Аҟәа. Жьҭаарамза 5, 2022 шықәса. Аԥсныпресс.  Жьҭаарамза 5 рзы Аидгыларатә ҳәынҭқарра есымша ау зца Акомитет аҿы имҩаԥысит Аидгыларатә ҳәынҭқарра аҳәынҭқарратә маӡаныҟәгаҩ Дмитри Мезенцеви Аԥсны адәныҟатәи аусқәа рминистр Инал Арӡынбеи реиԥылара, ҳәа адырра ҟанаҵоит асаит  https://www.postkomsg.com

Аҟәа. Жьҭаарамза 5, 2022 шықәса. Аԥсныпресс. Грозныи ақалақь ахадара иҟарҵаз ааԥхьарала Аҟәа ақалақь ахада Беслан Ешба, уи ихаҭыԥуаҩ Авҭандил Сурманидзе Чечентәыла аҳҭны-қалақь 204 шықәса ахыҵра азгәаҭара рхы аладырхәуеит. Абри атәы аанацҳауеит Аҟәа ақалақь Ахадара апресс-маҵзура.

Аҟәа ақалақь аделегациа ашәҭқәа шьҭарҵеит Чечентәыла актәи ахада, Урыстәыла Афырхаҵа Ахмат-Хаджи Кадыров ибаҟа аҿаԥхьа.

Аҟәа. Жьҭаарамза 5, 2022 шықәса. Аԥсныпресс. Аҟәа ақалақь ахада Беслан Ешба аҟәатәи ашколқәа рырҵаҩцәа рзанааҭтә ныҳәа-Арҵаҩы Имш рыдиныҳәалеит.  

«Ҳаҭыр зқәу арҵаҩцәа! Ишәыдысныҳәалоуит шәзанааҭтә ныҳәа-Жәларбжьаратәи Арҵаҩы Имш! Арҵаҩы – ари баша занааҭӡам, ари иреиӷьу аҟазшьеи аҟыбаҩи зныԥшуа азҟазазаароуп! Арҵаҩы дарбанызаалак иԥсҭазаараҿы акыр зҵазкуа ароль наигӡоит.

Аҟәа. Жьҭаарамза 5,  2022 шықәса. Аԥсныпресс. Аԥсны Аҳәынҭқарра Ахада Аслан Бжьаниа Арҵаҩы имш азы адныҳәалара ҟаиҵеит:

«Акыр иаԥсоу арҵаҩцәа! Гәык-ԥсык ала ишәыдысныҳәалоит шәзанааҭтә ныҳәа – Арҵаҩы имш!

Ари аныҳәа ҷыдала аԥхарра аҵоуп. Дыҟамзар ҟалап раԥхьатәи зырҵаҩы дызгәаламшәо, анаҩс, дасу иԥсҭазаара ашьақәгылараҿы зышьҭамҭа нзыжьыз, анырра бзиа азҭаз.

Арҵаҩы изанааҭ – баша занааҭӡам. Ари миссиоуп, апрофессионализм ду еиԥш, иреиӷьу аҟазшьатә ҷыдарақәа зҭаху.

Ахә ашьара уадаҩуп шәара есҽнытәи шәааԥсара, шәара еиҵашәааӡо ҳҿар ирышәҭо адыррақәа рыдагьы, урҭ рхаҭара ашьақәгылара, идунеихәаԥшра аҳәаақәҵара шәацхраауеит.

Аҟәа. Жьҭаарамза 5, 2022 шықәса. Аԥсныпресс. Аԥсны Аҳәынҭқарра Ахада Аслан Бжьаниа Чечентәылатәи Ареспублика Ахада Р.А. Кадыров  Иира амш идиныҳәалеит.

Ҳаҭыр зқәу Рамзан  Аҳмаҭ-иҧа!

Гәык-ҧсык ала ишәыдысныҳәалоит Шәира амш. Шәара иналукааша политикуп, шәпатриотизмра, иқәшәыргыло ахықәкқәа рынагӡараҟны хеигӡарак ҟамҵакәа ижәбо аџьабааи ирыбзоураны, Урыстәылатәи Афедерациа аҟнеиԥш, уи анҭыҵгьы аҳаҭыр ду шәаԥсахеит. Аԥсны Аҳәынҭқарраҿы Шәара шәнапхгарала Чечентәылатәи Ареспублика иамоу аихьӡарақәа гәахәарала ирыдыркылоит.

Аҟәа. Жьҭаарамза 5, 2022 шықәса. Аԥсныпресс. Аԥыза-министр Алеқандр Анқәаб аҵарадырра аусзуҩцәа рзанааҭтә ныҳәа – Арҵаҩы Имш  рыдиныҳәалеит.

Адныҳәаларыҿы, ахәҭакахьала иазгәаҭоуп:

"Акыр иаԥсоу арҵаҩцәеи арҵара-ааӡара аветеранцәеи! Гәыкала ишәыдысныҳәалоит шәзанааҭтә ныҳәа – Арҵаҩы имш!

Иалшәхыз амҩа, зегь реиҳа иаамсҭашәоу, арҿиареи аҭакԥхықәреи зцу занааҭуп. Хаҭала арҵаҩ иоуп иназыгӡо ауадаҩра зцу, ихадоу аус – еиҵагыло аҿар рааӡареи аҵара дырҵареи.  

Аҟәа.  Жьҭаарамза 5, 2022 шықәса. Аԥсныпресс. Аԥсны Аҳәынҭқарра Ахада Аслан Бжьаниа иҭижьыз Аусԥҟа инақәыршәаны, «Ареспублика Аԥсны зҽаԥсазтәыз арҵаҩы» ҳәа аҳаҭыртә хьӡы рыхҵоуп 15 –ҩык арҵаҩцәа.

