Урыстәылатәи Афедерациа Иҷыдоу аҭагылазаашьақәа рзы Аминистрра Краснодартәи атәылаҿацә ала Аусбарҭа Хада  анапхгаҩы аамҭала инапынҵақәа назыгӡо Николаи Платонихин «ҳҿапхьа иқәгылоу адҵақәа иреиуоу - ҳусеицура аҳәаақәҵареи, аиқәырхаҩцәа разыҟаҵараҿы ҳԥышәеимдареи, аҭагылазаашьа ҷыдақәа раԥыхразы еицаҳзеиԥшу аҽазыҟаҵарақәа рымҩаԥгареи роуп», ҳәа иазгәеиҭеит.  «Урыстәыла Иҷыдоу аҭагылазаашьақәа Рминистрра анапхгара иарбоу азҵаара, уаанӡа ибжьаҵаз анапхгарабжьаратәи ааиқәшаҳаҭрақәа ҳасаб азуны ихадоу аҵакы змоу зҵаараны иахәаԥшуеит», - ҳәа инаҵшьны иазгәеиҭеит иара.

Ахәҭакахьала, Лев Кәыҵна, аҩ-тәылак реиқәырхаратә усбарҭақәа русеицура аамҭақәа ишԥыршәахьоу, уи аҿиара атәылақәа рҭахрақәа ишрықәшәо азгәеиҭеит.

Аганқәа иазгәарҭеит еицырзеиԥшу аҽазыҟаҵарақәа рымҩаԥгара шхымԥадатәиу. Аусутә гәыԥ аԥҵаразы аӡбра рыдыркылеит, уи ҩымчыбжь иалагӡаны аусеицуразы аплан еиқәнаршәоит.

Аилатәара анхырәшаха ашьҭахь, Иҷыдоу аҭагылазаашьақәа рминистр Лев Кәыҵниа акризисттә ҭагылазаашьақәа рнапхгараҭара Ацентр шәачатәи аҿга аусушьа гәеиҭеит, иара убас амцарцәаратә гәыԥқәеи аиқәырхаратә техникеи ахьыҟоу абоксқәа дырҭааит.