Аҟәа. Ԥхынҷкәынмза 30, 2023 шықәса. Аԥсныпресс. Азинхьчаратә усбарҭақәа иааныркылеит хҩык Узбекьысҭан атәылауаа.  Дара зегьы анаҩс аҭира хықәкыс иҟаҵаны зыкапан рацәоу анаркотикатә маҭәашьарқәа изакәанымкәа рыиагареи рыҵәахреи рзы ахара рыдҵоуп.  

Зыкапан рацәоу анаркотикатә маҭәашьар идырбалеит 2001 шықәсазы ииз Абдуллаев Акмалџьон Адхамџьон-иԥа.

Акмалџьон Абдуллаев  анаркотикатә маҭәашьар шимаз дааныркылеит Ешыра ақыҭан.

Хаҭала игәаҭараан иаанкылаз хыхьтәи ишәҵатәы аџьыба иҭыргеит аиҵәа ԥштәы змоу апакет иҭаз, аҭиразы ирхиаз 56 еилаҳәара.  Атәыла аҩныҵҟатәи аусқәа Рминистрра аексперт-криминалисттә Центр аҿы имҩаԥгаз аҭҵаара ишаҳнарбаз ала, уи «метадон» ҳәа изышьҭоу анаркотикатә маҭәашьар акәын.

Иара убас ишьақәыргылахеит Акмалџьон Абдуллаев Гәымсҭа ақыҭан имаӡоу аҭаҵәах шыҟаиҵахьаз. Аҭыԥ агәаҭараан ареспубликатә трасса иаваршәны амилициа аусзуҩцәа ирыԥшааит анаркотикатә маҭәашьар згәылаҳәаз аилаҳәара.

Акмалџьон Абдуллоев дахьынхоз ауада аҿы ирыԥшааит ахаҵа иарҭмаҟ, уи иҭан анаркотикатә маҭәашьар згәылаз 16 еилаҳәара.  

Амилициа аусзуҩцәа Гагра ақалақь, Абазгааи Адыгааи рымҩеихысырҭа  аҿы ирыԥшааит анаркотикатә маҭәашьар згәылаҳәаз даҽа 5 еилаҳәарак.  

Акмалџьон  Абдуллаев имхыз «метадон» ҳәа изышьҭоу анаркотикатә маҭәашьар азеиԥш капан 22 грамм рҟынӡа инаӡоит.

Акмалџьон Абдуллаев дҭакуп.

Аҩныҵҟатәи аусқәа Рминистрра Анаркотикатә маҭәашьарқәа реикәыршареи рхылаԥшреи рзы Аусбарҭеи Гәылрыԥшь араион аҩныҵҟатәи аусқәа Русбарҭа ашьаусԥшааратә ҟәшеи русзуҩцәа дааныркылеит 1999 шықәсазы ииз Тошпулатова Гуллакхон Инобиддин-кизи.

Хаҭала лгәаҭараан иаанкылаз аԥҳәыс илымаз аполиетилентә пакет иҭаз, анаркотикатә маҭәашьар «метадон» згәылаҳәаз 22 еилаҳәара лхала ицәырылгеит.

Гуллакхон Тошпулатова Аҟәа ақалақь аҿы имаӡоу аҭаҵәахқәа рыҟаҵарала анаркотикатә маҭәашьарқәа рыларҵәара мҩаԥылгон. Аҟәа ақалақь, Адлеиба имҩала игылоу хә-еихагылак змоу аҩнеихагыла аҩналарҭа №2 аҿы амилициа аусзуҩцәа  ирыԥшааит «метадон» згәылаҳәаз  даҽа 33 еилаҳәара.  

Гуллакхон Тошпулатова илыдырбалаз, анаҩс илымхыз анаркотикатә маҭәашьарқәа рзеиԥш капан  41,65 грамм рҟынӡа инаӡоит.

Аҟәа. Ԥхынҷкәынмза  30, 2023 шықәса. Аԥсныпресс. Урыстәылатәи Афедерациа Аиҳабыра Ахантәаҩы Михаил Мишустин Аԥсны Аҳәынҭқарра Ахада Аслан Бжьаниа иааиуа Ашықәс ҿыци Қьырса ныҳәеи идиныҳәалеит.

