Аҟәа. Хәажәкырамза 16, 2024 шықәса. Аԥсныпресс.  Аԥсны Жәлар Реизара-Апарламент ахьӡала жәларбжьаратәи анаԥшыҩцәа рделегациа хәажәкырамза 16 рзы Урыстәылатәи Афедерациа Ахада имаҵурахьы алхрақәа рыҟны иқәгылоу Николаи Харитонови (КПРФ)  Владислав Даванкови (апартиа «Ауаа ҿыцқәа») ралхраԥхьатәи аштабқәа ирҭааит.

Аԥсны Жәлар Реизара-Апарламент адепутатцәа Адгәыр Ҳаразиа, Ахра Ԥачлиа, Бадрик Ԥлиа, Апарламент Аппарат анапхгаҩы Вадим Бжьаниа Урыстәылатәи Афедерациа Акоммунистә Партиа (КПРФ) акомитет Хада аофис иаҭааит. Араҟа дара ирԥылеит Урыстәылатәи Афедерациа Акоммунистә Партиа (КПРФ) аҟынтәи Урыстәыла Аҳәынҭқарратә Дума адепутатцәа Мариа Дроботи Георги Камневи.

Аҟәа. Хәажәкырамза 17, 2024 шықәса. Аԥсныпресс.   Асааҭ 8 рзы Аԥсны иаатит Урыстәылатәи Афедерациа Ахада иалхразы алхырҭатә ҭықәа зегьы. Зынӡа Аԥсны еиҿкаауп   30 алхырҭатә ҭыԥ русура. 

Алхрақәа рхы аладырхәыр алшоит Аԥсны иааиԥмырҟьаӡакәа инхо, мамзаргьы аамҭала иҟоу Урыстәыла атәылауаа.

Алхратә биуллетень аиура азы Урыстәыла атылауаҩ итәылауаҩшәҟәы (аҩныҵҟатәи, мамзаргьы аҳәаанырцәтәи) имазар ахәҭоуп.

Алхырҭатә ҭыԥқәа аартхоит асааҭ 8:00  инаркны 20:00 рҟынӡа абарҭ аҭыӡҭыԥқәа рыла:

Аҟәа. Хәажәкырамза 17, 2024 шықәса.  Аԥсныпресс. Аԥсны Урыстәылатәи Афедерациа Ахада иалхрақәа рымҩаԥгараан ауаажәларратә зинеиҿкаареи ашәарҭадареи рышьақәыргылара иазку аусмҩаԥгатәқәа рзы аҭакԥхықәра зду аҩныҵҟатәи аусқәа рминистр ихаҭыԥуаҩ Беслан Ҷкадуа алхырҭатә ҭыԥқәа рҿы иҟоу аҭагылазаашьа далацәажәеит.

Асааҭ 09:00, хәажәкырамза 16 инаркны хәажәкырамза 18-нӡа Аԥсны аҩныҵҟатәи аусқәа Рминистрра ахатәы еилазаара ирӷәӷәоу аусура арежим ахь ииагоуп.  

«Ихымԥадатәиу агәаҭарақәа зегьы рымҩаԥгара ашьҭахь, Аԥсны иаарту 30-алхырҭатә ҭыԥқәа зегьы абжьыҭира нҵәаанӡа амилициа аусзуҩцәа рыхьчара аҵаҟа иҟазаауеит.   Иара убас Аԥсны иҟоу Урыстәылатәи Афедерациа Ацҳаражәҳәарҭа ахь абиуллетеньқәа ииазго алхратә комиссиа алахәылацәа амилициа аусзуҩцәа рыцзаауеит», -ҳәа иазгәеиҭеит Беслан Ҷкадуа. 

Зынӡа алхырҭатә ҭыԥқәа рҿы ауаажәларратә зинеиҿкаара ашьақәыргыларазы аус руеит  230-ҩык инареиҳаны амилициа аусзуҩцәа.

