Аҟәа. Ԥхынҷкәынмза 14, 2022 шықәса. Аԥсныпресс. 30 шықәса раԥхьа, ԥхынҷкәынмза  14, 1992 шықәса рзы,Қырҭтәыла аҳәынҭсовет архәҭақәа Гәылрыԥшь араион ашьха иаԥну ақыҭа Лаҭа иахыԥраауаз,  ахәцәеи ахҵәацәеи зҭаз аҵәиԥрыга ларышьҭит.  

Ури амш аҽны Мрагыларатәи Аԥсны, ақырҭуа мпыҵахалыҩцәа рыла амацәаз иҭакыз ақалақь Ҭҟәарчал аҟынтәи Гәдоуҭа ақалақь ахь ахы рханы иҵыԥрааит агуманитартә реис назыгӡоз, ахҵәацәа зҭаз урыстәылатәи аҵәиԥрыгақәа ҩба.

Аха 12 минуҭ рышьҭахь, асааҭ 16:39 рзы усҟантәи аамҭазы қырҭтәылатәи Аҳәынҭсовет архәҭақәа ирымпыҵакыз Кәыдрытәи Аҩхаа Лаҭа ақыҭа иахыԥраауаз  урыстәылатәи аҵәиԥрыга6ъа руак (МИ-8) аганахьала иоужьҭын  аракета «Землиа-Воздух». Аракета заахаз аҵәиԥрыга ашьха иаԥныз аҭыԥ аҿы ианкаҳа ашьҭахь иԥжәеит. Аҵәиԥрыга аҩныҵҟа иҟаз апасаџьырцәа зегьы ҭахеит.

Аҟәа. Ԥхынҷкәынмза 13, 2022 шықәса. Аԥсныпресс. Аманда Касланӡиа/. Аԥсны жәлар Реизара-Апарламент аҿы «Иҷыдоу аекономикатә зонақәа рзы» иҟоу азакәан аиҭакрақәа ралагаларазы ақәҵара рыдыркылеит.  

Азакәан аиҭакрақәеи ацҵақәеи ралагалара азы ажәалагалақәа рыдгалара ҟаиҵеит адепутат Бадрак Ԥлиа.

«Аекономика аҿиареи уи жәларбжьаратәи аекономикатә центр аҳасабала аҩаӡара ашьҭыхра астимул аҭареи ауааԥсыра рсоциалтә еизҳазыӷьара ашьҭыхреи атранспорттә (амшынтә, аихамҩатә, автомашьынатә, авициатә) инфраструктура, атуризм, жәларбжьаратәи ахәаахәҭратә еизыҟазаашьақәа, Аԥсны зтехнологиатә ҩаӡара ҳараку аҭыжьырҭақәа раԥҵара хықәкыс иҟаҵаны иҷыдоу аекономикатә зонақәа раԥҵара алыршахоит», - ҳәа иҳәеит Бадрак Ԥлиа.

Аҟәа. Ԥхынҷкәынмза 13, 2023 шықәса. Апсныпресс. Аекономика Аминистрра 2023 шықәсазы алагаларатә ҳазылхратә баџь ахшәаарада инанагӡахо атәыла аҩныҵҟа ахархәара азы урыстәылантәи анефтаалыҵқәа раагара ашәагаақәа шьақәнарӷәӷәеит. Убас:

ихадоу акомпонентқәа процентла реизышәара 95 иреиҵоу автомашьына абылтәы – 46 ныз. тонн;

ихадоу акомпонентқәа процентла реизышәара 95 иреиҵоу, мамзаргьы еиҳау, аха убри аан  98 иреиҵоу автомашьына абылтәы – 13 ныз. тонн;

Аҟәа. Ԥхынҷкәынмза 13, 2022 шықәса. Аԥсныпресс. Аԥсны аделегациа аидгьылуаа ҿарацәа рдунеизегьтәи ахәмаррақәа рхы аладырхәит.  Аицлабрақәа мҩаԥысит Москва ақалақь, ԥхынҷкәынмза 5 – 11 рзы. Аицлабрақәа рхы аладырхәит 400-ҩык инареиҳаны 12 -14 шықәса зхыҵуа, амҵәышәмпыл, ашьапылампыл-маҷ, ашахматқәа, астолтә ԥкьаҭмпыл, уҳәа рыла зҽазыҟазҵо аспортсмен ҿарацәа.  

VI Адунеизегьтәи ахәмаррақәа рхы аладырхәит: Аԥсны, Азербаиџьан, Ермантәыла, Белоруссиа, Египет, Исландиа, Казахсҭан, Кипр, Молдавиа, Монголиа, Сербиа, Шьамтәыла, Ҭадџьыкьысҭан, Узбекьысҭан, уҳәа атәылақәа рҟынтәи аспортсменцәа.

Аҟәа. Ԥхынҷкәынмза 13, 2022 шықәса. Аԥсныпресс. Аԥснытәи аспортсмен Алеқсандр Ашәба XXXV Москватәи астуденттә спорттә хәмаррақәа рҳәаақәа ирҭагӡаны имҩаԥысуаз аклассикатә еиқәԥара азы аицлабрақәа рҿы актәи аҭыԥ ааникылеит, ҳәа адырра ҟанаҵоит аҿари аспорти рзы аҳәынҭқарратә Еилакы апресс-маҵзура.

Аҟәа. Ԥхынҷкәынмза 12, 2022 шықәса. Аԥсныпресс. Гагра араион Мамзышьха абнара 30 гектар иахьаҵанакуа амца акуп. Аинформациатә маҵзура «Спутник» акорреспондент диҿцәажәо убри азы адырра ҟаиҵеит Аԥсны Иҷыдоу аҭагылазаашьақәа рзы Аминистрра иатәу Гагра араион ахьчаразы абылрацәыхьчаратә отриад аиҳабы Давид Бганба.

