Аҟәа. Ԥхынҷкәынмза 29, 2023 шықәса. Аԥсныпресс. Иахьазы Аԥсны абиуџьет ахатәы хашәалахәытә хәҭа 9 млрд. 700 млн. мааҭ рҟынӡа инаӡоит, ҳәа имҩаԥысыз аминистрцәа Реилазаара аилатәара аҿы дықәгыло адырра ҟаиҵеит атәыла афинансқәа рминистр Владимир Делба.  

Ари акыр зҵазкуа ацлара ауп, уи ҳара адефицит ахәҭак ахарҭәаара ҳалнаршеит. 2023 шықәсазы адефициат афинансыркра ахыҵхырҭа аҳасабала ҳара Амилаҭтә банк аԥаратә хархәагақәа адаҳгалеит, аха урҭ реицҵалыҵ митәык идуум аоперативла аныхтәқәа хырҩартә еиԥш.  Мызкы аҽҳәара аманы иадаҳгалеит, ажьырныҳәамзазы иҳаргьежьуеит», – ҳәа иҳәеит иара.

Аҟәа. Ԥхынҷкәынмза 29, 2023 шықәса. Аԥсныпресс. Апарламент адепутатцәа аҩбатәии аҵыхәтәантәии аԥхьарақәа раан ирыдыркылеит «2024 шықәсазы Ареспубликатә биуџьет азы» азакәан апроект.  Ԥхынҷкәынмза 29 рзы имҩаԥысыз Апарламент асессиа аилатәара иалахәыз рҟынтәи 25-ҩык адепутатцәа ақәшаҳаҭхеит.

2024 шықәсазы Ареспублика Аԥсны Аҳәынҭқарратә биуџьет апараметрқәа абас ала ишьақәгылоит:

- ахашәалахәқәа рыла – 15 млрд. 526 млн. 893,4 нызықь мааҭ;

- аныхтәқәа рыла – 16 млрд. 273 млн. 010,7 нызықь мааҭ, Аҳәынҭқарратә биуџьет адефицит – 746 млн. 117,3 нызықь мааҭ.

2024–тәи ашықәс азы Ареспубликатә биуџьет апараметрқәа абас ала ишьақәгылоит:

- ахашәалахәқәа рыла – 12 млрд. 097 млн. 184,9 нызықь мааҭ;

- аныхтәқәа рыла – 12 млрд. 832 млн. 852,5 нызықь мааҭ;

- 2024 шықәсазы ареспубликатә биуџьет адефицит ахышәа-ҵышәа – 735  млн. 667,6 нызықь мааҭ рҟынӡа инаӡоит.  

2024 шықәсазы Урыстәылатәи Афедерациа Аԥсны иазыҟанаҵо афинанстә цхыраара абас ала ишьақәгылоит:

- асоциал-економикатә ҿиара азы 3 млрд. 900 млн. 732,7 нызықь мааҭ;  

Аҟәа. Ԥхынҷкәынмза 29, 2023 шықәса. Аԥсныпресс. Ашәахтәқәеи аизгақәеи рзы Аминистрреи Аҳәынҭқарратә ҳазалхратә Еилаки 2023 шықәсазы ахашәалахәқәа рзы аҳасабырба ҟарҵеит.

Ашәахтәқәеи аизгақәеи рзы Аминистрра адыррақәа рыла, ԥхынҷкәынмза 27 рзы, ашәахтәқәа ралагалара аплан  119 % рыла инагӡан, уи аицҵалыҵ  5 млрд. 126 млн. мааҭ рҟынӡа инаӡеит. Убри аан иазԥхьагәаҭаз арбагақәа реицҵалыҵ  4 млрд. 318 млн. мааҭ рҟынӡа инаӡон. Аминистрцәа Реилазаара аилатәара аҿы абри азы адырра ҟаиҵеит ашәахтәқәеи аизгақәеи рминистр Михаил Габелиа.

Аҟәа. Ԥхынҷкәынмза 29, 2023 шықәса. Аԥсныпресс. Ашәахтәқәеи аизгақәеи рзы Аминистрреи Аҳәынҭқарратә ҳазалхратә Еилаки 2023 шықәсазы ахашәалахәқәа рзы аҳасабырба ҟарҵеит.

Ашәахтәқәеи аизгақәеи рзы Аминистрра адыррақәа рыла, ԥхынҷкәынмза 27 рзы, ашәахтәқәа ралагалара аплан  119 % рыла инагӡан, уи аицҵалыҵ  5 млрд. 126 млн. мааҭ рҟынӡа инаӡеит. Убри аан иазԥхьагәаҭаз арбагақәа реицҵалыҵ  4 млрд. 318 млн. мааҭ рҟынӡа инаӡон. Аминистрцәа Реилазаара аилатәара аҿы абри азы адырра ҟаиҵеит ашәахтәқәеи аизгақәеи рминистр Михаил Габелиа.

Аҟәа. Ԥхынҷкәынмза 29, 2023 шықәса. Аԥсныпресс. Аԥсны аминистрцәа Реилазаара анапхгаратә аамҭа кьаҿ иҭагӡахо ахықәкытә программа  «2024 шықәсазы ақыҭанхамҩа аҿиаа» шьақәнарӷәӷәеит.

Убас ала, 2024 шықәсазы апрограмма анагӡара азы Ареспубликатә биуџьет аҟынтәи 150 миллион мааҭ азоужьра азԥхьагәаҭоуп. 2023 шықәсазы ари апрограмма афинансыркра 100 млн. мааҭ рҟынӡа инаӡон.

