Аҟәа. Ԥхынҷкәынмза 4, 2023 шықәса. Аԥсныпресс.   Аԥсны Жәлар Реизара-Апарламент Аиҳабы Лаша Ашәба адепутатцәа рыхьӡала Аԥсны Аҳәынҭқарратә шәарҭадара амаҵзура Ахантәаҩы Ҭемыр Ахьибеи Амаҵзура аусзуҩцәеи рзанааҭтә ныҳәа – Ареспублика Аԥсны аҳәынҭқарратә шәарҭадара Амаҵзура Амш рыдиныҳәалеит.

Адныҳәалараҟны иҳәоуп:   «Ҳаҭыр зқәу Ҭемыр Иасыф-иԥа! Ҳаҭыр зқәу Аԥсны Аҳәынҭқарратә шәарҭадара Амаҵзура аусзуҩцәа! Аԥсны Жәлар Реизара – Апарламент ахьӡала ишәыдысныҳәалоит шәзанааҭтә ныҳәа – Ареспублика Аԥсны аҳәынҭқарратә шәарҭадара Амаҵзура Амш. Ареспублика Аԥсны аҳәынҭқарратә шәарҭадара Амаҵзура аусзуҩцәа есымша хьыӡла-ԥшала рыуаажәларратәи рырратәи ауалԥшьа нарыгӡон  – 1992–1993 шш. Аԥсны жәлар Рџьынџьтәылатәи еибашьра анцоз ԥхьаҟатәи аԥеиԥш иадҳәалаз аамҭа азы еиԥш, акыр иуадаҩуз аибашьрашьҭахьтәи аамҭазгьы. Иахьагьы Ареспублика Аԥсны аҳәынҭқарратә шәарҭадара Амаҵзура аусзуҩцәа иҳараку аҩаӡараҿы аҳәынҭқарратә интересқәа рыхьчара иазку ауснагӡатәқәа нарыгӡоит. Аҳәынҭқарратә шәарҭадара Амаҵзура аусзуҩцәа рнапы иану амаҵура хыԥхьаӡара рацәала ашәарҭара ацуп. Иҭабуп ҳәа раҳҳәарц ҳҭахуп аветеранцәа, ҳазҭагылоу аамҭазы аусбарҭаҟны знапынҵақәа қәҿиарала иназыгӡо аусзуҩцәа. Иахьа шәара ишәымоу аԥышәеи ҳаамҭазтәи аметодқәеи шәхы иархәаны ҳҳәынҭқарра ашәарҭадара шәахылаԥшуеит», ҳәа иаҳәоит адныҳәалара атекст аҿы.

Аҟәа. Ԥхынҷкәынмза 4, 2023 шықәса. Аԥсныпресс. Амҽыша, ԥхынҷкәын 3 рзы Очамчыра араион Гәыԥ ақыҭан ҩбаны еихагылаз ахатәыҩны амца акит.

«Абылра шыҟалаз азы Иҷыдоу аҭагылазаашьақәа рзы Аминистрра ашҟа адырра ҟалеит 14 сааҭи 37 минуҭи рзы.  Амцарцәаҩцәа аҭыԥ ахь ианнеи аамҭазы аҩны аҩбатәи аихагылеи уи иаҿаԥшьыз ахыбреи амца амҽханакхьан. Амца дырцәон Очамчыра араион абылрацәыхьчаратә хәҭеи Ҭҟәарчал араион абылрацәыхьчаратә хәҭеи рҟынтәи  агәыԥқәа ҩба», - ҳәа адырра ҟанаҵоит Иҷыдоу аҭагылазаашьақәа рзы Аминистрра апресс-маҵзура.

Иҟалаз амашәыр иахҟьаны 22 шықәса зхыҵуа ахаҵа дҭахеит. Иҟалаз абылра зыхҟьаз аилкаара иаҿуп. 

Аҟәа. Ԥхынҷкәынмза 6, 2023 шықәса. Аԥсныпресс. Жәларбжьаратәи аинтеллектуалтә конкурс «Амҩақәа зегьы МАДИ ахь ихоуп!» алахәхаразы азыҳәамҭақәа рыдкылара мҩаԥысуеит, ҳәа адыра ҟанаҵоит Аԥсны аҵарадырра Аминистрра.

Аконкурс алахәхаразы ааԥхьара рыҭахоит ашколқәа, агмназиақәа, алицеиқәа аушьҭратә классқәа рҵаҩцәа, аколлеџьқәеи атехникумқәеи рыстудентцәа, иара убас аҳәаанырцәтәи ауниверситетқәа роушьҭымҭацәа.

Аиааира згаз Москватәи Автомамашьына-мҩатә аҳәынҭқарратә техникатә Институт (МАДИ) абакалавриат, аспециалитет, амагистратура апрограммақәа рыла хәыда-ԥсада аҵаразы алшара роуеит, иара убас ирыҭахоит азеиԥшеиланхарҭа аҿы аҭыԥ, астипедиагьы рызшәахоит.

