Аҟәа. Ԥхынҷкәынмза 17, 2022 шықәса. Аԥсныпресс. Аԥсны Аҳәынҭқарра Ахада Аслан Бжьаниа иҟаиҵаз адҵала Аԥснынтәи Донбассҟа идәықәҵоуп изаамҭанытәиу агуманитартә цхыраара.

Уажәы 100 тоннак амандарин ала рыла ишьақәгылоу аидара Аԥсны жәлар рыхьӡала Ашықәс ҿыц азы Херсонсктәи, Донецктәи, Лугансктәи, Запорожсктәи аобласт аҟны инхо ахәыҷқәа ирызкуп.

Уи аԥхьа Аҟәа Ахақәиҭра ашҭаҿы Иҷыдоу аҭагылазаашьақәа рзы Аминистрра агуманитартә колонна дәықәҵан. Актәи апартиа Донбасс инеиуеит ԥхынҷкәынмза 19 рзы.

Урыстәыла акциа рҽаԥыршьраны иҟоуп Херсонск, Донецк, Луганск, Запорожсктәи аобласт аҟны аволонтиортә центрқәа аартны измоу урыстәылазегьтәи ауаажәларратә еиҿкаара «Молодаиа гвардиа» аволонтиорцәа.

Аҟәа. Ԥхынҷкәынмза 17, 2022 шықәса. Аԥсныпресс. Гал ақалақь акультура Аҩны аҟны иҟоу ахореографиатә ахәыҷтәы ансамбль «Самырзаҟан» Москва ақалақь аҿы имҩаԥысуаз жәларбжьаратәи ахореографиатә фестиваль-конкурс «Диагональ» аҿы гран-при анашьахеит.  Абри азы адырра ҟаҵоуп асоциалтә каҭақәа рҿы иҟоу ансамбль адаҟьа аҟны.

Ансамбль «Самырзаҟан» инанагӡеит «Аланаа рыкәашара», «Ашьхарыуаа рыкәашара», иара убас «Аԥсуа ныҳәатә кәашара».

Ансамбль асахьаркыратә напхгаҩы – Беслан Кобалиа. Ахореографцәа – Паата Хубулаа, Каха Цкәитариа, Зука  Џьынџьолиа, Викториа Баркаиа.

Аҟәа. Ԥхынҷкәынмза 23, 2022 шықәса. Аԥсныпресс. Жәлар Реизара-Апарламент аҿы имҩаԥысит аекономикатә политикеи ареформақәеи аинформациатә технологиқәеи рзы Аилак изаамҭанытәиу аилатәара.

Аилак аҟны иалацәажәеит Аԥсны Аҳәынҭқарра Ақалақьргыларатәи аргыларатәи Закәанеидкыла апроект. Ари апроект алацәажәара анаҩс Аилак алахәцәа азыӡба рыдыркылеит абри азакәан апроект Аԥсны Жәлар Реизара-Апарламент изаамҭанытәиу асессиа аилатәара амш азҵаара алаҵаразы, ахԥатәи аԥхьараан адкылара рабжьыргарц.

Иазгәаҳҭаԥ, 2017 шықәса хәажәкырамза 2 аҟнытә Аԥсны Жәлар Реизара-Апарламент Ақәҵарала азыӡба шрыдыркылаз ари азакәан апроект аԥхьарақәа ԥшьба рыҟны рыхаԥшразы. Аҩбатәи аԥхьараан  иара рыдкылан 2017 шықәса хәажәкырамза 2 рзы. 

Аилатәара амш азҵаара инақәыршәаны адепутатцәа ахәаԥшит «Аккредитациазы» азакәан апроект. Уи аззырхиаз ргәаанаграла, ари азакәан адкылара иалнаршоит атауар ашәарҭадареи ахаҭабзиареи ахә ашьара иадҳәалоу аџьармыкьатә еизыҟазаашьақәа акыр анырра анаҭоит.

Аҟәа. Ԥхынҷкәынмза 25, 2022 шықәса. Аԥсныпресс.  Аҟәатәи астадион «Динамо» аҿы 10 - 16 шықәса зхыҵуа ашьапылампыласыҩ қәыԥшцәа рԥышәахгара мҩаԥысит. Зынӡа аԥышәахгара рхы аладырхәуеит 300 – ҩык инарзынаԥшуа аспортсменцәа.

Аԥышәахгара Аҟәа ақалақь аҿы ҩымш имҩаԥыслоит, даҽа мышкы – Гагра ақалақь аҿы. Аԥышәахгара мҩаԥнагоит анаука, амедицина, аспорт аҿиара ацхыраара аҭара иазку икоммерциатәым аиҿкаара «Академия талантов».

Зтехникатә ҟазшьарбақәеи зыццакра-мчратә лшарақәеи иреиӷьу академиақәа рыстандартқәа ирықәшәо аспортсмен қәыԥшцәа зегьы рԥышәахгара аихшьаалақәа рыла инарҭбаау алкаа ҟаҵахоит.