Аусԥҟа инақәыршәаны, арҵаҩратә усура аҿы рлагалеи, еиҵагыло аҿар рааӡареи аҵара дырҵареи рҿы рааԥсареи рзы «Ареспублика Аԥсны зҽаԥсазтәыз арҵаҩы» ҳәа аҳаҭыртә хьӡы рыхҵоуп:

АШӘБА Мадона – Аҟәа ақалақь, Н. А.  Лакоба ихьӡ зху Ашьхарыуаа рышкол №10 алагарҭатә классқәа рырҵаҩы;

АҨӠБА Римма Владимир-иԥҳа – Аацытәи абжьаратәи ашкол адиректор ааӡара-рҵаратә усура азы ихаҭыԥуаҩ;

БАРАҬЕЛИА Заира Нурне-иԥҳа - А. П. Чехов ихьӡ зху Аҟәатәи абжьаратәи ашкол №14 аԥсуа бызшәа арҵаҩы; 

ГАБЛИА Роза Фираҭ-иԥҳа – Г. А. Алшәындба ихьӡ зху Бзыԥтәи абжьаратәи ашкол №1 алагарҭатә классқәа рырҵаҩы; 

ГӘЫНБА Шьулиа Шьыгә-иԥа – Дәрыԥшьтәи абжьаратәи ашкол абиологиа азы ԥыхьатәи арҵаҩы;

Аҟәа. Жьҭаарамза 4,  2022. Апсныпресс. Атәыла аԥыза-министр Алеқсандр Анқәаб иҭижьыз Ақәҵарала, Саида Иури-иԥҳа Делба агәабзиарахьара аминистр ихаҭыԥуаҩыс дҟаҵоуп.

Аԥыза-министр ихаҭыҭуаҩ, афинансқәа рминистр Владимир Делба агәабзиарахьчара Аминистрра аколлектив иахьа дыдирдырит аминистр ихаҭыԥуаҩ ҿыц.

«Агәра ганы сыҟоуп, шәара шәусура азнеишьа, шҽазышәарақәа, шәдыррақәеи шәылшарақәеи иахьа зыдгалара мҩаԥааго аминистр ихаҭыԥуаҩ ҿыц лмаҵуратә ҭакԥхықәра анагӡараҿы ишлыцхраауа», - ҳәа аколлектив рахь ихы рханы иҳәеит аԥыза-министр ихаҭыԥуаҩ Владимир Делба.

Уи иара убас иазгәеиҭеит, атәыла анапхгара аринахысгьы агәабзиарахьсара асистема ҷыдала ахшыҩзышьҭра шанаҭало.

«Сара жәаҳәарада исдыруеит, Саида Иури-иԥҳа лус дшазҟазоу, гәахәаралагьы исыдыскылоит уи иахьа аминистр ихаҭыԥуаҩыс дахьыҟало. Анаҩсгьы ҳтәылауаа ацхыраара рыҭара азы ҳамчи ҳахшыҩи еибыҭа аус еицааулоит», -ҳәа иҳәеит агәабзиарахьчара аминистр Едуард Быҭәба. 

Аҟәа. Жьҭаарамза 4, 2022 шықәса. Аԥсныпресс.  Аԥсны Аҳәынҭқарра Ахәаахәҭра-ааглыхратә Палата Апрезидент Ҭамила Мерцхәлаа Германиа иҟоу Аԥсны Ахәаахәҭра-ааглыхратә Палата аофициалтә Хаҭарнак Вольфгангом Матцке напхгара зиҭо Германиатәи Афедеративтә Республика аҟынтәи аделегациа лыдылкылеит, ҳәа иаанацҳауеит Аԥсны Ахәаахәҭра-ааглыхратә Палата апресс-маҵзура.

Аиԥылараҿы ирылацәажәеит Аԥсны Ахаҭарнакра Германиа аусура атәы, Аԥсни Германиеи рбизнес-еилазаарақәа рыбжьара ахәаахәҭра-економикатә еизыҟазаашьақәа рыбжьаҵаразы иҟоу аспектқәа, уҳәа.

Ҭамила Мерцхәлаа аҳәаанырцә ареспублика аӡыргара иазку хыԥхьаӡара рацәала аусмҩаԥгатәқәа мҩаԥызго, аҩҳәынҭқаррак рбизнес-еилазаарақәа реизыҟазаашьақәа рыҿиара хықәкыс иҟаҵаны аусдкылаҩцәа реиԥыларақәа еиҿызкаауа Вольфганг Матцке иусура азгәалҭеит.

Аҟәа. Жьҭаарамза 4, 2022 шықәса. Аԥсныпресс.  Аԥсны агәабзиарахьчара аминистр Едуард Быҭәба Германиа иҟоу Аԥсны Ахәаахәҭра-ааглыхратә Палата ахаҭарнак Вольфганг Матцке,, Берлинтәи амедицинатә Центр «Хелле Митте»  адатә хирург  Ульрих Руппеи Европа иҟоу китаитәи акомпаниақәа  рконсультант Гуо Сииа дырԥылеит.   

Аиԥылара иалахәыз атәыла агәабзиарахьчара Аминистрра аполиклиникақәа русура аиҿкаара аганахьала абжьгаратә цхыраара аҭара алыршара иалацәажәеит. 

«Ҳара аполиклиникақәа русура аиҿкаара аганахьала аԥышәа ду ҳамоуп, уи аԥснытәи ҳколлегацәа рымадара ҳазхиоуп», - ҳәа иазгәеиҭеит Ульрих Руппе.