Аҟәа. Жәабранмза 16, 2024 шықәса. Аԥсныпресс.  Апрокуратура аусбарҭақәа рыла азакәанԥҵара анагӡара ахылаԥшра аҭара аганахьала 2023 шықәсазы 318 рҟынӡа азакәан аилагарақәа аарԥшын. (2022 ш. – 192).  Аԥшьаша, жәабранмза 15 рзы имҩаԥысыз Апрокуратура Хада аколлегиа инарҭбаау аилатәара аҿы дықәгыло абри азы адырра ҟаиҵеит апрокурор Хада Адгәыр Агрба.

Аҟәа. Жәабранмза 16, 2024 шықәса. Аԥсныпресс. Жәабранмза  16 рзы Москва ақалақь аҿы Ареспублика Аԥсны аҩныҵҟатәи аусқәа рминистр, амилициа аинрал-маиор Роберт Киути   Урыстәылатәи Афедерациа аҩныҵҟатәи аусқәа рминистр ихаҭыԥуаҩ, астатс-маӡаныҟәгаҩ, Урыстәылатәи Афедерациа иҵабыргу I акласс абжьгаҩ Игор Зубови реиԥылара мҩаԥысит. Аиԥылара аҿы ирылацәажәеит ахылаԥшырҭақәа анаҩстәи русеицура аперспективақәа ирыдҳәалоу азҵаарақәа жәпакы.

Анаҩс Роберт Киут дидикылеит Урыстәылатәи Афедерациа аҩныҵҟатәи аусқәа рминистр ихаҭыԥуаҩ, аполициа аинрал-полковник Андреи Храпов.

Аҟәа. Жәабранмза  15, 2024 шықәса. Аԥсныпресс. Жәабранмза 15 рзы Аҟәа ақалақь аҿы асовет ар Ареспублика Афганисҭан алгара ҟалеижьҭеи 35 шықәса аҵра азгәарҭеит.

Иҭахаз аибашьцәа-аинтернационалистцәа ргәалашәара аҳаҭыр азы Урыстәылатәи аҭынчреиҿкааҩцәа рбаҟа аҿаԥхьа ашәҭшьыҵәрақәа шьҭарҵеит Аԥсны иҟоу Урыстәыла Ацҳаражәҳәарҭа, ареспублика ауаажәларра, атәылахьчара Аминистрра, Ареспублика Афганисҭан еибашьуаз Реидгыла, Аԥсны иҟоу Урыстәыла аус ацура Ахаҭарнакра, Аҟәа иҟоу Москватәи акультура-усуратә Центр «Москва Аҩны»,  Урыстәылатәи аицџьынџьуаа реиҿкаарақәа, Аԥсны иҟоу абыжьбатәи урыстәылатәи арратә база, Аԥсны иҟоу Урыстәылатәи Афедерациа аҩныҵҟатәи аусқәа Рминистрра Ахаҭарнакра ахаҭарнакцәа.

Аусмҩаԥгатә иалахәыз минуҭктәи аҿымҭрала иргәаладыршәеит иҭахаз аибашьцәа-аинтернационалистцәа.

Урыстәылатәи аҭынчреиҿкааҩцәа рбаҟа амҵан ашәҭ шьыҵәрақәа рышьҭаҵара ашьҭахь агәалашәаратә митинг мҩаԥысит.

«Жәабранмза 15 Аԥсны аҭоурых аҿы галашәаратә мшны иҟоуп. Ари амш аҽны ҳара ҳаҭырла иаҳгәалаҳаршәоит аибашьцәа-аинтернационалистцәа.    Рыԥсадгьыл анҭыҵ зинтернационалтә уалԥшьа назыгӡаз Урыстәыла аруаа рымш. Ари амш аҽны ҳара Афганисҭантәи аибашьра аветеранцәа рыдагьы,  30 инареиҳаны бџьаршьҭыхлатәи аиҿагыларақәа ирылахәыз урыстәылатәи аруаагьы ҳгәалаҳаршәоит.

Ҩажәи хәба нызықьҩык урыстәылатәи аруаа еиуеиԥшым адунеи атәылақәа: Аԥсны, Аахыҵ Уаԥстәыла, Кореиа, Виетнам, Шьамтәыла, Египет, Мозамбик, Ангола, уҳәа рҿы рырра-маҵуратә уалԥшьа анагӡара рхы ақәырҵеит. Иарбоу аоперациақәа  иара убас рхы аладырхәуан Аԥсны атәылауаагьы.

