27.Лаҵара.2024
Едуард Быҭәба «Аԥсны Зҽаԥсазтәыз аҳақьым» ҳәа аҳаҭыртә хьӡы ианашьоуп.
Аҟәа. Лаҵарамза 27, 2024 шықәса. Аԥсныпресс. Аҳәынҭқарра Ахада Аслан Бжьаниа Аԥсны агәабзиарахьчара аминистр Едуард Быҭәба «Аԥсны Зҽаԥсазтәыз аҳақьым» ҳәа ахьӡ ихҵара азы Аусԥҟа инапы аҵаиҩит.
«Агәабзиарахьчара аҿиареи, ауааԥсыра амедицинатә цхыраара рыҭара аиӷьтәразы илагалақәа рзы «Аԥсны Зҽаԥсазтәыз аҳақьым» ҳәа ахьӡ ихҵазааит Быҭәба Едуард Валериан-иԥа», — ҳәа иазгәаҭоуп Аҳәынҭқарра Ахада иҭижьыз Аусԥҟа атекст аҟны.