Аҟәа. Ԥхынҷкәынмза 25, 2022 шықәса. Аԥсныпресс.  Гәдоуҭатәи аиқәԥаҩцәа Ԥхынҷкәынмза 23-24 рзы Кисловодск ақалақь аҿы имҩаԥысуаз арԥарцәа рыбжьара иаарту ашықәҿыцтәи атурнир аҿы аԥхьахәтә ҭыԥқәа ааныркылеит, ҳәа адырра ҟанаҵоит аҿари аспорти рзы аҳәынҭқарратә Еилакы.

Азыҟаҵаҩцәа Дауҭ Лазбеи Адам Цәеибеи актәи ҭыԥки аҩбатәи х-ҭыԥки ааныркылеит.

Аҟәа. Ԥхынҷкәынмза 24, 2022 шықәса. Аԥсныпресс. Аԥсны Жәлар Реизара – Апарламент Аиҳабы Лаша Ашәба Приднестровиатәи Молдавиатәи Ареспублика Иреиҳаӡоу Асовет Ахантәаҩы Александр Коршунов Приднестровиатәи Молдавиатәи Ареспублика Аконституциа амш идиныҳәалеит. 

Адныҳәаларатә цҳамҭа аҿы, ахәҭакахьала иазгәаҭоуп:

«Ҳаҭыр зқәу Александр Виктор-иԥа, Аԥсны Жәлар Реизара – Апарламент ахьӡала ишәыдысныҳәалоит Приднестровиатәи Молдавиатәи Ареспублика Аконституциа амш.

Аҟәа. Ԥхынҷкәынмза 24, 2022 шықәса. Аԥсныпресс. Бадра Гәынба атәылахьчаратә ҵакы змоу аобиектқәа рҭагылазаашьа ахәаԥшразы агәаҭаратә усмҩаԥгатә мҩаԥигеит

Аԥсны Аҳәынҭқарра Ахада Аслан Бжьаниа иҟаиҵаз адҵала Ахада Ихаҭыԥуаҩ Бадра Гәынба асабша, ԥхынҷкәынмза 24 рзы атәылахьчаратә ҵакы змоу аобиектқәа рҭагылазаашьа ахәаԥшразы анҭыҵтәи агәаҭаратә усмҩаԥгатә мҩаԥигеит.

Аҟәа. Ԥхынҷкәынмза 21, 2022 шықәса. Аԥсныпресс. Бадра Гәынба 1992-1993 шш. Аԥсны Аџьынџьтәылатә еибашьраҟны Аиааира амш 30 шықәса ахыҵра азгәаҭара аҽазыҟаҵара иазку Акомиссиа аилацәажәара мҩаԥигеит

Аҧсны Аҳәынҭқарра Ахада Ихаҭыԥуаҩ Бадра Гәынба 1992-1993 шш. Аԥсны Аџьынџьтәылатә еибашьраҟны Аиааира амш 30 шықәса ахыҵра азгәаҭара аҽазыҟаҵара иазку Акомиссиа аилацәажәара мҩаԥигеит.

Гәынба иазгәеиҭеит аусмҩаԥгатәқәа зегьы нҭырҳәыцааны рызхәыцра шаҭаху, Аԥсны жәлар рҭоурых аҟны акырӡа зҵазкуа арыцхә ишахәҭоу ишазгәаҭатәу.

Акомиссиа алахәцәа аусмҩаԥгатәқәа реиҿкаареи рымҩаԥгареи инарымаданы ажәалагалақәа ҟарҵеит..

Атәылахьчара аминистр Владимир Ануа иҳәеит аиубилеи нарҭбааны азгәаҭара шаҭаху.

«Иааиуа ашықәс азы Аиааира амш 30 ш. ахыҵра азгәаҳҭоит. Ари аиубилеи ԥаса аасҭа еиҳа инарҭбааны иазгәаҭатәуп ҳәа иҳаԥхьаӡоит, уи аҭакԥхықәрагьы ҳаднаҵоит. Ҳара Ахада ишҟа ашәҟәы ҳашьҭит ари азы хықәкыла иаҳҭаххо арбаны. Иҟаҳҵаз азыҳәара иақәнагоу адгылара аиуп ҳәа ҳгәы иаанагоит», – иҳәеит иара.

Акультура аминистр Даур Ақаҩба ишиҳәаз ала, Аиааира амш 30 шықәса ахыҵреи ахьыԥшымра 15 шықәса ахыҵреи разгәаҭара иазку аусмҩаԥгатәқәа рсиа азирхиеит

«Цәыббрамза 30 рзы иазԥхьагәаҭоуп атеатртә қәгыларақәа. Аибашьраан ашәақәа рацәаны иит аҟнытә урҭ рынагӡара ахьымҩаԥысуа аусмҩаԥгатә еиҿакҳкаауеит. Хатәгәаԥхаралатәи аибашьҩы имш иазкхоит ҳара ҳартистцәа реиԥш Аҩадатәи Кавказ ареспубликақәа рыҟнытә артистцәагьы злахәхо аусмҩаԥгатә, - иҳәеит Ақаҩба..