Иахьа Афганисҭан аибашьра ахыркәшареи асовет архәҭақәа  атәыла ралгареи аныҟала амш 35 шықәса ахыҵра иадҳәалоу арыцхә азгәаҳҭоит», – ҳәа агәалашәаратә митинг аҿы дықәгыло иҳәеит Аԥсны атәылахьчара аминистр ихаҭыԥуаҩ Давид Бжьаниа.

Аҟәа. Жәабранмза  15, 2024 шықәса. Аԥсныпресс. Жәабранмза 15 рзы Аҟәа ақалақь аҿы асовет ар Ареспублика Афганисҭан алгара ҟалеижьҭеи 35 шықәса аҵра азгәарҭеит.

Иҭахаз аибашьцәа-аинтернационалистцәа ргәалашәара аҳаҭыр азы Урыстәылатәи аҭынчреиҿкааҩцәа рбаҟа аҿаԥхьа ашәҭшьыҵәрақәа шьҭарҵеит Аԥсны иҟоу Урыстәыла Ацҳаражәҳәарҭа, ареспублика ауаажәларра, атәылахьчара Аминистрра, Ареспублика Афганисҭан еибашьуаз Реидгыла, Аԥсны иҟоу Урыстәыла аус ацура Ахаҭарнакра, Аҟәа иҟоу Москватәи акультура-усуратә Центр «Москва Аҩны»,  Урыстәылатәи аицџьынџьуаа реиҿкаарақәа, Аԥсны иҟоу абыжьбатәи урыстәылатәи арратә база, Аԥсны иҟоу Урыстәылатәи Афедерациа аҩныҵҟатәи аусқәа Рминистрра Ахаҭарнакра ахаҭарнакцәа.

Аусмҩаԥгатә иалахәыз минуҭктәи аҿымҭрала иргәаладыршәеит иҭахаз аибашьцәа-аинтернационалистцәа.

Урыстәылатәи аҭынчреиҿкааҩцәа рбаҟа амҵан ашәҭ шьыҵәрақәа рышьҭаҵара ашьҭахь агәалашәаратә митинг мҩаԥысит.

«Жәабранмза 15 Аԥсны аҭоурых аҿы галашәаратә мшны иҟоуп. Ари амш аҽны ҳара ҳаҭырла иаҳгәалаҳаршәоит аибашьцәа-аинтернационалистцәа.    Рыԥсадгьыл анҭыҵ зинтернационалтә уалԥшьа назыгӡаз Урыстәыла аруаа рымш. Ари амш аҽны ҳара Афганисҭантәи аибашьра аветеранцәа рыдагьы,  30 инареиҳаны бџьаршьҭыхлатәи аиҿагыларақәа ирылахәыз урыстәылатәи аруаагьы ҳгәалаҳаршәоит.

Ҩажәи хәба нызықьҩык урыстәылатәи аруаа еиуеиԥшым адунеи атәылақәа: Аԥсны, Аахыҵ Уаԥстәыла, Кореиа, Виетнам, Шьамтәыла, Египет, Мозамбик, Ангола, уҳәа рҿы рырра-маҵуратә уалԥшьа анагӡара рхы ақәырҵеит. Иарбоу аоперациақәа  иара убас рхы аладырхәуан Аԥсны атәылауаагьы.

Иахьа Афганисҭан аибашьра ахыркәшареи асовет архәҭақәа  атәыла ралгареи аныҟала амш 35 шықәса ахыҵра иадҳәалоу арыцхә азгәаҳҭоит», – ҳәа агәалашәаратә митинг аҿы дықәгыло иҳәеит Аԥсны атәылахьчара аминистр ихаҭыԥуаҩ Давид Бжьаниа.

Давид Бжьаниа Аԥсны атәылахьчара аминистри Арбџьармчқәа ахатәы еилазаареи рыхьӡала аветеранцәа, аибашьцәа-аинтернационалистцәа зегьы дрыдныҳәалеит. 

«Аибашьра зхызгаз, бџьаршьҭыхлатәи аконфликтқәа ирылахәыз , аиниаразы агәыӷреи агәрагареи змаз, згәалашәара згәаҿы иҵәахны измоу зегьы, азин сышәҭозар, ишәзеиӷьасшьар сҭахуп зегьы раԥхьаӡа иргыланы агәабзиара, агәамч, аизҳазыӷьара, агәҭынчра», - ҳәа иҳәеит иара.

Аҟәа. Жәабранмза 15, 2024 шықәса. Аԥсныпресс. Аԥсны Аҳәынҭқарра Ахада Ихаҭыԥуаҩ Бадра Гәынба Дырмит Иасыф-иԥа Гәлиа диижьҭеит 150-шықәса аҵреи агазеҭ «Аԥсны» 105-шықәса ахыҵреи ирызкны агәалашәаратә усҩаԥгатәқәа рымҩаԥгаразы Аҳәынҭқарратә комиссиа аҩбатәи аилатәара мҩаԥигеит, ҳәа адырра ҟанаҵоит Аҳәынҭқарра Ахада ипресс-маҵзура.

