Аҟәа. Ԥхынҷкәынмза 29, 2023 шықәса. Аԥсныпресс. Ашәахтәқәеи аизгақәеи рзы Аминистрреи Аҳәынҭқарратә ҳазалхратә Еилаки 2023 шықәсазы ахашәалахәқәа рзы аҳасабырба ҟарҵеит.

Ашәахтәқәеи аизгақәеи рзы Аминистрра адыррақәа рыла, ԥхынҷкәынмза 27 рзы, ашәахтәқәа ралагалара аплан  119 % рыла инагӡан, уи аицҵалыҵ  5 млрд. 126 млн. мааҭ рҟынӡа инаӡеит. Убри аан иазԥхьагәаҭаз арбагақәа реицҵалыҵ  4 млрд. 318 млн. мааҭ рҟынӡа инаӡон. Аминистрцәа Реилазаара аилатәара аҿы абри азы адырра ҟаиҵеит ашәахтәқәеи аизгақәеи рминистр Михаил Габелиа.

Аҟәа. Ԥхынҷкәынмза 29, 2023 шықәса. Аԥсныпресс. Ашәахтәқәеи аизгақәеи рзы Аминистрреи Аҳәынҭқарратә ҳазалхратә Еилаки 2023 шықәсазы ахашәалахәқәа рзы аҳасабырба ҟарҵеит.

Ашәахтәқәеи аизгақәеи рзы Аминистрра адыррақәа рыла, ԥхынҷкәынмза 27 рзы, ашәахтәқәа ралагалара аплан  119 % рыла инагӡан, уи аицҵалыҵ  5 млрд. 126 млн. мааҭ рҟынӡа инаӡеит. Убри аан иазԥхьагәаҭаз арбагақәа реицҵалыҵ  4 млрд. 318 млн. мааҭ рҟынӡа инаӡон. Аминистрцәа Реилазаара аилатәара аҿы абри азы адырра ҟаиҵеит ашәахтәқәеи аизгақәеи рминистр Михаил Габелиа.

Аҟәа. Ԥхынҷкәынмза 29, 2023 шықәса. Аԥсныпресс. Аԥсны аминистрцәа Реилазаара анапхгаратә аамҭа кьаҿ иҭагӡахо ахықәкытә программа  «2024 шықәсазы ақыҭанхамҩа аҿиаа» шьақәнарӷәӷәеит.

Убас ала, 2024 шықәсазы апрограмма анагӡара азы Ареспубликатә биуџьет аҟынтәи 150 миллион мааҭ азоужьра азԥхьагәаҭоуп. 2023 шықәсазы ари апрограмма афинансыркра 100 млн. мааҭ рҟынӡа инаӡон.

Аԥаратә хархәагақәа дәықәҵахоит абарҭ ахырхарҭақәа рыла:

- аҵиааӡара, шықәсыктәии шықәсырацәатәи аҵиаақәеи аҟәыҟәбаақәеи иаарту адгьыл аҿы реиҭаҳара;

- арахәааӡара аҿиара;

- аԥсыӡкра аусхкы аҿиара;

- аҵиаақәеи ақыҭанхамҩатә аалыҵқәеи аԥхасҭа зырҿио ахәаҷамаҷақәеи аҵиаатә чымазаақәеи рацәыхьчара, иара убас ақыҭанхамҩатә культурақәа  рыхьчара азы аусурақәа рымҩаԥгара, ақыҭанхамҩатә аалыҵ  аҭыжьреи аус адулареи  рзы аҭыжьра-техникатә база  аԥҵареи арҿиареи;

- ақыҭанхамҩатә техника аахәара (атракторқәа, амотоблокқәа, атехника иадыкнарҳауа амаругақәа, уҳәа убас иҵегьы);

Аҟәа. Ԥхынҷкәынмза 29, 2023 шықәса. Аԥсныпресс. Аминистрцәа Реилазаара 2024 шықәсазы анаркотикқәеи арҩышьыгатә маҭәашьарқәеи ралагалареи ралгареи рыҵәахреи рзы аквота шьақәнарӷәӷәеит.  

Алпразолам - 4,0 грамм;

Буторфанол - 20,0 грамм;

Диазепам - 700,0 грамм;

Кетамин - 2 700,0 грамм;

Клоназепам - 200,0 грамм;

Кодеин - 14,4 грамм;

Морфин – 800,0 грамм;

Натриа оксибутират (ГОМК) – 6000,0 грамм;

Прегабалин – 30 000,0 грамм;

Тебаин – 1,0 грамм;

Tримеперидин – 600,0 грамм;

Фенобарбитал – 1 500, 0 грамм; 

Фентанил – 75,0 грамм.

Иарбоу аӡбамҭа анагӡара ахылаԥшра аҭара агәабзиарахьчара Аминистрра иадҵоуп.

Аквотақәа амедицинатә, анаукатә, аҵаратә, аҭҵааратә  хықәкқәа, аексперттә усуреи аоператив-ԥшааратә усуреи аветеринариеи рҿы ахархәара зауа анаркотикқәеи арҩышьыгатә маҭәашьарқәеи рзы ишьақәырӷәӷәахоит. 

