«Амч змоу азакәанԥҵара аԥҟарақәа инарықәыршәаны Урыстәыла Ашьаусеилыргаратә еилакы ахантәаҩы Ашьаусеилыргаратә усбарҭа хада ахантәаҩы анапынҵа ииҭеит Аԥсны иҟоу Урыстәыла атәылауаа рықәмақарреи рзинқәа реилагареи афакт ала ашьаусԥшааратә гәаҭара еиҿкаазарц. Агәаҭара шымҩаԥысуа аилак ахантәаҩы хаҭала дахылаԥшлоит", — лҳәеит лара.
Петренко иазгәалҭеит, аинформациатә хархәагақәа жәпакы рҿы адыррақәа шыҟоу Аԥсны ахадарахьы акандидатцәа руаӡәк иинтересқәа рзы аус зуа хаҿқәак аҭыԥантәи ауааԥсыра, Урыстәыла атәылауаҩра змоугьы уахь иналаҵаны, иалкаау политикатә мчрақәак ирыдгыларц шрыдырҵо. Уи адагьы, аерманцәа Аԥсни Урыстәылеи ртәылауаа рганахьала амч ахархәаразы амақаррақәа ҟаҵан.
"Урыстәылатәи Афедерациа Ашьаустә закәанеидкыла ахәҭаҷ 12 ахәҭа 2 инақәыршәаны, Урыстәылатәи Афедерациа анҭыҵ ацәгьоура ҟазҵаз аҳәаанырцәтә тәылауаа урыстәылатәи азакәанԥҵара анормақәа ирықәыршәаны ашьауӷатә ҭакԥхықәра иақәыршәазар ауеит Урыстәылатәи Афедерациа атәылауаҩ иганахьала ацәгьоура ҟарҵазар", — ҳәа инацылҵеит лара.
