Аҟәа. Абҵарамза 2, 2023 шықәса. Аԥсныпресс. Аинвестициатә программа аҳәаақәа ирҭагӡаны, 2022 – 2023 шықәсқәа рзы автомашьынамҩақәа реиҭашьақәыргылара азы иазоужьхеит 1,4 млрд. мааҭ, уахь иаҵанакуеит ареспубликатә мҩаду лашарала аиқәыршәара иадҳәалоу аусқәа, ҳәа 2022 – 2023 шш. Аԥсны асоциал-економикатә ҿиара азы аҳәынҭқарратә программа анагӡара иазкны имҩаԥгаз аилатәара аҿы адырра ҟалҵеит атәыла аԥыза-министр ихаҭыԥуаҩ, аекономика аминистр Кристина Озган.
Амҩа аҿықәқәа ррыцқьаразы аусқәа мҩаԥгоуп, иара убас амҩатә дыргақәеи арбагақәеи шьақәыргылоуп, ацҳақәа ркәыршақәа шәуп, амҩатә ҵәаӷәа алдоуп, ахарџь иартәоит 50 млн.мааҭ.
Кәыдрытәи аҩхааи Гәмысҭатәи ацҳеи реиҭашьақәыргылара азы апроект-харџьынҵатә документациақәа аус рыдулара хыркәшоуп. Ҳазҭагылоу аамҭазы афинанстә усура ахыҵхырҭа шьақәыргылам.
