Аҟәа. Жьҭаарамза 6, 2022 шықәса. Аԥсныпресс. Аԥсны Ахада Аслан Бжьаниа Гагра араион ахақәиҭтәра 30 шықәса ахыҵра иазку аныҳәаҿы иқәгылара

Ҳаҭыр зқәу Гаграа!

Ҳаҭыр зқәу аветеранцәа! Ҳауаажәлар!

Гәык-ԥсык ала ишәыдысныҳәалоит Гагра араион ахақәиҭтәра амш!

Қәҿиарала имҩаԥгаз Гагратәи операциа акыр аҵанакуан Аиааира агараҿы. Аидгылара, аибашьцәа ргәымшәара иасимволны иҟоуп ари ахҭыс.

Аҟәа. Жьҭаарамза 6, 2022 шықәса. Аԥсныпресс.  Аԥсны Аҳәынҭқарра Ахада Аслан Бжьаниа Гагра араион Ахақәиҭтәра амш инамаданы адныҳәалара ҟаиҵеит.

Ҳаҭыр зқәу ҳауаажәлар!

Гәык-ԥсык ала ишәыдысныҳәалоит Гагра араион Қырҭтәыла Аҳәынҭсовет архәҭақәа  рыҟнытә ахы ақәиҭтәра ҟалеижьҭеи 30 шықәса аҵра амш.

Хшыҩзышьҭра ду аҭаны, қәҿиарала имҩаԥгаз Гагратәи ажәыларатә операциа акырӡа зҵазкуа ак акәны иҟалеит ақырҭуа қәылаҩцәа риааира аагараҟны. Зегьы аӡәк еиԥш реидгылара, аибашьцәа ргәымшәара иасимволны иҟоу, ари ахҭыс ҳажәлар рзы аибашьратә-политикатә еиԥш, алеишәатә ҵак дугьы аман аӷа иҿагылараҟны Аиааира агаразы ирымаз агәрагара арӷәӷәаразы.

Аҟәа. Жьҭаарамза 6, 2022 шықәса. Аԥсныпресс. Атәыла аԥыза-министр Алеқсандр Анқәаб ҳауаажәлар Гагра араион Қырҭтәыла аҳәынҭовет архәҭақәа рҟынтәи ахақәиҭтәра амш 30-шықәса ахыҵра инамаданы дрыдныҳәалеит.

«Аԥсны жәлар рџьынџьтәылатәи еибашьра аҭоурых аҿы акырӡа зҵазкуа аетапқәа ыҟоуп. Жьҭаарамз 1-6, 1992 шықәса рзы имҩаԥгаз Гагратәи арратә операциа убарт аетапқәа иреуоуп. Даараӡа ибзианы еимга-еимцарак рыла имҩаԥгаз аоперациа  Аиааира агара иахыҵхырҭаны иҟалеит.

Аӷа импыҵакыз Гагра араион ахәҭак ахақәиҭтәра арратә ҵакы адагьы аполитикатә ҵакгьы аман. Ажәыларатә операциа аблокада аԥыхра, иара убри ала аԥсҭазаараҿы ихымԥадатәиу азҵаарақәа рыӡбара алнаршеит, Аԥсны ақырҭуа агрессор иҟынтәи ахақәиҭтәразы ихыҵхырҭаны иҟалеит.

Аҟәа. Жьҭарамза 6, 2022 шықәса. Аԥсныпресс. Аманда Касланӡиа/.   Гагра араион Қырҭтәыла аҳәынҭсовет архәҭақәа рҟынтәи ахақәиҭтәра амш 30 - шықәса ахыҵра иазкны Гагра ақалақь аҿы имҩаԥысит акциа «Ԥсра зқәым аполк».

Ахореографиатә ансамбль «Гагрыԥшь» иалахәыз амилаҭтә костиумқәа рышәҵаны ақалақь ахақәиҭтәра зхы ақәызҵаз аибашьцәа рфотоахьақәа кны Гагра ақалақь амҩадуқәа ирнысит.

Зынӡа гагратәи ажәыларатә операциа аан иҭахеит 117-ҩык.

Аколонна ахаҿы инеиуан аҽыҩцәа хәҩык, урҭ рахьынтә ҩыџьа иркын Ареспублика Аԥсны абираҟқәа.

Гагра анапхгаҩцәа аколонна «Ԥсра зқәум аполк» иацны ақалақь амҩадуқәа ирнысит.

Аҟәа. Жьҭаарамза 5, 2022 шықәса. Аԥсныпресс. Имҩаԥысит Аԥсны Аҳәынҭқарра Ахада Аслан Бжьаниеи Урыстәылатәи Афедерациа атәылауаҩратә хьчара, аҷыдалкаатә ҭагылазаашьақәеи аԥсабаратә рыцҳарақәа рыхҟьа-ԥҟьақәа раԥыхреи ирызку аусқәа рзы аминистр ихаҭыԥуаҩ, аинрал-аполковник Илиа Денисови реиԥылара

Аиԥылара иалахәын Ахада Иадминистрациа Анапхгаҩы Џьансыхә Нанбеи аҷыдалкаатә ҭагылазаашьақәа рзы аминистр Лев Кәыҵниеи.

Аҟәа. Жьҭаарамза 5, 2022 шықәса. Аԥсныпресс. Аполитикатә партиа «Аиҭаира» ареспублика аҵарадырратә усбарҭақәа русзуҩцәа зегьы рзанааҭтә ныҳәа Арҵаҩы Имш инамаданы ирыдныҳәалоит.

