Аҟәа. Лаҵарамза 22, 2025 шықәса. Аԥсныпрессс. 25-ҩык Н. Лакоба ихьӡ зху Гәдоуҭатәи абжьаратәи ашкол №1 аушьҭымҭацәа рзы аҵыхәтәантәи аҵәҵәабжьы геит.

Ашкол аушьҭымҭацәа дрыдныҳәаларц арахь дымҩахыҵит Аҳәынҭқарра Ахада Бадра Гәынба.

Аҳәынҭқарра Ахада ашкол аушьҭымҭацәа ақәҿиарақәеи аманшәалареи рзеиӷьаишьеит.

Аҟәа. Лаҵарамза 22, 2025 шықәса. Аԥсныпресс. Иахьа Н. Лакоба ихьӡ зху Аҟәатәи Ашьхарыуаа рышкол аҿы игеит аҵыхәтәантәи аҵәҵәабжьы. Сынтәа 11-тәи акласс иалгоит 120-ҩык ахәыҷқәа.  

Аныҳәатә цәаҳәақәгылара традициала ишаԥу еиԥш  Аԥсны Аҳәынҭқарратә бираҟ ашьҭыхрала иалагеит.

Ашкол аушьҭымҭацәа ирыдныҳәаларц арахь имҩахыҵит аԥыза-министр актәи ихаҭыԥуаҩ Џьансыхә Нанбеи Аҟәа ақалақь ахада ихаҭыԥуаҩ Авҭандил Сурманиӡеи.

Аҟәа. Лаҵарамза 22, 2025 шықәса. Аԥсныпресс. Аҳаиртә еилазаара «Nordwind Airlines» Казань аҟынтәи Аҟәаҟа аԥырразы азин аиуит.  Уи азы аусԥҟа Росавиациа аофициалтә саит аҿы икьыԥхьхеит.

Аусбарҭа асаит аҿы икьыԥхьу адокумент инақәыршәаны, «Северный ветер» Ҭаҭарсҭан аҳҭнықалақь Казань аҟынтәи Аҟәаҟа мчыбжьык ахь хәынтә ареисқәа рынагӡара алшоит. Ареисқәа анхацыркхо атәы аусшәҟәы иарбаӡам. Аха, мшаԥымза анҵәамҭазы Урыстәылатәи Афедерациа атранспорт Аминистрра аҿы иҟарҵоз адыррақәа рыла, Нальчики Аҟәеи аҳаиреимадара рыбжьалараны иҟоуп рашәарамза   4 инаркны.

Аҟәа. Лаҵарамза 21, 2025 шықәса. Аԥсныпресс. Аԥсны Аҳәынҭқарра Ахада Гәынба Бадра  аилацәажәара мҩаԥигеит азинхьчаратә усбарҭақәа рнапхгаҩцәа алархәны.

Уи иалахәын Ахада Иадминистрациа Анапхгаҩы Ешба Беслан, Анапхгаҩы Актәи Ихаҭыԥуаҩ Шамба Дмитри, Ашәарҭадара Ахеилак Амаӡаныҟәгаҩ  Лолуа Рауль, Апрокурор Хада Агрба Адгәыр, Аԥыза – аминистр Ихаҭыԥуаҩ,  аҩныҵҟатәи аусқәа рминистр Киут Роберт, Аҳәынҭқарратә Шәарҭадара Ахеилак ахантәаҩы Дбар Дмитри, Аҩныҵҟатәи аусқәа рминистрра  Арҩышьыгатә маҭәашьарқәа рхылаԥшразы аусбарҭа анапхгаҩы Ԥачалиа Асҭамыр.

Аҟәа. Лаҵарамза 22, 2025 шықәса. Аԥсныпресс. Иахьа, лаҵарамза 22 рзы,  Аԥсны ашколқәа зегьы рҿы игараны иҟоуп аҵыхәтәантәи аҵәҵәабжьы.  Сынтәа Аԥсны 153 школ рҿы 1888-ҩык аушьҭымҭацәа ыҟоуп.

Аҟәа. Лаҵарамза 22, 2025 шықәса. Аԥсныпресс. Аԥсны Аҳәынҭқарра Ахада Бадра Гәынба ашкол аушьҭымҭацәа рахь ааԥхьара ҟаиҵо, дрыдныҳәалеит.

Аҟәа. Лаҵарамза 21, 2025 шықәса. Аԥсныпресс. Аԥхынтәи акурорттә сезон аартра аҽазыҟаҵара иазкын Аҩныҵҟатәи аусқәа Рминистрра Автоҳәынҭинспекциа Аусбарҭа аиҳабы Дамеи Аҩӡба Гагра араион Автоҳәынҭиспекциа ахатәы еилазаара алархәны имҩаԥигаз аусуратә еилатәара.

Иара аинспекторцәа зхатәы транспорт ала Аԥсныҟа иаауо амашьынарныҟәцаҩцәа ҳаҭырла рызнеира шхымԥадатәиу ргәалаиршәеит.

Аҟәа. Лаҵарамза 21, 2025 шықәса. Аԥсныпресс.  Аԥсны Иреиҳаӡоу аӡбарҭа Роман Џьениа ишьра инадҳәаланы азыӡба рыланаҳәеит.

