзура.

Аԥснытәи аган ахантәаҩра аиҭон атәыла агәабзиарахьчара аминистр Едуард Быҭәба, урыстәылатәи аусуратә гәыԥ напхгара аиҭоит Урыстәыла агәабзиарахьчара аминистр актәи ихаҭыԥуаҩ Виктор Фисенко.

Аганқәа ахәҭакахьала «Агәабзиарахьчаразы» Аԥсны Азакәани «Урыстәылатәи Афедерациа аҟны атәылауа ргәабзиара ахьчара ашьаҭақәа рзы» афедералтә закәани рыбжьара аконцептуалтә еиқәымшәарақәа рықәгара азҵаара иалацәажәеит.

Аҟәа. Рашәарамза 29, 2023 шықәса. Аԥсныпресс. Рашәарамза 29, аԥшьаша имҩаԥысыз аминистрцәа Реилазаара аилатәара аҿы агәабзиарахьчара, аҵарадырра, анаука, акультура, аспорт, атәылауаа рсоциалтә маҵзура, уҳәа аусхкқәа рыла аус зуа аҳәынҭқарратә усбарҭақәа русзуҩцәа 2023 шықәсазы руалафахәы ашьҭыхразы ақәҵара рыдыркылеит.  

Атәыла Анапхгара аҿы 2023 шықәсазы Аҳәынҭқарратә усбарҭақәа ихадоу акатегориақәа ирыҵанакуа аусзуҩцәа абжьаратәи руалафахәы ашьҭыхразы ақәҵара рыдыркылеит.

Аусзуҩцәа ироуа ауалафахәы аҩаӡара доусы рыквалификациеи инарыгӡо аусура ауадаҩреи ирбо аџьабааи уи ахаҭабзиареи иадҳәалахоит, уи Аԥсны аҳәынҭқарратә усбарҭақәа иашьашәалоу акатегориа иаҵанакуа аусзуҩцәа ирзыԥҵәоу абжьаратәи аулафахәы аҩаӡара еиҳахар, мамзаргьы еиҵахар алшоит.

Иарбоу ақәҵара ажьырныҳәамза 1,  2023 шықәсазы ишьақәгылаз азинтә еизыҟазаашьақәа ирызкхоит.

Аҟәа. Рашәарамза 29, 2023 шықәса. Аԥсныпресс. Рашәарамза 29 рзы имҩаԥысит Беслан Ҳалуашь напхгара ззиуаз Абиуџьети, акредиттә еиҿкаарақәеи, ашәахтәқәеи, афинансқәеи рзы аилак аилатәара.

Аилатәара иалахәын: Апарламент адепутатцәа, афинансқәа рминистр ихаҭыԥуаҩ Амҷба И.Ф., АҬА аминистр 1-тәи ихаҭыԥуаҩ Делибалтиан Т.А., Астатистиказы аҳәынҭқарратә еилакы ахантәаҩы Гогьиа К.А.

Ирыхәаԥшит «Аҳәынҭқарратә ҳазазы» Аԥсны Аҳәынҭқарра Азакәан ахәҭаҷ 4 аԥсахрақәа ралагаларазы» Аԥсны Аҳәынҭқарра Азакәан апроект; «Аԥсны Аҳәынҭқарра ибиуџьеттәым асоциалтә фондқәа рахь аԥгаԥсатә лагаламҭақәеи ашәатәқәеи рзы» Аԥсны Аҳәынҭқарра Азакәан ахәҭаҷ 6 аԥсахрақәа ралагаларазы» Аԥсны Аҳәынҭқарра Азакәан апроект; «Аелектронтә шәатәы хархәагақәа рхархәарала Амилаҭтә шәатәы системазы» Аԥсны Аҳәынҭқарра Азакәан аԥсахрақәа ралагаларазы» Аԥсны Аҳәынҭқарра Азакәан апроект. 

Аилацәажәара ашьҭахь адепутатцәа арҭ азакәанапроектқәа имҩаԥысраны иҟоу асессиа аилатәараҟны актәи аԥхьараан адкыларазы ацәыргаразы азыӡба рыдыркылеит.

Аҟәа. Рашәарамза  29,2023 шықәса. Аԥсныпресс. Аҟәатәи Аӡфымцатә станциа аӡыхкыра азааигәара автотранспорт аԥхасҭахара иахҟьаны, ауаа рхала аӡиас изырсуамызт. Аиқәырхаҩцәа урҭ аҳҭнықалақь аҟынӡа раагара еиҿыркааит», - ҳәа иазгәаҭоуп Иҷыдоу аҭагылазаашьақәа рзы Аминистрра иҟанаҵо адырраҭара аҿы.

Аҟәа. Рашәарамза 29, 2023 шықәса. Аԥсныпресс. Аминистрцәа Реилазаара аҿы 2024 шықәсазы Ареспубликатә биуџьети аҳәынҭқарратә абиуџьетнҭыҵти фодқәа рбиуџьетқәеи рзы азакәанқәа рыпроектқәа реиқәыршәара азы аусура аиҿкааразы ақәҵара рыдыркылеит.

Аекономика Аминистрра Аԥсны Аҳәынҭқарра 2024 шықәсазы асоциал-економикатә ҿиара азԥхьагәаҭара аиқәыршәара аиҿкаареи ԥхынгәымза   15, 2023 шықәсанӡа  2024 шықәсазы Аԥсны асоциал-економикатә ҿиара Аиндикативтә план аминистрцәа Реилазаара ахь ашьақәырӷәӷәаразы анашьҭреи адҵоуп.  

