Аҟәа. Абҵарамза 22, 2024 шықәса. Аԥсныпресс. Аԥсны иҟоу Урыстәыла аус ацуразы аофициалтә Хаҭарнакра аԥҵара 15-шықәса ахыҵра инамаданы, Аинформациатә Маҵзура ТАСС афотокорреспондент, Аԥсны Афырхаҵа Андреи Соловиов ихьӡ зху ажурналистцәеи аблогерцәеи рыбжьара аицлабра «Взгляд-2024» алахәхара азы арзаҳалқәа рыдкылара ишалагаз ала алаҳәара ҟаҵоуп.
Аконкурс амҩаԥгара хықәкы хадас иамоуп Аԥсни Урыстәылеи русеицура аҿиареи адгылара аҭареи. Уи иалахәхар рылшоит ареспубликатә кьыԥхьтә ҭыжьымҭақәа, аинтернет-АИХқәа, аинформмаҵзурақәа, аблогерцәа, афотокорреспондентцәа, иреиҳау аҵараиурҭақәа абри азанааҭ ала иҭоу астудентцәа.
Аконкурс «Взгляд – 2024» аноминациақәа: иреиӷьу ателехәаԥшратә материал;
иреиӷьу арадиоматериал;
иреиӷьу акьыԥхьтә материал;
Аинтернет-хархәагақәа рҿы, ахатәы блогқәа рҿы иреиӷьу аматериал;
Россотрудничество ахаҭарнакра Аԥсны аусуреи урыстәыла-аԥснытәи акультура-гуманитартә усеицуреи;
Урыстәыла ажәлари Аԥсны ажәлари рҭоурых азеиԥш даҟьақәа;
иҷыдоу аноминациа "Арратә операциа ҷыда атематика".
Аконкурс алахәхаразы аконкурс Ақәҵара ҭҵаатәуп. Азыҳәамҭа харҭәааны ԥхынҷкәынмза 13, 2024 шықәса рҟынӡа иалаҵатәуп.
Апроект аинформациатә дгылаҩ —Sputnik Аԥсны.