Аконкурс мҩаԥгахоит адистанциатә формат ала. Уи азы асаит www.grant.madi.ru аҿы ашәҟәҭагалара иахыстәуп.

Аҟәа. Ԥхынҷкәынмза 6, 2023 шықәса. Аԥсныпресс.  Аԥшьаша, ԥхынҷкәынмза  7 рзы имҩаԥысраны иҟоу Жәлар Реизара-Апарламент аилатәара амшхәаԥштә иалагалоуп  18 зҵаара.  

Адепутатцәа актәи аԥхьараҿы иахәаԥшраны иҟоуп абарҭ азакәан апроектқәа:

«2024 шықәсазы Ареспубликатә биуџьет азы»;

«Аԥсны арепатриациа Афонд 2024-тәи ашықәс азы абиуџьет азы»,

«Ареспублика Аԥсны асоциалтә бгаԥсеи аџьа ахьчареи рзы Афонд 2024-тәи ашықәс азы абиуџьет азы»,

«Ареспублика Аԥсны Амҩатә Фонд 2024-тәи ашықәс азы абиуџьет азы»,

«1992-1993 шш. Аԥсны жәлар Рџьынџьтәылатәи еибашьра аинвалидцәа рзы Аҳәынҭқарратә абиуџьетнҭыҵтәи Афонд 2024-тәи ашықәс азы абиуџьет азы»,    

«Ареспублика Аԥсны Атәанчаҩратә Фонд 2024-тәи ашықәс азы абиуџьет азы»,

«Ареспублика Аԥсны ихымԥадатәиу амедицианатә бгаԥса азы Афонд 2024-тәи ашықәс азы абиуџьет азы».

Аҟәа. Ԥхынҷкәынмза 6, 2023 шықәса. Аԥсныпресс.  Аԥшьаша, ԥхынҷкәынмза  7 рзы имҩаԥысраны иҟоу Жәлар Реизара-Апарламент аилатәара амшхәаԥштә иалагалоуп  18 зҵаара.  

Адепутатцәа актәи аԥхьараҿы иахәаԥшраны иҟоуп абарҭ азакәан апроектқәа:

«2024 шықәсазы Ареспубликатә биуџьет азы»;

«Аԥсны арепатриациа Афонд 2024-тәи ашықәс азы абиуџьет азы»,

«Ареспублика Аԥсны асоциалтә бгаԥсеи аџьа ахьчареи рзы Афонд 2024-тәи ашықәс азы абиуџьет азы»,

«Ареспублика Аԥсны Амҩатә Фонд 2024-тәи ашықәс азы абиуџьет азы»,

«1992-1993 шш. Аԥсны жәлар Рџьынџьтәылатәи еибашьра аинвалидцәа рзы Аҳәынҭқарратә абиуџьетнҭыҵтәи Афонд 2024-тәи ашықәс азы абиуџьет азы»,     

«Ареспублика Аԥсны Атәанчаҩратә Фонд 2024-тәи ашықәс азы абиуџьет азы»,

«Ареспублика Аԥсны ихымԥадатәиу амедицианатә бгаԥса азы Афонд 2024-тәи ашықәс азы абиуџьет азы».

Аҟәа. Ԥхынҷкәынмза 6, 2023 шықәса. Аԥсныпресс. 2023 шықәса 11 мзы рыла Аԥсны абиуџьет ахь иалагалан 3,3 млрд мааҭ инареиҳаны аҳазалхратә шәарақәа, ҳәа адырра ҟанаҵоит Аҳәынҭқарратә ҳазылхратә Еилакы.

11 мзы рзы иҟоу арбагақәа планла иарбаз аасҭа 742 млн мааҭ рыла еиҳахеит. Уи шазҭоу ашықәс азы планла иарбаз аасҭа 129% рыла еиҳауп.

Ҵыԥхтәи ашықәс аиԥш-зеиԥшу аамҭахәҭа иаҿырԥшны уахәаԥшуазар, сынтәа иалагалан 671 млн мааҭ рыла еиҳаны, усҟан 11 мзы рыла иалагалан 2,6 млрд. 672 млн. мааҭ.

Аҟәа. Ԥхынҷкәынмза 5, 2023 шықәса. Аԥсныпресс. Аԥсны аҩнуҵҟатәи аусқәа рминистр инапынҵала ареспублика мрагыларатәи ахәҭаҿы амаинингҿагыларазы аусурақәа мҩаԥысуеит. Убас, Очамчыра араион аҩныҵҟатәи аусқәа Рыҟәша аусзуҩцәеи  Аҳәынҭстандарти, Ашәарҭадаратә маҵзуреи ԥхынҷкәынмза 4 рзы агәаҭарақәа анеицымҩаԥыргоз  Очамчыра араион аҿы ирбеит 29 хархәага. Арҭ ахархагақәа зтәыз административтә хьырхәра иақәыршәоуп, ҳәа адырра ҟанаҵоит атәыла аҩныҵҟатәи аусқәа Рминистрра апресс-маҵзура.