Аҟәа. Ԥхынҷкәынмза 30, 2023 шықәса. Аԥсныпресс.  Имҩаԥысит Аԥсны Аҳәынҭқарра Ахада Аслан Бжьаниеи Урыстәылатәи Афедерациа адәныҟатәи аусқәа рминистр Сергеи Лаврови ҭелла реицәажәара. Сергеи Лавров Аслан Бжьаниа Ашықәс ҿыц идиныҳәалеит.

Аиҿцәажәараан Сергеи Лавров Аслан Бжьаниа иааиуа Ашықәс Ҿыци Қьырса ныҳәеи идиныҳәалеит, изеиӷьеишьеит агәабзиара, аизҳазыӷьара. Адәныҟатәи аусқәа рминистр иҳәеит 2024 шықәсазы аԥсны-урыстәылатәи аизыҟазаашьақәа аҩ-ҳәынҭқаррак рыхьӡала рыҿиара иацҵахоит ҳәа агәыӷра шимоу. 

Аҟәа. Ԥхынҷкәынмза 29, 2023 шықәса. Аԥсныпресс. Амаининг-ферма ду рыԥшааит Акәасқьа ақыҭан Очамчыра араион аҩныҵҟатәи аусқәа Рыҟәша аусзуҩцәеи аҳәынҭстандарт ахаҭарнакцәеи АУН «Амшынеиқәафымцамчи» Аԥсны аҳәынҭқарратә ҳазалхратә Еилаки русзуҩцәеи еицны имҩаԥыргаз аопертив-профилактикатә усмҩаԥгатәқәа ирыбзоураны.

Аҟәа. Ԥхынҷкәынмза 30, 2023 шықәса. Аԥсныпресс. Ф.Искандер ихьӡ зху Аҳәынҭқарратә драматә аурыс театр ҩы-шықәса инеиԥынкыланы ԥхынҷкәынмза 31 рзы ахәаԥшцәа ашықәсҿыцтәи ахәылԥаз атеатр аҿы амҩаԥгаразы ааԥхьара рнаҭоит.

Ԥхынҷкәынмза 31, 17 сааҭ рзы атеар актиорцәа атеатр абзиабаҩцәа рахь  ҭаацәашәала 2024-тәи Ашықәс ҿыц иаԥылаанӡа  атеатр акомедиатә хит «Примадонны» абареи хра злоу аемоциақәа раиуреи рзы атеатр иаҭаарц азы ааԥхьара ҟарҵоит.

Даара ауаҩы игәалаҟазаара шьҭызхуа, иччарху акомедиа 2-қәгыларак рыла ишьақәгылоуп. Уи иқәиргылеит арежисиор Сергеи Ефремов. Иара абар шьҭа фы-шықәса инеиԥынкыланы аншлаг аманы имҩаԥысуеит.

Аҟәа. Ԥхынҷкәынмза 30, 2023 шықәса. Аԥсныпресс. Ф.Искандер ихьӡ зху Аҳәынҭқарратә драматә аурыс театр ҩы-шықәса инеиԥынкыланы ԥхынҷкәынмза 31 рзы ахәаԥшцәа ашықәсҿыцтәи ахәылԥаз атеатр аҿы амҩаԥгаразы ааԥхьара рнаҭоит.

Ԥхынҷкәынмза 31, 17 сааҭ рзы атеар актиорцәа атеатр абзиабаҩцәа рахь  ҭаацәашәала 2024-тәи Ашықәс ҿыц иаԥылаанӡа  атеатр акомедиатә хит «Примадонны» абареи хра злоу аемоциақәа раиуреи рзы атеатр иаҭаарц азы ааԥхьара ҟарҵоит.

Даара ауаҩы игәалаҟазаара шьҭызхуа, иччарху акомедиа 2-қәгыларак рыла ишьақәгылоуп. Уи иқәиргылеит арежисиор Сергеи Ефремов. Иара абар шьҭа фы-шықәса инеиԥынкыланы аншлаг аманы имҩаԥысуеит.

Асиужет ала, актиорцәа Џьамбул Жорданиеи Емиль Петрови зроль нарыгӡо џьара аус зымуа ҩыџьа актиорцәа агазеҭ ала амал ду змоу ҭакәажәык акыр шықәса раԥхьа иӡхьаз  лмал ззаанлыжьша илыуоу аҳәса шылыԥшаауа атәы еилыркаауеит. Актиорцәа аҳәса ракушәа рҽааиҭакны амиллионқәа ргара иазкны аус аиларҽаҽара иалагоит.