«Алхырҭатә ҭыԥқәа рҿы аус зуа ахатәы еилазаара ахықәкы хадақәа иреиуоуп алхратә комиссиақәа атәылауаа рыла алхрақәа рҿы ишьақәыгылоу аԥҟарақәа рынагӡара ахылаԥшра аҭараҿы ацхыраара аҟаҵара, алхратә ҭыԥқәа рҿы ауаажәларратә зинеиҿкаареи ашәарҭадареи  реилагарақәа ианаамҭоу азхьаԥшреи абжьыҭира аиԥҟьареи алхратә комиссиа аусура аруадаҩреи иазырхоу егьырҭ азинеилагарақәа рыԥхьырҟәҟәаареи», – ҳәа иазгәеиҭеит Беслан Ҷкадуа. 

Аҟәа. Хәажәкырамза 15, 2024 шықәса. Аԥсныпресс.  Аԥсны Аҳәынҭқарра Ахада Аслан Бжьаниа Аԥсны Аҳәынҭқарраҟны иҟоу Урыстәылатәи Афедерациа Ацҳаражәҳәарҭаҟны Урыстәыла Ахада иалхразы аҿҳәараанӡатәи абжьыҭара далахәын.

Абжьыҭара иара убас иалахәын  Ахада Ихаҭыԥуаҩ  Бадра Гәынба, аԥыза-министр Александр Анқәаб, ашәарҭадара Ахеилак Амаӡаныҟәгаҩ Сергеи Шамба, Аҳәынҭқарра Ахада Иусбарҭа анапхгаҩы Абесалом  Кәарҷиа.

«Иахьа иалагеит Урыстәылатәи Афедерациа Ахада иалхразы абжьыҭира. Урыстәыла – ари ҳтәыла азы аиашьаратә ҳәынҭқарроуп, астратегиатә партниор ауп. Ҳара даараӡа ҳазҿлымҳауп ҳаимабзиаратә еизыҟазаашьақәа рыҿиара. Аԥсны жәлар Урыстәылеи Аԥсни ирыбжьоу аиҩызара ҳаҭырла иазнеиуеит, еиҷаҳауеит, ахә ҳаракны иашьоит акыр шықәсала иҟанаҵо ганрацәалатәи ацхыраара. Сара агәра згоит, ҳтәылақәа ирыбжьоу аиҩызаратә еизыҟазаашьақәа аԥхьаҟагьы аҿиара шроуа, ишыӷәӷәахо ҳтәылақәа реизҳазыӷьара ахьӡала», – ҳәа аҿҳәараанӡатәи абжьыҭара ашьҭахь ажурналистцәа дрыҿцәажәо иҳәеит Аҳәынҭқарра Ахада Аслан Бжьаниа.

Аҟәа. Хәажәкырамза 14, 2024 шықәса. Аԥсныпресс. Аԥсны Жәлар Реизара – Апарламент Аиҳабы Ашәба Лаша «Ливан ачерқьес ассоциациа» ахантәаҩы Риад Цыба напхгара ззиуаз Ливантәи аԥсуа диаспора ахаҭарнакцәа идикылеит. Аби азы адырра ҟанаҵоит Аԥсны Жәлар Реизара-Апарламент апресс-маҵзура.

Аиԥылара иалахәын Апарламент адепутатцәа Рашида Аиба, Винори Бебиа, Нарсоу Салаҟаиа, Баҭал Џьопуа, Инар Гыцба, Аԥсадгьыл ахь ахынҳәразы аҳәынҭқарратә еилакы ахантәаҩы Вадим Ҳаразиа.

Аҟәа. Хәажәкырамза 15, 2024 шықәса. Аԥсныпресс.  Аԥсны Жәлар Реизара – Апарламент ахьӡала жәларбжьаратәи анаԥшыҩцәа рделегациа Москва инеит Урыстәыла Ахада иалхрақәа разыҟаҵареи рымҩаԥгареи рахылаԥшразы. Аделегациа аилазаараҟны иҟоуп Аԥсны Жәлар Реизара – Апарламент  адепутатцәа  Адгәыр Ҳаразиа – аделегациа анапхгаҩы, Ахра Ԥачлиа, Бадрик Ԥлиа, Аԥсны Жәлар Реизара – Апарламент Аппарат анапхгаҩы Вадим Бжьаниа.

Аԥсны Аҳәынҭқарра аделегациа алахәцәа алхратә кампаниа амҩаԥысшьа жәларбжьаратәи ахылаԥшраҟны иалахәхоит УА Афедералтә Еизара Афедерациа Ахеилак Ахантәаҩы Валентина Матвиенкои УА Афедералтә Еизара Аҳәынҭқарратә Дума Ахантәаҩы Виачеслав Володини иҟарҵаз ааԥхьарала.

