Аҟәа. Рашәарамза 20, 2023 шықәса. Аԥсныпресс. Рашәарамза 22 -24 рзы Аҟәа ақалақь, Ареспубликатә ахәыҷтәы-қәыԥштә спорттә школ аҿы имҩаԥыслоит 1992-1993 шш. Аԥсны жәлар Рџьынџьтәылатәи еибашьра аҿы Аиааира агара Амш 30- шықәса ахыҵра азгәаҭара иазку аӡиудо азы иаарту XV Жәларбжьаратәи аицлабрақәа «Аиааира Ахраҿа».
Аицлабрақәа ирылахәхоит 2007-2009, 2010-2011, 2012-2013, 2014-2015 шықәсқәа рзы ииз арԥарцәеи аҭыԥҳацәеи.
*** ***
Рашәарамза 23 рзы Ареспубликатә стадион аҿы имҩаԥысуеит иаарту Ареспубликатә турнир «Аолимпиатә аҩра амш».
Аицлабрақәа мҩаԥгахоит 2006, 2008-2009, 2010-2011, 2012-2013 шш. рзы ииз ареспублика ақалақьқәеи араионқәеи рҟынтәи арԥарцәеи аҭыԥҳацәеи рыбжьара. Урҭ рылшарақәа аадырԥшуеит 100, 300, 500 , 600 метра рҟынӡа инаӡо адистанциақәа рҿы.
Атурнир алагара аамҭа 16:00.
Атурнир аӡбаҩ хада – атлетика ласы азы Аԥсны зҽаԥсазтәыз азыҟаҵаҩ, зҽаԥсазтәыз аҩбарҵәыреи аспорти русзуҩ Лолита Назарс.
*** ***
Аԥснытәи ақәԥаҩцәа рашәарамза 20 – 25 рзы Касписк ақалақь аҿы имҩаԥысло ахацәа рыбжьара зхы иақәыиҭу ақәԥаразы Урыстәыла ачемпионат рхы аладырхәуеит.
65 кьыла иҟоу акапантә категориа иаҵанакуа рыбжьара дықәгылоит Даниил Харчлаа. Марат Кокосқьериа, Баграт Пандариа, Инар Кетиа 70 кьыла иҟоу акапантә категориа аҿы иқәгылоит, Асҭамыр Гәынба – 79 кь, Инал Берзениа – 86 кь.