Афинансқәа рминистрра иадҵоуп: Аԥсны асоциал-економикатә ҿиара Аиндикативтә план арбагақәа рыла ишьаҭаркны ареспубликатә биуџьет 2024 шықәсазы ихадоу арбагақәа рыпроектқәеи ршәага-загақәеи аус рыдулара;

Аҟәа. Рашәарамза 29, 2023 шықәса. Аԥсныпресс.  Аԥшьаша, лаҵарамза  29 рзы имҩаԥысыз аминистрцәа Реилазаара аилатәара аҿы Зҭакԥхықәра Ҳәаақәҵоу Аилазаара «Афирма «Гагрыԥшь» аресторан «Гагрыԥшь» амазаратә комплекс қьырала аҭара азы ақәҵара рыдыркылеит.  

Аҳәынҭқарратә мазара анапхгараҭареи априватизациеи рзы аҳәынҭқарратә Еилакы азԥхьанҵа аҭоуп:          

а) Гагра ақалақь, Арӡынба имҩа, аҩ.№ 21 ала иҟоу аресторан «Гагрыԥшь» амазаратә комплекс  қьырала аҭара ашьаҭала Зҭакԥхықәра Ҳәаақәҵоу Аилазаара «Афирма Гагрыԥшь» ахь аиагара;          

б) Зҭаԥхықәра Ҳәаақәҵоу Аилазаара «Афирма Гагрыԥшь» 20-шықәса ирҭагӡоу ақьыратә еиқәшаҳаҭра абжьаҵара. Уи абарҭ ихымԥадатәиу аҭагылазаашьақәа арбоуп:          

Аҟәа. Рашәарамза 29, 2023 шықәса. Аԥсныпресс. Аминистрцәа Реилазаара аҿы  нанҳәамза 31,   2022 шықәсазы ирыдыркылаз «2023 шықәсазы анапхгарабжьаратәи ахықәкытә программа «Адемографиа аҿиара» ашьақәырӷәӷәаразы» ақәҵара №101 аиҭакрақәа аларгалеит.  

Аредакциа ҿыц аҿы апрограмма ахықәки ахыдҵеи арбоуп.

Апрограмма ахықәкы хада –  Ареспубликаҿы иааиԥмырҟьаӡакәа инхо, милаҭла иаԥсыуоу (абаза) ахәыҷқәа рирала Аԥсны Аҳәынҭқарра ашәарҭадара адемографиатә шәарҭаразы агәҽанҵара.  

Апрограмма ахықәкы хаданы иҟоуп Ареспубликаҿы  иааиԥмырҟьаӡакәа инхо аҭаацәа милаҭла иаԥсыуоу (абаза) ахәыҷы иираан зныктәи аԥаратә шәатәы рызшәара:

а) 2022 шықәсазы – ахԥатәии уи ишьҭанеиуа ахәыҷи иираан (ахәыҷы данииз инаркны фымз ирылагӡаны ашәатәы азы адҵаалара алыршазароуп) – 100 000 (шә-нызықь) мааҭ;

б) ажьырныҳәамза 1, 2023 шықәса инаркны ԥхынҷкәынмза  31,2023 шықәсанӡа:

аҩбатәи ахәыҷы иираан – 50 000 (ҩанҩажәижәаба нызықь) мааҭ;

Аҟәа. Рашәарамза 29, 2023 шықәса. Аԥсныпресс. 52-шықәса дшырҭагылаз иԥсҭазаара далҵит урыстәылатәи аҭоурыхдырҩы, археолог, кавказҭҵааҩы, Аԥсны зҽаԥсазтәыз анаука аусзуҩ, Урыстәыла кавказҭҵааҩцәа Рнаукатә Еилазаара алахәыла Алеқсандр Иури-иԥа Скаков, ҳәа адырра ҟанаҵоит Аԥснытәи аҳәынҭқарратә музеи.  

А. Иу. Скаков инаукатә интересқәа ируакын: ихьшәоу аџьазтә епоха иаҵанакуа Кавказ археологиа – заанаҵтәи аихатә, кобантәи акультура, колӷьҭатәи акультура, Кавказ ажәларқәа ижәытәӡоу ркультура.

Арҭ атемақәа рыла аҵарауаҩ иҩхьан 200 инареиҳаны анаукатә статиақәа. А. Иу. Скаков 100 инареиҳаны инаукатә статиақәа Кавказ ҳаамҭазтәи аҭоурых иазкын.   

Иара иакымкәа-иҩбамкәа ашәҟәқәа, хыԥхьаӡара рацәала анаука-популиартә статиақәеи аинтервиуқәеи, акультурологиа азы аусумҭақәеи дравторуп.

Уи ҷыдала илагала дууп аԥснытәи археологиа аҿиара аус аҿы. Аҵарауаҩ Гәдоуҭатәи, Ҭҟәарчалтәи, Очамчыратәи, уҳәа Аԥсны  араионқәа рҿы  аԥсны-урыстәыалатәи аекспедициақәа  жәпакы   (Џьанҭыхәтәи ажәытә нышәынҭрақәа, заатәи антикатә епоха иаҵанакуа аиланхарҭа Гиуенос) ихы алаирхәхьан.

Аҟәа. Рашәарамза 29, 2023 шықәса. Аԥсныпресс. Аминистрцәа Реилазаара «Еиҭамҵуа амал акадастр автоматизациа зызу аинформациатә система адыррақәа реизак Акадастртә палата ахь аиагаразы» ақәҵара аднакылеит.

Адгьылхархәареи акадастри рзы аҳәынҭқарратә Усбарҭа еиҭамҵуа амал акадастр автоматизациа зызу аинформациатә система адыррақәа реизак аҳәынҭқарратә усбарҭа «Аҳәынҭқарратә кадастратә палата» ахь аиагаразы адҵа аиуит.