«Акультура аԥыхра ахаангьы изыҟалаӡом –адиалог иацҵахоит, — ҳәа иажәахә аҿы иазгәеиҭет Амедиаконгресс «Содружество журналистов» ахантәаҩы Ашот Џьазоиан.

Ацәыргақәҵа аартра ацеремониа аҿы адизаинер ҿарацәа атәыла-лахәылацәа рмилаҭтә мотивқәа зну автортә костиумқәа рыдгалара мҩаԥыргеит.   Аусумҭақәа равторцәа — Санкт-Петербургтәи ааглыхратә технологиақәеи адизаини рзы аҳәынҭқарратә университет астудентцәа роуп. Ермитажтәи атеатр аҿы имҩаԥысит зметраж кьаҿу афильмқәа, аниамациатә фильмқәеи ателехәаԥшратә программақәеи, «Евразиа. Адиалог иҿыцу абиԥара» ҳәа хыс измоу  аблогқәеи рӡыргара.  

Аӡыргара апрограмма иалагалан 23 фильм. Урҭ рхыԥхьаӡараҿы иҟоуп адокументалтә фильмқәа: «Прошлое и настоящее: Археология ЮОГУ» -автор - Арина Габараева (Аахыҵ Уаԥстәыла); «Русское в Австрии» - автор - Никола Марич (Австриа); «По следам Петра Великого» - автор - Бошко Козарски (Сербиа); «Голос Великих - автор - Мхитар Серобиан (Ермантәыла); «Наш Прокофьев»- автор -  Анна Дорофеева (Донецк), уҳәа убас иҵегьы.

Афорум аусура аҩбатәи амш ахыркәшамҭаз лаԥшылатәи апроектқәа «Евразия. Новое поколение диалога», иара убас апроект «Посвящение в друзья Эрмитажа» равторцәа адипломқәа ранашьара мҩаԥысит. Афорум аусура рхы аладырхәуеит аԥснытәи ажурналистцәа.