АЖӘАБЖЬҚӘА

18.Рашәара.2024

Аԥснытәи аспортсменцәа Жә-ҳәынҭқаррак зҵазкуа Аҳәынҭқаррабжьаратәи Аидгыла (БРИКС) атәылақәа Рыхәмаррақәа рҿы зхы иақәиҭу аиқәԥаразы аицлабрақәа рҿы аџьазтә медалқәа ргеит.

Аҟәа. Рашәаамза 18, 2024 шықәса. Аԥсныпресс. Аԥснытәи аиқәԥаҩ Даниил Харчлаа Жә-ҳәынҭқаррак зҵазкуа Аҳәынҭқаррабжьаратәи Аидгыла (БРИКС) атәылақәа Рыхәмаррақәа рҿы зхы иақәиҭу аиқәԥаразы аицлабрақәа рҿы аџьазтә медал игеит.

Аџьазтә медал агаразы аиндаҭлара аҿы иара 65 кьыла иҟоу акапантә категориа иаҵанауа Китаитәи аспортсмен асчиот 11:0 ала дииааит, ҳәа адырра ҟанаҵоит Аԥсны аҿари аспорти русқәа рзы Аҳәынҭқарратә Еилакы.

70 кьыла иҟоу акапантә категориа иаҵанакуа ҭаџьыкьсҭантәи аспортсмен иоуз ахәахәара иахҟьаны, аџьазтә медал аиуразы аиндаҭлара аҿы  аиааира ианашьахеит аԥснытәи аспортсмен Мараҭ Кәакәасқьериа.

Даниил Харчлаа азыҟаҵаҩ Размик Алабиан иааӡамҭа иоуп. Уажәы Даниил Калиниград ақалақь, аспорттә еиндаҭларақәа рзы Аолимпиатә резерв Ашкол аҿы, азыҟаҵаҩцәа Виктори Валерии Хоџьаеваа рнапхгарала  иҽазыҟаиҵоит, аҵарагьы иҵоит.

 


Read 117 times - Ахаша, 19 Рашәара 2024 12:34
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.