Акомиссиа алахәылацәа инашьҭыз ажәалагалақәа жәпакы ирылацәажәаны ишьақәдырӷәӷәеит. Урҭ рхыԥхьаӡараҿы иҟоуп:

- Д.Гәлиа диижьҭеи 150-шықәса аҵра иазкны Аҟәа ақалақь аҿы имҩаԥгахо аусмҩаԥгатәқәа рыплан;

- Аԥсны аҳәынҭқарратә шәҟәҭыжьырҭа адиректор Даур Наҷҟьебиа аҭыжьразы зыдгалара мҩаԥигаз  асахьаркыратәии егьи алитературеи рсиа;

- Ажурнал «Алашара» аредактор Хада Анатоли Лагәлаа аԥсышәалеи аҭырқә бызшәалеи «Д.И.Гәлиа еизга «Агәалашәарақәа» аиқәыршәара азы иажәалагала;

- 2024 шықәсазы иҭыжьхоит «Ахәыҷқәа рзы ажәеинраалақәа», «Аԥсуа жәлар рҳәамҭақәа рҟынтә», «История Абхазии. Этнография», «Дырмит Гәлиа ибызшәа ажәар» ҳәа реиԥш иҟоу ашәҟәқәа.   

Аиԥылара аҿы Аԥсны ажурналистцәа Реидгыла ахантәаҩы Руслан Ҳашыг «Сара саԥсыуоуп, Аԥсуа жәлар рԥа соуп сара!» атема ала ареспублика амассатә информациа ахархәагақәа русзуҩцәа рыбжьара арҿиаратә конкурс амҩаԥгаразы иҟаиҵаз ажәалагала иалацәажәеит.

Аԥсны ашәҟәыҩҩцәа Реидгыла ахантәаҩы Вахтанг Абҳазоу иҟынтәи 20 инарзынаԥшуа ажәалагалақәа ҟаҵан.  Уи зызку  аҵараиурҭақәа рҿы афотоцәыргақәҵақәа, аԥхьаҩцәеи Дырмит Гәлиа инысымҩеи ирҿиарамҩеи адырыҩцәеи рыбжьара аконкурсқәа рымҩаԥгара, иара убас аиубилеитә хәылԥазқәа реиҿкаара ауп.

Аԥсны асасцәа атәыла акультуреи алитературеи реилыркаара азы Д.Гәлиа ихьӡ иадҳәалоу аҭыԥқәа рахь атуристтә маршрут шьақәыргылахоит.  

Аҵара Аминистрра Д.Гәлиа ирҿиара ахәыҷқәеи аҿари рыларҵәара азы аусмҩаԥгатәқәа ркомплекс адгалара мҩаԥнагеит.   Убас, иазԥхьагәаҭоуп «Аԥсуа милаҭтә хдырра аҿиара аҿы Д.И.Гәлиа инаигӡаз ароль» атема ала аконференциеи «Д.Гәлиа изкны зегьы ҳдыруама ҳара?» атема ала аҭҵааратә усумҭақәа рконкурси   рымҩаԥгара.

Аԥснытәи аҳәынҭқарратә Университет «Д.И.Гәлиа – аԥсуа лиература апатриарх, ашьаҭаркҩы иоуп» атема ала жәларбжьаратәи анаука-практикатә конференциеи «Д.И.Гәлиа ирҿиара. Апоезиеи апрозеи» атема ала астол гьежьи рымҩаԥгара азы ажәалагала ҟанаҵеит.  

Аҳәынҭқарратә комиссиа ААУ аҿы аусмҩаԥгатәқәа рымҩаԥгараҿы адгылара ҟанаҵоит.

Аҟәа. Жәабранмза 15, 2024 шықәса. Аԥсныпресс. Аԥсны Аҳәынҭқарра Ахада Аслан Бжьаниа Аԥсны Аиашахаҵаратә Ныха Ахеилак Ахантәаҩы Аԥшьаҩы еиҳабы Бассариан Аԥлиаа Иира Амш идиныҳәалеит, ҳәа адырра ҟанаҵоит Аҳәынҭқарра Ахада ипресс-маҵзура.

Адныҳәалара атекст аҟны, ахәҭакахьала  иҳәоуп:

«Аб Бассариан, Шәхацкы! Шәира Амш инамаданы гәык-ԥсыкала иҟаҵоу адныҳәаларақәа шәыдышәкыл.