Аҟәа. Ԥхынҷкәынмза 29, 2023 шықәса. Аԥсныпресс. Аминистрцәа Реилазаара нанҳәамза 4, 2022 шықәсазы ирыдыркылаз  2022-2025 шықәсқәа рзы Аԥсны асоциал-економикатә ҿиараз апрограмма анагӡаразы Аԥсни Урыстәылеи рыбжьара Аиқәшаҳаҭра аԥсахрақәа рылагаларазы Аҳәынҭқарра Ахада  ажәадгала идгалазарц азы Ақәҵара рыдыркылеит.

Убас: Аԥкаанҵа иазыԥхьагәанаҭоит 2024 шықәсазы аҳәынҭусбарҭақәа хаз иго ркатегориақәак русзуҩцәа рхыԥхьаӡара ашьақәырӷәӷәара, иара убас урҭ рулафахәы ашьҭыхра.

Аиҭакрақәа ирыҵаркуеит агәабзиарахьчара, аҵарадырра, аҭҵаарадырра, акультура, аспорт, асоциалтә маҵзура русхк аҟны аус зуа аҳәынҭусбарҭақәа русзуҩцәа рулафахәы ашьҭыхра:

Аҟәа. Ԥхынҷкәынмза 29, 2023 шықәса. Аԥсныпресс. Аԥсны аминистрцәа Реилазаара Аԥсны Аҳәынҭқарреи Шьамтәылатәи Арабтәи Ареспубликеи ркультура Аминистрақәа рыбжьара аусеицуразы Аиқәшаҳаҭра азы аиҿцәажәарақәа рымҩаԥгареи анапаҵыҩреи иақәшаҳаҭхеит. 

Аиқәшаҳаҭра ахықәкы хаданы иҟоуп – аҩ-тәылак рмилаҭтә закәанԥҵарақәеи ирыбжьоу жәларбжьаратәи аиқәшаҳаҭрақәеи инарықәыршәаны аҟазареи акультуреи русхкқәа зегьы рҿы аҩганктәи аусеицура  аҿиареи аҳәаақәа рырҭбаареи.

Аҟәа. Ԥхынҷкәынза 29, 2023 шықәса. Аԥсныпресс. Аминистрцәа Реилазаара анапхгарабжьаратәи ахықәкытә программа «2024 шықәсазы адемографиа аҿиара» аиҭакрақәа аланагалеит.  

Убас, Аԥсны инхо аҭаацәара аԥсуа милаҭ иеиуоу актәи, аҩбатәи, ахԥатәи ахәыҷы ииразы зныктәи аԥарашәара рзыҟаҵара 100 нызықь мааҭ рҟынӡа инаӡалоит;  аԥшьбатәии ишьҭанеиуеи ахәыҷқәа рзы – 200 нызықь мааҭ.

Аҟәа. Ԥхынҷкәынмза 29, 2023 шықәса. Аԥсныпресс.  Аҳәынҭқарра Ахада иҭижьыз Аусԥҟа ала Џьансыхә Нанба Аԥсны аенергетикеи атранспорти рминистрс дҟаҵоуп.

Аусԥҟа анапаҵыҩра мҩаԥысит ԥхынҷкәынмза 29, 2023 шықәсазы.  

Аҟәа. Ԥхынҷкәынмза 29, 2023 шықәса. Аԥсныпресс.  Иааиуа ашықәсҿыцтәи аныҳәақәа инарымаданы, апиротехникатә аалыҵқәа реикәыршара, рыҵәахра, рыларҵәара, рхархәара, уҳәа аусхкқәа рҿы азинеилагарақәа рыԥхьырҟәҟәаара азы ауааԥсыра ргәырҽанҵара иазкны Аԥсны Иҷыдоу аҭагылазаашьақәа рзы Аминистрра аҳәынҭқарратә абылрацәыхьчаратә хылаԥшра Аҟәа ақалақь аҿы апиротехника ахьырҭиуа аобиектқәа ргәаҭарақәа мҩаԥнагоит.  

Агәаҭарақәа мҩаԥысуеит Аҟәа ақалақь аҿы иҟоу аобиектқәа рҿы, аџьармыкьа хада, аҵакырагьы уахь иналаҵаны, ҳәа адырра ҟанаҵоит Иҷыдоу аҭагылазаашьақәа рзы Аминистрра апресс-маҵзура.

Аҟәа. Ԥхынҷкәынмза 29, 2023 шықәса. Аԥсныпресс.  Апарламент «Ареспублика Аԥсны Амилаҭтә Банк адәныҟатәи аудит амҩаԥгара аиҿкааразы» Ақәҵара рыдыркылеит.

Апарламент Аԥсны абанк адәныҟатәи аудит амҩаԥгаразы иалнахит аудиттә еиҿкаара Зҭакԥхықәра Ҳәаақәҵоу Аилазаара «ФБК». Уи 30 шықәса иреиҳаны аудит-консалдингтә џьармыкьа аҿы аус ауеит. ЗҲәА «ФБК» Аԥсны Абанк аҿы аусура аԥышәа амоуп.  Аилазаара Аԥсны Абанк 2011, 2012, 2014, 2017, 2019 шш. рзы афинанстә ҳасабырбара  аудит мҩаԥнагон.  Аилазаара «ФБК» иарбоу аусхкы аҿы аԥышәа бзиа змоу аспециалистцәа еиднакылоит.

Аилазаара имҩаԥнаго амаҵзурақәа рыхәԥса – 1 млн 800 нызықь мааҭ. (ашәҟәынҵатә харџьқәа уахь иналаҵаны).