«Мамзышьха амца шакыз ҳара игәаҳҭеит ашьжьымҭан, усҟан амца акын 10 гектар  инарзынаԥшуа. Уажәы амца 30 гектар абна амҽханакхьеит.  Амца арцәаразы уахь унеиртә иҟам макьаназы, аха ҳара аҭагылазаашьа ахылаԥшра аҳҭоит, алшара  шааҳаулакгьы уахь адәықәлара ҳазхиоуп», - ҳәа иазгәеиҭеит Даввид Бганба.

Аҟәа. Ԥхынҷкәынмза 12, 2022 шықәса. Аԥсныпресс. Иахьа Аԥсны Жәлар Реизара-Апарламент аҟны имҩаԥысит Аекономикатә политикеи, ареформақәеи, аинформациатә технологиқәеи рзы аилак изаамҭанытәиу аусуратә еилатәара. Уи мҩаԥигеит Аилак ахантәаҩы Резо Занҭариа.

Аилак аҟны имҩаԥысит «Афымцамч азы атарифқәа рышьҭыхра аанкыларазы» азакәан апроект алацәажәара.

Ари азакәан апроект аԥшьгаҩцәа адепутатцәа ирыдыргалоит Аԥсны Аҳәынҭқарраҟны ахархәаҩцәа ркатеогриақәа зегьы рзы 2011 шықәса хәажәкырамза 10 аҟн. «Ахәқәа рҳәынҭқарратә ҳәаақәҵаразы» Аԥсны Аҳәынҭқарра Азакәан инақәыршәаны Афымцамч азы атарифқәа рышьҭыхра аанкылара.

Иара убас ирыдыргалоит ахәԥса зшәо рзы афымцамч азы атариф афымцамч ахархәара зырҭо акатегориақәа зеиԥшразаалак, 2022 шықәса ԥхынҷкәынмза 1 азы Аԥсны Аҳәынҭқарра иахьаҵанакуа ахәԥса зшәо акатегориазы аус зуа атариф еиҳаны ҟалашьа амаӡам ҳәа ашьақәыргылара.

Аҟәа. Ԥхынҷкәынмза 13, 2022 шықәса. Аԥсныпресс. Аҳәынҭқарра Ахада Аслан Бжьаниа Аиҳабыреи Ахада Иусбарҭа анапхгареи алархәны аусуратә еилацәажәара мҩаԥигеит

Аилацәажәараан иахәаԥшын асоциалтә-економикатә ҿиареи аинвестпрограмма анагӡареи ирыдҳәалоу азҵаарақәа. Аилацәажәара алахәцәа адырра ҟарҵеит аҳәынҭқарра Ахада изыӡбақәеи инапынҵақәеи аҭыԥаҟны рынагӡара шымҩаԥысуа азы. Иара убас иалацәажәеит ДЖӘР-еи ЛЖӘР-еи рхәыҷқәа рзы агуманитартә цхыраара аиҿкаареи ашьҭреи ирызкыз азҵаара.

Аҟәа. Ԥхынҷкәынмза 12, 2022 шықәса. Аԥсныпресс. Аԥсны Жәлар Реизара-Апарламент аҿы Алхас Барцыц ихантәаҩрала имҩаԥысит жәларбжьаратәи, апарламентбжьаратәи аимадарақәеи аџьынџьуаа рымадареи  рзы апарламенттә Еилакы аилатәара. Уи ихы алаирхәит атәыла адәныҟатәи аусқәа рминистр ихаҭыԥуаҩ Одиссеи Бигәаа.

Аилак аилатәара аҿы ирылацәажәеит адипломатиатә маҵзура азы азакәан апроект аиқәыршәара азы Аԥсны адәныҟатәи аусқәа Рминистрра ажәалагалақәа.

Аҟәа. Ԥхынҷкәынмза 12, 2022 шықәса. Аԥсныпресс.  Аԥсны Жәлар Реизара-Апарламент Аиҳабы Урыстәылатәи Афедерациа Афедералтә Еизара апалатақәа рнапхгаҩцәа Урыстәылатәи Афедерациа Аконституциа амш рыдиныҳәалеит.

Афедерациа Ахеилак Ахантәаҩы Валентина Матвиенко лыхьӡала ишьҭу адныҳәалараҟны иҳәоуп: «Урыстәылатәи Афедерациа Аконституциа Урыстәылатәи аҳәынҭқарра аҿиара ахырхарҭа хадақәа ҳәаақәнаҵоит, аамҭа ицәырнаго ашәарҭара дуқәа инарықәыршәаны зыда ԥсыхәа ыҟам азыӡбақәа рыдкылара иацхраауеит, аурыстәылаа рзы итрадициатәу адоуҳатә-леишәатә ҵасқәа реиқәырхара иацхраауеит.

Ҳара агәра ҳгоит аԥсны-урыстәылатәи апарламентбжьаратә усеицура аԥхьаҟгьы арӷәӷәара Аԥсны Урыстәылеи рыжәларқәа ринтересқәа инарықәыршәаны ҳҳәынҭқаррақәа реизыҟазаашьақәа реизырҳара ишацхраало. 

Аҳәынҭқарратә Дума Ахантәаҩы Виачеслав Володин изырханы Лаша Ашәба иҳәеит: «Урыстәылатәи Афедерациа Аконституциа  уи азинтә система уасхырс иамоуп, УА аҿаԥхьа иқәгылоу ауснагӡатәқәа рыӡбара шьаҭас иамоуп.