Гәдоуҭа араион Лыхны ақыҭан аҩныҵҟатәи аусқәа Рминистрра анаркотикатә маҭәашьарқәа реикәыршара ахылаԥшра аҭара аусбарҭа аусзуҩцәа ашаҳаҭцәа рыцны, иара Алеқсеи Алексеев ихаҭагьы далархәны, амҩаду хада «Ԥсоу-Егры» иацәыхарамкәа ирыԥшааит анаркотикатә маҭәашьар згәылаҳәаз ишкәакәоу аилаҳәара.
Иара убас, ахархәаразы ирхиаз, аха изызкыз рҟынӡа инамӡацыз аиԥш-зеиԥшу анаркотикатә маҭәашьар згәылаз аилаҳәарақәа ҩба Аҟәа ақалақь, Ҷанба имҩала ирыԥшааит.
Ирыԥшааз зегьы аҩныҵҟатәи аусқәа Рминистрра анаркотикатә маҭәашьарқәа реикәыршара ахылаԥшра аҭара аусбарҭа аусзуҩцәа анаҩс аҩныҵҟатәи аусқәа Рминистрра иатәу Аексперт-криминалистикатә Центр ахь идәықәырҵеит. Араҟа ишышьақәыргылаз ала, уи ззеиԥш капан 131,577 грамм рҟынӡа инаӡо «метадон» ҳәа изышьҭоу анаркотиатә маҭәашьар ауп.
Аҩныҵҟатәи аусқәа Русбарҭа аусеилыргаратә ҟәшеиҵа анаркотиатә маҭәашьарқәа изакәанымкәа раахәара, рыҵәахра, рыиагареи рыҭиреи рзы ашьауӷатә усеилыргара аҳәаақәа ирҭагӡана аусҭҵаара мҩаԥнагоит.
Аҟәа ақалақь Аӡбарҭа аӡбамҭа ала, Алеқсеи Алексеев ҩымз аҭакрала ахьырхәра дақәыршәоуп.