Акультура аминистрра ажәалагала ҟанаҵеит еиҭаҵуа ацәыргақәҵа «Афырхацәа ԥсӡом!», «Иаҳхшаҭӡом!», ахәыҷқәа рсахьаҭыхымҭақәа рзы аицлабра «Адунеи ахәыҷқәа рыблақәа рыла» аиҿкаара, Аԥсны асахьаҭыхҩцәа русумҭақәа рцәыргақәҵа-аицлабра, Актәи Ахада Владислав Арӡынба игәалашәара ахәылԥаз, 1993  шықәсазтәи Марттәи аоперациаан иҭахаз ргәалашәаразы Тамышьтәи адесант иалахәыз рфырхаҵара иазку аконцерт-ареквием, уб.егь.  Иара убас зметраж кьаҿу адокументалтә фильмқәа аибашьра иалахәыз ирзыкны. 

Аҟәа Администрациа ахада Беслан Ешба иазгәеиҭеит Аиааира 30 шықәса ахыҵра аҵак ду змоу хҭысуп аҟнытә, аусмҩаԥгатәқәа реиҳарак аҳҭнықалақь аҟны ишымҩаԥысуа. 

«Акультура аминистрреи ҳареи ҳусмҩаԥгатәқәа рымҩаԥгашьа еибаҳҳәоит еиԥшымхарц азы. Иазгәаҭоуп Ацҳа ҟаԥшь арҽеира, Амҳаџьырқәа рыԥшаҳәаҟны аусурақәа рхыркәшара», – иҳәеит Ешба.

Аҟәа. Ԥхынҷкәынмза 23, 2022 шықәса. Аԥсныпресс.  Жәлар Реизара-Апарламент аҟны имҩаԥысит Лаша Ашәбеи Ареспублика Никаргуа иҟоу Аԥсны Аҳәынҭқарра Аҷыдалкаатәи Азинмчы змоуи Ацҳаражәҳәаҩ Инар Ладариеи реиԥылара.  

Инар Ладариа Лаша Ашәба адырра ииҭеит Никарагуа Ареспублика аҟны иҟоу Аԥсны Аҳәынҭқарра Ацҳаражәҳәарҭа аусура аихшьалақәа ртәы. Урҭ алацәажәеит Ацҳаражәҳәарҭа аԥхьаҟатәи аусура атәы.

Инар Ладариа Лаша Ашәба изеиҭеиҳәеит Никарагуа Ареспублика Амилаҭтә Ассамблеиаҟны имҩаԥысыз аиԥыларақәа ртәы. Убри аан иара иазгәеиҭеит Никарагуа Ареспублика  адепутатцәа Аԥсны Аҳәынҭқарреи иареи рыбжьара аимадара ишазхиоу.

Ацҳаражәҳәаҩ Апарламент Аиҳабы адырра ииҭеит никарагуатәи адепутатцәа Аԥсны Аҳәынҭқарра Апарламент аҟны Никарагуа аиҩызаразы адепутаттә гәыԥ аԥҵара шырҭаху, ари аҩ-тәылак рзакәанԥҵаратә усбарҭақәа рыбжьара аимадара арӷәӷәареи еиуеиԥшым ахырхарҭақәа рыла аԥышәеимдареи излацхраауа ала.

Аԥсны Аҳәынҭқарра Апарламент Аиҳабы иганахьала иҳәеит Никарагуа Ареспубликеи Аԥсны Аҳәынҭқарреи рыбжьара апарламентбжьаратә усеицура арҿиара дшазхиоу.

Аҟәа. Ԥхынҷкәынмза 23, 2022. Аԥсныпресс.  Агәабзиарахьчара аминистр Едуард Быҭәба Ареспубликатә хәышәтәырҭа аҿы аиҭашьақәыргыларатә усурақәа рымҩаԥысшьа гәеиҭеит, ҳәа ианацҳауеит агәабзиарахьчара Аминистрра апресс-маҵзура.

Мышқәак рыԥхьа ахәышәтәырҭа аҿы ихыркәшахеит зхыԥхьаӡара акыр еиҳахаз акабинетқәа рҿы ҭеиҭыԥшлатәи аремонт. Уи аҟаҵара хықәкыс иамоу апациентцәа рчымазара ашьақәыргылареи амбулаториатә хәышәтәра рахгареи ахаҭабзиара ашьҭыхра ауп.

Иара убас, уи зусура ахаҭабзиара ҳараку аполиклиника ахәышәтәырҭа аҳақьымцәа  русура армариареи астационартә хәышәтәра азона аҭаара армаҷреи алнаршоит.

Ареспубликатә хәышәтәырҭа аҿы акорпус афымцамч ала аиқәыршәара анеиԥҟьо азы автономтә дизельқәа ҩба ыҟоуп. Ахылаԥшырҭа аҿы ирыӡбеит инацҵаны агәҽанызаара аарԥшны агәабзиарахьчара Аминистрра ацхыраарала ахԥатәи адизель ашьақәыргылара. Уи еиҭаҵуа шьақәгылагахоит.