Аӡбаҩ Беслан Берулаа ихантәаҩрала лаҵарамза 20 рзы имҩаԥысыз Иреиҳаӡоу аӡбарҭа иаарту аилатәара аҿы  Ларик Џьениа иганахьала Аԥсны Ашьаустә Закәанеидкыла ахәҭаҷ 99, ахәҭа 2, апункт «ж» иазԥхьагәанаҭо ацәгьоура (гәыԥҩык ауаа заанҵы рцәыҵеицәажәарала иҟаҵаз ауаҩшьра) азы,  Ашьаустә Закәанеидкыла ахәҭаҷ  217, ахәҭа  1 иазԥхьагәанаҭо ацәгьоура (закәаншьаҭада абџьар аахәареи, аҵәахреи, аныҟәгареи) азы ихацыркыз ашьаусеилыргареи Ҭамаз Аџьба иганахьала  (гәыԥҩык ауаа заанҵы рцәыҵеицәажәарала иҟаҵаз ауаҩшьра) азы ихацыркыз ашьаусеилыргареи иахәаԥшит.  

Аҟәа. Лаҵарамза 21, 2025 шықәса. Аԥсныпресс. Инагӡоу аҭиратә усура аихшьаалақәеи ахархәара зауз афымцамч азы ашәатәқәа реизгра ашьҭыхреи ирыдҳәалоу азҵаарақәа ирызкын аенергетика аминистр Баҭал Мышәба лаҵарамза  20 рзы имҩаԥигаз инарҭбаау аусуратә еилатәара.  

Аенергетика Аминистрра а-Телеграм-канал аҿы иҟоу адыррақәа рыла, аилатәара аҿы ҳазҭоу  2025 шықәса ажьырныҳәа-мшаԥныҳәа рыҩныҵҟа аҭиратә усура аихшьаалақәеи оперативла абиллингтә программатә аалыҵ алагалареи ирыдҳәалоу азҵаарақәа ирылацәажәеит.

Аҟәа. Лаҵарамза 21, 2025 шықәса. Аԥсныпресс. Даҵарамза 21, 2025 шықәса рзы 161 шықәса ҵит IX ашәышықәсазы зықьҩыла аԥсуаа Рыԥсадгьыл ааныжьны Ҭырқәтәылеи Ааигәа Мрагылара еиуеиԥшым атәылақәеи рахь ихҵәаны имцар ада ԥсыхәа рызымҭаз аурыс-кавказтәи аибашьра еилгеижьҭеи.

Ари амш аҽны ахәылбыҽха Аҟәа амҳаџьырқәа ргәалашәара иазку аныҟәара еиҿкаахеит. Акциа алахәылацәа аԥсуеи адыгеи бираҟқәа, аҵәыџьмцақәа кны Сергеи Багаԥшь ихьӡ зху ашҭаҟынтәи амҳаџьырцәа рбаҟа аҟынӡа инеит.

Аҳәынҭқарра Ахада Бадра Гәынба, Аҳәынҭқарра Ахада ихаҭыԥуаҩ Беслан Бигәаа, атәыла аԥыза-министр Владимир Делба, Жәлар Реизара-Апарламент Аиҳабы Лаша Ашәба, Аҳәынҭқарра Ахада Иусбарҭа анапхгаҩы Беслан Ешба, Жәлар Реизара-Апарламент адепутатцәа, атәыла Анапхгара алахәылацәа, зҭоурыхтә ԥсадгьыл ахь ихынҳәыз амҳаџьыраа рхылҵышьҭрақәа, ауаажәларра, астузентцәеи ашколхәыҷқәеи Амҳаџьыраа Рыԥшаҳәа аҿы игылоу амҳаџьырқәа рбаҟа амҵан ашәҭ шьыҵәрақәа шьҭарҵеит.

Кавказтәи аибашьра иалаӡыз ргәалашәара аҳаҭыр азы Жәлар Реизара-Апарламент Аиҳабы Лаша Ашәбеи Аҳәынҭқарра Ахада Бадра Гәынбеи амшын ашәҭырқьақьақәа хырҵеит, анаҩс абаҟа аҿаԥхьа Ашьамаҟа рыблит, итрадициатәу Нарҭаа рымца еиқәырҵеит.

Иахьа иара убас, Гагра Кавказтәи аибашьраҿы иҭахаз ргәаладыршәеит. XIX ашәышықәсазы зыԥсадгьыл ааныжьны ицаз амҳаџьыраа рбаҟа ахьыргылахо аҭыԥ аҿы иҟоу аобелиск  амҵан ашәҭқәа рышьҭаҵареи алахьеиқәҵаратә митинги мҩаԥысит. Имҩаԥгаз аусмҩаԥгатә иалахәын атәыла Ахада ихаҭыԥуаҩ Беслан Бигәаа, аԥыза-министр Владимир Делба, араион анаԥхгара, ашколхәыҷқәа, ауаажәларра.

***

Аԥсны амҳаџьыраа ргәалашәара Амш 2011 шықәсанӡа иазгәарҭон лаҵарамза 31 рзы,  2011 шықәса раахыс  – лаҵарамза 21 рзы.

Лаҵарамза 31, 1990 шықәса рзы Амҳаџьыраа Рыԥшаҳәа аҿы агәалашәаратә хаҳә шьҭарҵеит, цәыббрамза, 2010 шықәса рзы уи аҭыԥан абаҟа дыргылеит.  Абаҟа аџьаз иалху аҿыуаҩи уи иҽыҩи рсахьа аазырԥшуа аскульптура ауп. Зҭаҷкәым раҵәаны хыхь ирхоу анапы аиҭарҿиара иасимволны иҟоуп. Амҳаџьыраа ргәалашәара иазку аскульптура автор – еицырдыруа аԥсуа сахьаҭыхҩы, аскульптор Геннади Лакоба иоуп.