Аԥаратә хархәагақәа дәықәҵахоит абарҭ ахырхарҭақәа рыла:

- аҵиааӡара, шықәсыктәии шықәсырацәатәи аҵиаақәеи аҟәыҟәбаақәеи иаарту адгьыл аҿы реиҭаҳара;

- арахәааӡара аҿиара;

- аԥсыӡкра аусхкы аҿиара;

- аҵиаақәеи ақыҭанхамҩатә аалыҵқәеи аԥхасҭа зырҿио ахәаҷамаҷақәеи аҵиаатә чымазаақәеи рацәыхьчара, иара убас ақыҭанхамҩатә культурақәа  рыхьчара азы аусурақәа рымҩаԥгара, ақыҭанхамҩатә аалыҵ  аҭыжьреи аус адулареи  рзы аҭыжьра-техникатә база  аԥҵареи арҿиареи;

- ақыҭанхамҩатә техника аахәара (атракторқәа, амотоблокқәа, атехника иадыкнарҳауа амаругақәа, уҳәа убас иҵегьы);

Аҟәа. Ԥхынҷкәынмза 29, 2023 шықәса. Аԥсныпресс. Аминистрцәа Реилазаара 2024 шықәсазы анаркотикқәеи арҩышьыгатә маҭәашьарқәеи ралагалареи ралгареи рыҵәахреи рзы аквота шьақәнарӷәӷәеит.  

Алпразолам - 4,0 грамм;

Буторфанол - 20,0 грамм;

Диазепам - 700,0 грамм;

Кетамин - 2 700,0 грамм;

Клоназепам - 200,0 грамм;

Кодеин - 14,4 грамм;

Морфин – 800,0 грамм;

Натриа оксибутират (ГОМК) – 6000,0 грамм;

Прегабалин – 30 000,0 грамм;

Тебаин – 1,0 грамм;

Tримеперидин – 600,0 грамм;

Фенобарбитал – 1 500, 0 грамм; 

Фентанил – 75,0 грамм.

Иарбоу аӡбамҭа анагӡара ахылаԥшра аҭара агәабзиарахьчара Аминистрра иадҵоуп.

Аквотақәа амедицинатә, анаукатә, аҵаратә, аҭҵааратә  хықәкқәа, аексперттә усуреи аоператив-ԥшааратә усуреи аветеринариеи рҿы ахархәара зауа анаркотикқәеи арҩышьыгатә маҭәашьарқәеи рзы ишьақәырӷәӷәахоит. 

Аҟәа. Ԥхынҷкәынмза 29, 2023 шықәса. Аԥсныпресс. Аминистрцәа Реилазаара нанҳәамза 4, 2022 шықәсазы ирыдыркылаз  2022-2025 шықәсқәа рзы Аԥсны асоциал-економикатә ҿиараз апрограмма анагӡаразы Аԥсни Урыстәылеи рыбжьара Аиқәшаҳаҭра аԥсахрақәа рылагаларазы Аҳәынҭқарра Ахада  ажәадгала идгалазарц азы Ақәҵара рыдыркылеит.

Убас: Аԥкаанҵа иазыԥхьагәанаҭоит 2024 шықәсазы аҳәынҭусбарҭақәа хаз иго ркатегориақәак русзуҩцәа рхыԥхьаӡара ашьақәырӷәӷәара, иара убас урҭ рулафахәы ашьҭыхра.

Аиҭакрақәа ирыҵаркуеит агәабзиарахьчара, аҵарадырра, аҭҵаарадырра, акультура, аспорт, асоциалтә маҵзура русхк аҟны аус зуа аҳәынҭусбарҭақәа русзуҩцәа рулафахәы ашьҭыхра:

Аҟәа. Ԥхынҷкәынмза 29, 2023 шықәса. Аԥсныпресс. Аԥсны аминистрцәа Реилазаара Аԥсны Аҳәынҭқарреи Шьамтәылатәи Арабтәи Ареспубликеи ркультура Аминистрақәа рыбжьара аусеицуразы Аиқәшаҳаҭра азы аиҿцәажәарақәа рымҩаԥгареи анапаҵыҩреи иақәшаҳаҭхеит. 

Аиқәшаҳаҭра ахықәкы хаданы иҟоуп – аҩ-тәылак рмилаҭтә закәанԥҵарақәеи ирыбжьоу жәларбжьаратәи аиқәшаҳаҭрақәеи инарықәыршәаны аҟазареи акультуреи русхкқәа зегьы рҿы аҩганктәи аусеицура  аҿиареи аҳәаақәа рырҭбаареи.

Аҟәа. Ԥхынҷкәынза 29, 2023 шықәса. Аԥсныпресс. Аминистрцәа Реилазаара анапхгарабжьаратәи ахықәкытә программа «2024 шықәсазы адемографиа аҿиара» аиҭакрақәа аланагалеит.  

Убас, Аԥсны инхо аҭаацәара аԥсуа милаҭ иеиуоу актәи, аҩбатәи, ахԥатәи ахәыҷы ииразы зныктәи аԥарашәара рзыҟаҵара 100 нызықь мааҭ рҟынӡа инаӡалоит;  аԥшьбатәии ишьҭанеиуеи ахәыҷқәа рзы – 200 нызықь мааҭ.

Аҟәа. Ԥхынҷкәынмза 29, 2023 шықәса. Аԥсныпресс.  Аҳәынҭқарра Ахада иҭижьыз Аусԥҟа ала Џьансыхә Нанба Аԥсны аенергетикеи атранспорти рминистрс дҟаҵоуп.

Аусԥҟа анапаҵыҩра мҩаԥысит ԥхынҷкәынмза 29, 2023 шықәсазы.