Аԥснытәи аделегациа Иҷыдоу азкызаара змоу амобилтә Отриад «Русич» иҷыдоу акәалӡтәы техникеи аотриад хаҭалатәи аилазаара аекипировкеи гәарҭеит, иара убас  арҭҟәацгатә маҭәашьарқәа раарԥшраан анџьныр-техникатә ҟәша аусушьеи иҷыдоу аҟәшеиҵақәа амаҵура-еибашьратә хыдҵақәа, атактика-ҭагылазаашьатә хысрақәеи ақалақьтә ргыларақәа ахьыҟоу  ахысрақәеи рзы арбаратә қәгыларақәа ирыхәаԥшит.

Иара убас асасцәа идырбан напышьашәлатәи аиндаҭлареи ахыхьчара априиемқәеи иҷыдоу азкызаара змоу аҟәшеиҵақәа автомашьынатә транспорт ала бџьарла еибыҭоу ацәгьоуцәа раанкылараан рхымҩаԥгашьа иазку ақәгыларақәеи.   

Аԥснытәии урыстәылатәи аганқәа имҩаԥгаз аусмҩаԥгатәқәа реихшьаалақәа ҟарҵеит имҩаԥгаз астол гьежь аҿы.  Астол гьежь аусура иара убас ихы алаирхәит  Аԥсны аҩныҵҟатәи аусқәа рминистр иабжьгаҩ хада Инал Маршьан.

Аԥснытәи аделегациа змаҵзуратә уалԥшьа анагӡараан иҭахаз Иҷыдоу азкызаара змоу амобилтә Отриад «Русич» аибашьцәа Рмемориал амҵан ашәҭ шьыҵәрақәа шьҭарҵеит.