Жьҭаарамза 1, 2023 шықәсанӡа «2024 шықәсазы ареспубликатә биуџьет азы» азакәан апроект аминистрцәа Реилазаара ахь ашьақәырӷәӷәаразы анашьҭра.  

Аҳәынҭқарратә абиуџьенҭыҵтәи афондқәа рнапхгараҭаратә усбарҭақәа жьҭаарамза 1, 2023 шықәсанӡа 2024 шықәсазы аҳәынҭқарратә абиуџьетнҭыҵтәи афондқәа рбиуџьетқәа апроектқәа  аминистрцәа Реилазаара ахь  рнагара алдыршароуп.

Аҭыԥантәи аҳәынҭқарратә напхгараҭара аусбарҭақәа иарбоу абиуџьетқәа реиқәыршәара иазку аусура аиҿкаареи жьҭаарамза 1, 2023 шықәса иахымгакәа  2024 шықәсазы иарбоу аҭыԥантәи абиуџьетқәа рышьақәырӷәӷәара азы аҭыԥантәи ахаланапхгаратә усбарҭақәа рыӡбамҭақәа аминистрцәа Реилазаара ахь анагара алнаршароуп.

Ахашәалахәқәа рнапхгараҭарақәа нанҳәамза 10, 2023 шықәсанӡа, ашәахтәқәеи аизгақәеи рзы Аминистрреи Аҳәынҭқарратә ҳазылхратә Еилаки уахь иналамҵакәа, 2024 шықәсазы анапхгараҭара зырҭо  ахашәалахәқәа рыхкқәа рзы азԥхьагәаҭаратә рбагақәа аминистрцәа Реилазаара ахь ашьақәырӷәӷәаразы анагара алнаршароуп.

Ашәахтәқәеи аизгақәеи Рминистрра нанҳәамза 22, 2023 шықәсанӡа 2024 шықәсазы Аԥсны асоциал-економикатә ҿиара Аиндикативтә план арбагақәа рышьаҭала  еиқәыршәоу Аҳәынҭқарратә биуџьет ахь ахашәалахәқәа ралагалара азԥхьагәаҭарақәа рыдгалара ахәҭоуп.  

Аҳәынҭқарратә ҳазылхратә Еилакы нанҳәамза 15, 2023 шықәсанӡа  2024 шықәсазы ареспубликатә биуџьет алагалара зыхәҭоу аҳазылхратә шәатәқәеи егьыҭ алагалақәеи разԥхьагәаҭа аиқәыршәареи  адгалареи ахәҭоуп.