Аҟәа. Жәабранмза 15, 2024 шықәса. Аԥсныпресс.  Ареспубликатә ҳәынҭқарратә Усбарҭа «Аԥснымедиеи» «Евразийская медиа группа» ҳәа изышьҭоу Акционертә Еилазаареи рыбжьара аусеицуразы Амеморандум анапаҵыҩра мҩаԥысит. Анапаҵыҩра ацеремониа мҩаԥысуан Москва ақалақь, Урыстәыла иҟоу Аԥсны Ацҳаражәҳәарҭа аҿы. Амеморандум рнапы аҵарҩит  Ареспубликатә ҳәынҭқарратә Усбарҭа «Аԥснымедиа» адиректор Хада Роберт Џьопуеи Акционертә Еилазаара «Евразийская медиа группа» адиректор Хада  Сергеи Деменски.  

«Ари амеморандум аҿы ҳара аинформациатә усеицуразы ҳаиқәшаҳаҭхеит, ахәҭакахьала, Ареспублика Аԥсни Урыстәылатәи Афедерациеи аҩныҵҟатәии жәларбжьаратәии аԥсҭазаара азы аинтерес зҵоу ахҭысқәа  рзы адырраҭарақәа рыҟаҵара аганахьала», - ҳәа иазгәеиҭеит  Роберт Џьопуа.

Аԥсны – ашәышықәсақәа зҭагӡоу аҭоурых змоу атәыла ауп, ҳәа инаҵшьны иазгәеиҭеит Сергеи Деменски.

Аҟәа. Жәабранмза 15, 2024 шықәса Аԥсныпресс. Аҳәынҭқарра Ахада Аслан Бжьаниа иналукааша аҳәынҭқарратә усзуҩ, Аԥсны Аҩбатәи Ахада, Аԥсны Афырхаҵа, «Ахьӡ-Аԥша» аорден  І аҩаӡара акавалер Сергеи Уасил-иԥа Багаԥшь диижьҭеи 75-шықәса аҵра азгәаҭара иазкны агәалашәаратә усмҩаԥгатәқәа реиҿкаареи рымҩаԥгареи рзы аҳәынҭқарратә Коиссиа аԥҵара азы Аусԥҟа инапы аҵаиҩит.

Аҳәынҭқарра Ахада Ихаҭыԥуаҩ Бадра Гәынба напхра зиҭо аҳәынҭқарратә Комиссиа аилазаараҿы иҟоуп:  

Кәарҷиа А. А. – Аԥсны Аҳәынҭқарра Ахада Иусбарҭа анапхгаҩы;

Бигәаа Б. В. – Очамчыра араион ахада;

Смыр Д. Г. –  Аԥсны акультура аминистр аамҭала инапынҵақәа назыгӡо;

Аҟәа. Жәабранмза 15, 2024 шықәса. Аԥсныпресс. Гәдоуҭа ақалақь адәқьанқәа руак аҿы 4 860 цыра рҟынӡа Аԥсны акцизтә дыргақәа змамыз аҭаҭын аалыҵ рыԥшааит.

Аҳәынҭқарратә ҳазалхратә Еилакы аусзуҩцәа ироуз аоперативтә дырра ала имҩаԥыргаз аумҩаԥгатә  иалҵшәаны Гәдоуҭатәи аџьармыкьа иахьаҵанакуаз 4860 цыра инарзынаԥшуа Аԥсны акцизтә дыргақәа змамыз аҭаҭын аалыҵ ԥшааны рымхра мҩаԥган. Иарбоу атауар аҭира мҩаԥысуан ахәаахәҭратә обиект «Asorti Табак» аҿы.

Аҟәа. Жәабранмза 15, 2024 шықәса. Аԥсныпресс.  Урстәылатәи Афедерациаҟа аусуратә ҭаара аҳәаақәа ирҭагӡаны, Аԥсны агәабзиарахьчара аминистр Едуард Быҭәба Урыстәыла Ихымԥадатәиу Амедицинатә Ԥгаԥса Афонд ахантәаҩы Илиа Баланин диԥылеит.

Аганқәа ихымԥадатәиу амедицинатә ԥгаԥса аполис змоу Аԥсны атәылауаа ихымԥадатәиу амедицинатә ԥгаԥса апрограмма ала Урыстәылатәи Афедерациа асубиектқәа зегьы рыҟны технологиала иҳараку уахь иналаҵаны, зыҩаӡара ҳараку амедицинатә цхыраара рыҭара алыршара азҵаарақәа жәпакы ирылацәажәеит.