Аҟәа. Ԥхынҷкәынмза 30, 2023 шықәса. Аԥсныпресс. Атәылахьчара Аминистрра Аҟәатәи Иреиҳаӡоу азеиԥш-арратә командаҟаҵаратә Ҵараиурҭа арратәии атәылауаҩратәи аперсонал иҭацәу амаҵураҭыԥқәа раанкыларазы аконкурс шымҩаԥгахо азы алаҳәара ҟанаҵоит. 

Азанааҭ – «аоператив-тактикатә».

Аконкурс иахысуа рахь дҵас иқәыргылахоит: иреиҳаӡоу азанааҭҵара амазаара, аҵараиурҭа аҿы аҵара-методикатә усура аԥышәа амазаара. Акандидат хәы-шықәса иреиҵамкәа арратә маҵзура аԥышәа имазар ахәҭоуп, абаталион аҿы еиԥш егьырҭ иреиҳау архәҭақәа рҿы акомандаҟаҵаратәи аштабтәи амаҵзурақәа дырхысхьазароуп.

Аҟәа. Ԥхынҷкәынмза 29, 2023 шықәса. Аԥсныпресс. Аҳәынҭқарратә ҳазалхратә Еилакы аусзуҩцәа аҳәынҭқарратә ҳәаа аԥыԥшырҭа «Ԥсоу» аҿы 4 200 цыра асигареҭ (210 аҭаҭынҭра)  аиагара ԥхьдырҟәҟәааит. Уи аԥхьа абаџьқәҵарадатә хәаахәҭра адәқьан Duty Free аҿы иаахәаз асигареҭқәа анапылеидарала аиагара иҽазишәеит Аԥсны Аҳәынҭқарра атәылауаҩ Чанба Иу. Х., ҳәа адырра ҟанаҵоит Аҳәынҭқарратә ҳазалхратә Еилакы аофициалтә саит.

Аҟәа. Ԥхынҷкәынмза 29, 2023 шықәса. Аԥсныпресс. 800 млн. мааҭ иреиҳаны Аԥсны иашәеит афымцамч Урыстәылантәи аагара азы, ҳәа ԥхынҷкәынмза 29 рзы имҩаԥысыз аминистрцәа Реилазаара аилатәара аҿы дықәгыло адырра ҟалҵеит атәыла аԥыза-министр ихаҭыԥуаҩ, аекономика аминистр Кристина Озган.  

Сынтәа афымцамч ахархәара амҽхак  312 млн кВт/с.рыла еиҵахеит.

Кристина Озган лажәақәа рыла, зынӡа ишьақәыгылаз афымцамч ахархәара арбагатә приборқәа рзеиԥш хыԥхьаӡара  22  238  цыра рҟынӡа инаӡоит.

«Ахархәара зауз афымцамч азы ашәатәқәа рзеиԥш еицҵалыҵ  928 млн. мааҭ рҟынӡа инаӡоит. 2022 шықәсазы  аиԥш-зеиԥшу аамҭахәҭа азы уи 552 млн. мааҭ рҟынӡа инаӡон»  , – ҳәа илҳәеит атәыла аекономика аминистр.

Аҟәа. Ԥхынҷкәынмза 29, 2023 шықәса. Аԥсныпресс. Аԥсны аиустициа Аминистрреи аҩныҵҟатәи аусқәа Рминистрра аусбарҭақәеи рыблнкқәа рыхәԥса шьҭыххоит.

АҬААР аҿы ирыҭахо аршаҳаҭгақәа рыхәԥса уаанӡа 120 мааҭ иреиҳаӡамызт.

Аҭаацәара алалара азы аршаҳаҭга абланк ахәԥса 1000 мааҭ рҟынӡа инаӡеит.

Хаҵеи ԥҳәыси реилыҵра азы аршаҳаҭга ахәԥса шьҭарнахыс 2500 мааҭ рҟынӡа инаӡалоит.  

Ажәла, ахьӡ, абхьӡ, амилаҭра аԥсахразы аршаҳаҭга – 1000 мааҭ ирклоит.