АЖӘАБЖЬҚӘА

27.Лаҵара.2024

Аԥсны ахаҭарнакцәа Санкт-Петербург имҩаԥысуа Жәларбжьаратәи аекономикатә форум рхы аладырхәраны иҟоуп.

Аҟәа. Лаҵарамза  27, 2024 шықәса. Аԥсныпресс.  Рашәарамза 5 инаркны рашәарамза 8-нӡа Санкт-Петербург ақалақь аҿы имҩаԥыслоит Жәларбжьаратәи аекономикатә форум (ПМЭФ). Сынтәа афорум атема хаданы иҟоуп — «Аҳәынҭқаррақәа реиҟарара апринцип ала ишьақәгылоу адунеиеиҿкаара  - иҿыцу аҿиара ахыҵхырҭақәа рыԥшаара».

«Аҳәынҭқаррақәа реиҟарара апринцип ала ишьақәгылоу адунеи аҿы аҭышәынтәалареи аиашареи рышьақәыгылара алшоит иҿыцу аныра ацентрқәа раԥҵарала мацара. Петербургтәи жәларбжьаратәи аекономикатә форум аплошьадка иҳаракӡоу аҩаӡара аҿы адискуссиақәа рымҩаԥгаразы алшара аԥнаҵоит», - ҳәа иазгәеиҭеит Урыстәылатәи Афедерациа Ахада Иабжьгаҩ,  Санкт-Петербург имҩаԥысуа Жәларбжьаатәи аекономикатә Форум Аиҿкааратә комитет аҭакзыԥхықә маӡаныҟәгаҩ  Антон Кобиаков.

Санкт-Петербург имҩаԥысуа Жәларбжьаатәи аекономикатә Форум-2024  аусуратә программа 4 тематикатә хырхарҭа рыла ишьақәгылоуп:

– «Аиҟарара апринцип ала ишьақәгылоу адунеитә економика ахь аиасра»;

– «Урыстәылатәи аекономика: иҿыцу ацикл ахықәкқәеи ахыдҵақәеи;

– «Аԥхьагылара  алзыршо атехнологиақәа»;

– «Иҭышәынтәалоу ауаажәларатә еилазаара, итрадициатәу ахәдуқәеи асоциалтә ҿиареи – аҳәынҭқарра априоритетқәа роуп».

Апрограмма аҿы иҟоуп — 150 инареиҳаны атематикатә сессиақәа, урҭ рхы аладырхәраны иҟоуп  1000-ҩык нареиҳаны амодераторцәеи аспикерцәеи.  

Афорум рхы аладырхәуеит Аԥсны, Азербаиџьан, Африка, Венесуела, Индиа, Иран, Ҟазахсҭан, Китаи, Ҟыргызсҭан, Оман, Евразиатәи аекономикатә Еидгылара иаҵанакуа атәылақәеи Алада-Мрагыларатәи Азиа атәылақәа Рассоциациеи (ЕАЭС — АСЕАН).

Афорум ахь 128 тәылеи аҵакырақәеи рҟынтәи  12 000-ҩык инареиҳаны ауаа  раара иазыԥшуп.  Еиҳа инарҭбаау аинформациа аиуразыадҵаалара ҟалоит абри асаит:  https://roscongress.org/news/spief-2024-business-programme-published/

 


Read 217 times - Аҩаша, 28 Лаҵара 2024 04:41
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.