Ахәҭакахьала, 24 маруга рыԥшааит Мераб Қацәба иҟны, 2 - Баҭал Кархалаа иҟны, 3 - Мераб Кверквелиа иҟны.

Аҟәа. Ԥхынҷкәынмза 5, 2023 шықәса. Аԥсныпресс. Аԥсны аҩнуҵҟатәи аусқәа рминистр инапынҵала ареспублика мрагыларатәи ахәҭаҿы амаинингҿагыларазы аусурақәа мҩаԥысуеит. Убас, Очамчыра араион аҩныҵҟатәи аусқәа Рыҟәша аусзуҩцәеи  Аҳәынҭстандарти, Ашәарҭадаратә маҵзуреи ԥхынҷкәынмза 4 рзы агәаҭарақәа анеицымҩаԥыргоз  Очамчыра араион аҿы ирбеит 29 хархәага. Арҭ ахархагақәа зтәыз административтә хьырхәра иақәыршәоуп, ҳәа адырра ҟанаҵоит атәыла аҩныҵҟатәи аусқәа Рминистрра апресс-маҵзура.

Ахәҭакахьала, 24 маруга рыԥшааит Мераб Қацәба иҟны, 2 - Баҭал Кархалаа иҟны, 3 - Мераб Кверквелиа иҟны.

Аҟәа. Ԥхынҷкәынмза 5, 2023 шықәса. Аԥсныпресс. Шәача ақалақь аҿы анаркотикқәа рконтрабанда аҿагыларазы аҟәша аусзуҩцәа  Адлер, Ганрацәалатәи автомашьынатә аушьҭра-гәаҭаратә Пункт аҿы дааныркылеит  31-шықәса зхыҵуа Аԥсны атәылауаҩ. Уи идырбалеит ишкәакәоу аххыраԥшра змоу амаҭәашьар зҭаз аилаҳәара, ҳәа иаанацҳауеит Урыстәылатәи Афедерациа Афедаралтә ҳазылхратә Маҵзура Аладатәи аҳазалхратә Усбарҭа апресс-маҵзура.    

Имҩаԥгаз аекспертиза ишаанарԥшыз ала, ахаҵа имхыз амаҭәашьар – «метадон» ҳәа изышьҭоу анаркотикатә маҭәашьар ауп. Уи акапан - 0, 16 грамм рҟынӡа инаӡоит.  

31 шықәса зхыҵуа Аԥсны атәылауаҩ иганахьала анаркотикқәа ркантробандаз ашьаус хацыркуп. Иара дырбаандаҩуп.

Иҟаиҵаз ацәгьоуразы Аԥсны атәылауаҩ быжьшықәса ихақәиҭра иалхәыдатәреи миллионк рҟынӡа ахараԥса иршәареи дақәыршәахар ҟалоит.

Аҟәа. Ԥхынҷкәынмза 5, 2023 шықәса. Аԥсныпресс. Ԥхынҷкәынмза 25 рзы имҩаԥысуеит  аԥхьахә «Аԥхьагылаҩ қәыԥш» анашьара иазку аныҳәатә усмҩаԥгатә. Абри азы адырра ҟанаҵоит иарбоу аусмҩаԥгатә еиҿызкаауа аҿари аспорти русқәа рзы аҳәынҭқарратә Еилакы.  

Аԥхьахә «Аԥхьагылаҩ қәыԥш» Аԥсны Аминистрцәа реилазаара иаҵанакуа аминистррақәеи аусбарҭақәеи русзуҩцәа иранашьахоит.

Уажәы ихыркәшахахьеит азыҳәамҭақәа  ралаҵара актәи аетап. Аусбарҭақәа рнапхгаҩцәа Аҳәынҭеилакы азыҳәамҭа ала зықәра 30 шықәса еиҳам хҩык-хҩык аусзуҩцәа алыркааит.

Анаҩстәи – ахәшьараҟаҵаратә етап аҿы акомиссиа урҭ рҟынтәи аӡәаӡәа алыркаауеит.  Аҳамҭақәа рыҭахоит иара убас Аԥсны иреиӷьу аспортсменцәагьы.

Аԥхьахә «Аԥхьагылаҩ қәыԥш» символс дыҟоуп Нарҭ Сасрыҟәа – Нарҭаа репос афырхаҵа хада.  

Асимвол автор – асахьаҭыхҩы Мадина Бигәааԥҳа.