Аԥсны Апарламент адепутатцәа Москва ианнеи УА Алхратә комиссиа хадаҟны атәымтәылауаҩратә акредитациа рыҭан.

Аԥсны Жәлар Реизара – Апарламент аҟнытә атәымтәылатә анаԥшыҩцәа алхратә комиссиа аусура, алхырҭатә ҭыԥқәа рбараны иҟоуп, иара убас жәларбжьаратәи ахылаԥшра аҳәаақәа ирҭагӡаны азин рымоуп егьырҭ акандидатцәеи зыгәрагоу урҭ рхаҿқәеи, аполитикатә партиақәа рзинмч змоу ахаҭарнакцәеи, алхыҩцәа ргәыԥқәеи ирԥылар.

«Урыстәылатәи Афедерациа Ахада иалхрақәа рзы» Афедералтә закәан инақәыршәаны, атәымтәылатә анаԥшҩы азин имоуп Урыстәылатәи Афедерациа адгьылҵакыра зегьы аҟны иусура амҩаԥгара.

Аҟәа. Хәажәкырамза 15, 2024 шықәса. Аԥсныпресс. Апарламент адепутатцәа хәажәкырамзатәи ажәылараан иҭахаз ргәалашәара ахьӡала Ахьӡ-Аԥша апарк аҟны ашәҭқәа шьҭарҵеитАԥсны Жәлар Реизара – Апарламент Аиҳаби адепутатцәеи хәажәкырамзатәи ажәылараан иҭахаз ргәалашәара ахьӡала Ахьӡ-Аԥша апарк аҟны ашәҭқәа шьҭарҵеит.

Аҟәа. Хәажәкырамза 15, 2024 шықәса. Аԥсныпресс. Иахьа Москва имҩаԥысит Аԥсны Жәлар Реизара – Апарламент аделегациеи Афедерациа Ахеилак Атәылахьчареи ашәарҭадареи рзы аилак ахантәаҩы, Урыстәылатәи Афедерациа Афедерациа Ахеилаки Аԥсны Жәлар Реизара – Апарламенти русеицуразы Акомиссиа ацхантәаҩы     Владимиром Булавини уи ихаҭыԥуаҩ Сергеи Мартынови реиԥылара, ҳәа адырра ҟанаҵоит Аԥсны Жәлар Реизара-Апарламент апресс-маҵзура.

Аԥснытәи аделегациа аилазаараҟны иҟоуп Аԥсны Жәлар Реизара – Апарламент адепутатцәа  Адгәыр Ҳаразиа – аделегациа анапхгаҩы, Ахра Ԥачлиа, Бадрик Ԥлиа, Аԥсны Жәлар Реизара – Апарламент Аппарат анапхгаҩы Вадим Бжьаниа.

Аҟәа. Хәажәкырамза 15, 2024 шықәса. Аԥсныпресс. Урыстәылатәи Афедерациа Алхратә Комиссиа Хада ахантәаҩы Елла Памфилова иҟалҵаз ааԥхьарала Аԥсны Алхратә Комиссиа Хада ахантәаҩы Дмитри Амаршьани АКХ алахәыла Алиас Бранӡиеи жәларбжьаратәи анаԥшыҩцәа раҳасабала Урыстәылатәи Афедерациа Ахада иалхрақәа разыҟаҵареи рымҩаԥгареи  рхылапшразы  Москва инеит. 

Аҟәа. Хәажәкырамза 15, 2024 шықәса. Аԥсныпресс. Урыстәылатәи Афедерациа  ашәарҭадара Ахеилак амаӡаныҟәгаҩ актәи ихаҭыԥуаҩ  Рашид Нургалиев Аԥсны ашәарҭадара Ахеилак амаӡаныҟәгаҩ Сергеи Шамба иира Амш идиныҳәалеит.

Адныҳәаларатә телеграмма аҿы, ахәҭакахьала иазгәаҭоуп:

«Ҳаҭыр зқәу Сергеи Мирон-иԥа! Гәык-ԥсыкала ишәыдысныҳәалоит шәира Амш.