«Аамҭа есааира аҵарадырра аусхкы аҿы иҿыцу аԥҟарақәеи ахыдҵақәеи ықәнаргылоит. Иахьагьы, уажәаԥхьа еиԥшҵәҟьа аҵарадырратә процесс аҿы аихьӡарақәа зыдҳәалоу зегьы раԥхьаӡа иргыланы арҵаҩы изанааҭдырра аҩаӡареи иаамсҭашәареи, уи ламысцқьала иус азнеиреи роуп. Зыҩаӡара ҳараку арҵаҩратә ҟазара, аҵаҩцәа зегьы рызнеишьа алыршара ауп еиҵагыло аҿар рхаҭара ашьақәгылара, рдунеихәаԥшра аҳәаақәҵара иацхраауа. Ҳара иҭабуп ҳәа шәаҳҳәоит иҟоу ауадаҩрақәа зегьы шәыриааины Шәара иаашәырԥшуа аамсҭашәареи агәыбылреи, аиҷаҳареи аҭакԥхықәреи азанааҭдырреи рзы. 

Аҟәа.  Жьҭаарамза  5, 2022 шықәса. Аԥсныпресс.  Ахысырҭа «Нагвалоу» аҿы арезервтә хәҭақәеи аоперативтә хырхарҭа змоу аҟәшеиҵақәеи «Восток» алархәны  арратә ҽазыҟаҵарақәа мҩаԥысуеит, ҳәа адырра ҟанаҵоит атәылахьчара Аминистрра асаит.

Аҟәа. Жьҭаарамза 5, 2022 шықәса. Аԥсныпресс. Жьҭаарамза 5 рзы Аԥсны Жәлар Реизара – Апарламент Аиҳабы Лаша Ашәба Жәларбжьаратәи арҵаҩы Имш инамаданы Аԥсны арҵаҩцәа рзанааҭтә ныҳәа рыдиныҳәалеит.

Адныҳәалараҟны, ахәҭакахьала иазгәаҭоуп:

«Ҳаҭыр зқәу арҵаҩцәа! Аԥсны Жәлар Реизара – Апарламент ахьӡала гәык-ԥсык ала ишәыдысныҳәалоит Арҵаҩы имш!

Иахьа иҭабуп ҳәа раҳҳәоит ауаҩра ду зцу арҵаҩы изанааҭ алызхыз зегьы. Адырра агәбылра аркра, аҵаҩцәа дасу рылшарақәа раарԥшра зылшо арҵаҩы ҷыдала илоу абаҩхатәра иабзоуроуп.

Аҟәа. Жьҭаарамза 5, 2022 шықәса. Аԥсныпресс.  Жәлар Реизара-Апарламент Аиҳабы Лаша Ашәба напхгара зиҭо апарламенттә делегациа Москва аофициалтә визитла аҟазаара аҳәаақәа ирҭагӡаны, Аԥсны Аҳәынҭқарра Ацҳаражәҳәарҭа иаҭааит.

Лаша Ашшба аԥснытәи адипломатцәа ирзеиҭеиҳәеит Афедерациа Ахеилаки Аҳәынҭқарратә Думеи рыҟны имҩаԥысыз аиԥыларақәа ирымоу алҵшәақәа, иалыршоу аиқәшаҳаҭрақәеи апарламенттә еимадарақәа аԥхьаҟатәи рԥеиԥши ртәы. Урыстәылатәи афедерациаҟны иҟоу Аԥсны Аҳәынҭқарра аусқәа рзы Аамҭалатәи агәрага Мадина Аҩӡба адепутатцәа ирзеиҭалҳәеит адипмиссиа аусура атәы, иазгәаҭан аԥхьаҟатәи аусеицура аплан.

Аҟәа. Жьҭаарамза 5,  2022 шықәса. Аԥсныпресс. Жьҭаара 5, 2022 шықәсазы имҩаԥысит Жәларбжьаратәи Женеватәи аиҿцәажәарақәа 56-тәи рраунд. Аиҿцәажәарақәа ирылахәын Аԥсны Аҳәынҭқарра, Аахыҵ Уаԥстәыла, Урыстәылатәи Афедерациа, ЕАА рхаҭарнакцәа, ЕЕи ЕАРи, ОБСЕи рыцхантәаҩлара.

Аԥсны Аҳәынҭқарра адәныҟатәи аусқәа рминистр ихаҭыԥуаҩ Иракли Ҭыжәба зхадараҿы дыҟаз аԥснытәи аделегациа иалахәын: Аԥсны АШәМ ахантәаҩы ихаҭыԥуаҩ Заал Хәарцкьиа, Аԥсны ААР аусзуҩцәа Лаша Аҩӡба, Артур Гагәылиа, Мадина Шамԥҳа.

Акраамҭа ашьҭахь имҩаԥысыз аиҿцәажәарақәа изаамҭанытәиу рраунд ҩ-усутә гәыԥк рформат ала имҩаԥысуан: ашәарҭадареи агуманитартәи зҵаарақәа рзы.

Аԥснытәи аделегация аҽазныкгьы ишьҭнахит амч ахамырхәараз ашәҟәы анапаҵаҩра азҵаара. Қырҭтәылатәи аган аҽазныкгьы мап ацәнакит ари аганахь ала адиалог амҩаԥгара.